حبيبتي الف الصلاة والسلام على سيدنا محمد واله وصحبه اجمعين 
طبعا من قريت عناون موضوع فتحت عيني زين ومتحملت بس اريد الدون لود سريع بحيث يفتح حتى اباركلج حبيبتي الف حمد وشكر لله شفتي الله شكد رحيم ومينسى عبادة والله كولش بارحة جنت شايلة همج وبس اريد تفرحين همزين ربي فرحج وجبر بخاطرج مثل مكالولج البنات ديري بالج على صحتج ونومتج واكلج وشربج كلش داري نفسج حبيبتي ومثل مكالت نورة ابد لاتكولين لاحد والله تدرين اني حاجيتلهم للبنات شون ضميت نفسي بحملي علما الله رزقني ببرهومي من ورة الاسقاط فضمي نفسج والي يسال شامت ضحكي عليه بكلبج وكوليله ماكو شي وادعي الله شكد متكدرين وتقربي اله اكثر واكثر واقري يومية سورة يس تبعد عنج كل شر وربي يحفظلج هالحمل ويعوض صبرج كل خير ويرزق البنات الورود نور الهدى ودودو وشوشو ونور فاطمة ويتمم حمل ميوسة وايلاف وام حواء على خير وسلامة امين يارب بجاه هالمغربية 

ياحبيبتي ربي يفرح كلبج ويزيل همج والله اني افكر اكوب يمكن رب العالمين خلة التحليل يطلع ايجابي قبل وقتة بأسبوع لان شافني وصلت الموت من القهر والبواجي والانهيار حسيتة لفتة من الله مو شي يحكمