صلو على محمد وال محمد هسة جيت من المستشفى وطلع التحليل موجب ولله الحمد ياربي بس بعدة كللش بالبداية يوم لنور الهدى ودودو وكل البنات ياربي ويجبر بخاطرهم مثل ماجبر بخاطري ورى كل الضيم والقهر اللي شفتة طول هاي السنين وحجي الناس الله يسامحهم الي خلوني احبس نفسي بالبيت ومااراوي وجهي لاحد من كد ماجانو ياذوني ودموعي اللي اذبعن من اشوف اي احد عندة طفل .. اني مامصدكة هسة عبالي واحد من احلام اليقضة اللي حلمتها سنين .. ادعولي بنات الله يتمم فرحتي وياربي بحق هذي الايام المباركة يجبر خاطر كل البنات .. نور الهدى ودودو اول مااستلمت الخبر رفعت عيني للسمة وكتلة الهي مثل ماجبرت بخاطري اجبر بخاطرهم من كلبي .. ميوسة وام حواء ولولة وايلاف وكل البنات ماانسى وكفتكم وياي فرفحتو وياي من البارحة لليوم وماقصرتو .. ادعولي ميتة خوف .. زالله يبارك بخذا المنادى اللي فعلا عتبته خير ورة كل هاي السنين الله جبر بخاطري على عينة

يابعد كلبي ياميوسة النسبة بالدم طلعت 18.6 والطبيب حسبهة بالادرار 27 ونص لان الادرار كشفة قبل الدم فهوة حسبهة هيج لان من سويت التحليل جان سابع يوم من الارجاع اني رجعتهم يوم الثلاثاء وحللت الاثنين بالليل

حبيييييييييييتي ربي يخليج الي وفرحتج وصلتني والله خليتيني احس بالبهجة من يمي اما زوجي خفت علي لايصير بي شي ضل ساكت مانطق ولا كلمة بس دموعة تجري وليهسة ساكت بس يصللي ... اني كلساع اروح اصلي ومادري شسوي بس ميوسة احس رحمي جاي يتشكك من الالم ماادري ليش راح اموت من الوجع عفية خاف شو شبية؟؟؟؟

والله حبيبتي الطبيب مالتي كللش متشائم وضوجني والحجي يطلع منة بالمثاقيل اكللة بالتلفون طلع تحليل الادرار موجب يكللي تحليلج خاطئ ماكو نتيجة تظهر هسة كمت ادك والطم ورحت للمستشفى سويت التحليل ورحتلة كتلة ليش هيج تكللي يكللي مااريدج تتأملين خصوصا انتي بعدج بالبداية ممكن ينزل وية الدورة زوجي صار عصبي كام يحجي وياي بالعربي بحيث الطبيب فهم الحجي علي ....زوجي كال كومي ياللة خللي نطلع واذا ماتردين تطلعين اني رايح وحدي من كد ما الطبيب جان متشائم واسلوبة سخيف

تتصورين صارلهم 3 ايام؟؟ اني ماااعرف شلون حسبتيهة لا والنوب نونوات ههههههههههههههه منو كاللج ولو انتي حجيج دوم مضبوط

ربي يخليج الية حبيبة ويفرحج بشوفة ضناج حسن الخلقة والاخلاق ويعوضج خير ياربي

حبيبتي انتي مو كلتي الارجاع جان الثلاثاء اللي فات هي تظل بالرحم حسب حجي الدكتور اللي سوة عمليه حماتي تبقى خمس ايام ووراها تبدي تعشش بالرحم وانشاء الله نونوات يعني انتي من ليلة السبت بدت تعشش الاجنة بالرحم وهسة انشاء الله تجيج ام حواء تسويلج احلى توقيع حمل بس كتبيلها موعد اخر دورة هي عليها الباقي الله يتمملها بالخير كل وحدة تحمل هي تسويلها التوقيع

وعيونج هسة لااريد اكل ولا اشرب ولا انام ولو ما المثبتات ينردلهة اكل ولا اكدر اكل البارحة ولا نايمة خوب كاعدة احجي وياكم سودة علية البارحة بالليل خبلتكم وياي واليوم مصدومة وفرحانة وخايفة ومزيج غريب من المشاعر فماالي نفس حتة انام مع العلم صارلي يومين كاعدة

هههههههههههههه انشالة يارب الله يكومهة ويكومنة والطفل بسلامة ويرزق كل البنان يارب ولايكنب اللي شفنا على احد بس دادة اني نسيت موعد اخر دورة لان اني شغلتي مو دورة وهيج شي بس يمكن نهاية شهر 12 لان بديت اخذ ابر علمود بطانة الرحم ورة الدورة ب17 يوم سوالي الارجاغ فينراد احسبهة عدل.. بس تدرين فاجأتيني من كلتيلي ماشاء الله انتي هيج طويلة ما ادري ليش متخيلتج عنونة وبيضة وماادري منين جبت هذا الخيال هههههههههههههههه

حبيبتي انتي بيج خير وادللي علينا لعد احنا هنا شنو غير وحدة توكف للثانية والله البارحة احجي وياج وبيني وبين نفسي اكول حااامل والحمد لله الله ماخيبنا

زين اهلج عرفو لوو بعد؟؟؟؟

وموزين هيج تجهدين نفسج يمعودة روحي تمددي واحجي ويه زوجج وفرحوا فرحة العمر مو كتلج الباجر الفرحة فرحتين فرحة زواج النبي وسيدة خديجة سلام اله عليهم...وبيها صار فرحة حملج حبي انشاء الله تكومين بالسلامة وتفرحين باحلى اطفال بالدنيا واذ اجاج ولد وبنية تسميهم محمد وخديجة ههههههههه لا دا اشاقة انتو بكيفكم

هههههههههههه لا مو عنونية اني ضخمة بس اي بيضة

وحبي بالنسبة للدورة مالتج هسة حسبتها يوم 30\12 اول يوم دورة

يارب يخليج ويوفقج انشالة .. اي جاي اخابر متشوفيني كلساعة اغط هههههههههههه امي كامت تبجي كتلهة شبيج تكللي مو انتي ماتدرين شصاير بية من حجي الشمات يكولولهة بنتج هلوحدة وعاقر .. بالله عليج يعني ذولة شتسويلهم وبكولوهة بنتج جذابة مو مابيهة شي والله ماجاي يقسم بنتج اصلا ماتخلف وضامة عليكم وتكللي ماردت اكللج باشكال الحجي كلت ليش اقهرج .. والله تاذيت عليهة هسة الناس ليش ماتعوفنة بحالنة هوة منو خالق من جهالة ايد لو رجل

فدوة لاسم النبي والسيدة خديجة وال النبي ماقصرو اهل البيت رحت للمستشفى اليوم شادة راية امير المؤمنين على بطني وكتلهم بكيفكم بعد لو الرزق لو الصبر.. اني على حجايتج نذرتلهم البارحة وانشالة الله يكدرني واوفي ...

اللهم صل على محمد وآل محمد وصحبه وسلم شنووووووووووووووو هذا الخبر الحلووووو اريد اهلهل كلللللللللللللش حبيبتي نونة الف الف الف مبرووووووووووووووك الحمدلله صبحت بهيج خبر والله ماتدرين شكد فرحت من قريت موضوعج والله فرحتينا الله يتمملج على خير ياااااااااارب وتشوفين ظناج بحظنج سالم معافى الحمدلله الله عوضج وانطاج وديري بالج على روحج حبي هسه وارتاحي وا تمددي وظل احمدي الله وشكري لان الحمد يقيد النعم واني براي هسه لاتكولين لاحد عالحمل خليها للرابع اذا كدرتي علما يثبتون خصوووصا هالايام حبيبتي بس كثري الذكر والاستغفار وقران واشكررررررج حبيبتي من كل كلبي لان اول ماستلمتي النتيجة دعيتيلنا اني ودودو والله مااعرف شلون اجازيج والله يسمع منج والحمدلله هذا المنتدى وجه خير عالكل وكل شهر عدنا وحدة لو ثنين حوامل الف الحمدلله والشكر ويااااااارب التمام على خير لكل الحوامل

حبيبتي نور الهدى الللللللللللللهي من كلبي لربي يفرح كلبج ويقر عينج ويعوضج كل الخير عن صبرج بحق لا اله الا الله .. يوم اللي نفرحلج مثل مافرحتيلي وفرحتيني لان اني بالغربة محد يسويلي واهس واني ناذرتلج نذر انتي ودودو وانشالة اللة يسمع مني ويتقبل والله حسيت بيج هلكد فرحانتلي الله ينطيج على نياتج يارب ..والله اني ماردت امي تحجي الاحد بس حسيتهة ملجومة وموجوعة حيل من حجي الناس لان اني انخطبت من جان عمري 19 سنة بال2004 وبقيت 3 سنوات مخطوبة علما تخرجت والناس اكلت كلبهة لان خطوبتي طولت تكللهم يابة اني مااريدهة تتزوج الى ان تتخرج يكلولهة لا هوة الولد يجوز مارايدهة ويتحجج واتزوجت ب2007 يعني صار 6 سنوات ونص وماكو طفل بدون سبب ولا علة فالناس دمروهة اكثر فماردت اكسر فرحتهة لان اقرب الناس الهة اللي هنة خالاتي خواتهة جانو يأذوهة بسببي بالبسامير مالتهم والا اني لو علية مااريد احجي .. الله يستر بعد هم عايزة الناس تخللي عينهة علية ورة كل هذا العذاب

تسلمين حبيبتي نونة عالدعاء والله يستجيب منج حبيبتي اني هم تزوجت بال2007 وهم سامعة اشكال الوان من حجي الناس ومحد يصدك انه مابيه شي لذلك حبيبتي تشوفيني فرحانتلج من كل قلبي لان حسيت بيج كلش حتى البارحة رجلي من حجيتلا فرح كلش وكام يضحك عليه لان كمت ابجي من الفرح وكتلا يمكن لو اني طلعت حامل مافرحت هيج حبيبتي نونة الله يعلم شكد انتي طيبة ونيتج صافية لان خبر حملج فرح الكل ودخل الامل على كلوبنا ويااااااااااارب نفرح بكل بنات المنتدى انتي ودودو وشوشو ونور فاطمة وباقي البنات وحبيبتي ام حواء اشكرج عالدعاء والله يسمع منج ويحفظلج النونو يااااااااارب ..ام حواء انتي وجه الخير علينا كلنا ياااااااارب كل اللي بالمنتدى وكل اللي راح يدخلون المنتدى يحملون ويجيهم احلى ذرية

يارب نور الهدى مادام تزوجنة بنفس السنة انشالة الله يجبر بخاطرنة سوة بجاة الحبيب محمد واله

ياحبيبتي ربي يوفقج وينطيج على نواياج والله هاذ فضل جبير منج اللي جاي تسوي الي الله لاينساج من رحمتة انشالة بس عفية شنو هاي سالفة التوم اشو كل البنات يكلولي توم شنو شايفين بية حلم ههههههههههههه وعيونج ليهسة بعدني مامصدكة ولا مستوعبة

مااريد انام خاف اكعد من النوم الكة نفسي حنت احلم

هههههههههههههههههه خيتي روحي نامي

انتي باي دوله وهجي الفرق بينا

ابد لاتعوفين سوره البقره واقري ايه الكرسي 5 مرات تحفظ النونو من كل شر ومكروه

واستمري على مثبتات

ياعيوني انتي الله يفرح كلبك ياحبيبتي والله اي شي يجي من الله اني راضية بس خللي اللة يتمم فرحتي واستوعب الموضوع اول مرة وعيونج من اجيت من المستشفى ليهسة تجيني لحضات اصفن اكول ياربي فدوة ارزقني حمل هذا الشهر بعدين اصفن اكول هاي شجاي احجي شنو من كد مادعيت سنين شكلت علهلدعوة خللي ادعي دعوة ثانية ترعم علوضع الجديد

لا هسة مو نص الليل يمنة هسة بالتسعة بالليل بس اني صارلي يومين كاعدة من اول ماحللت ادرار ليهسة ومااريد انام او باالاحرى مااكدر انام لان خايفة وهسة مو وكت نومتي ومتونسة وياكم لان مافرحت بنص اهلي فرحت بنصكم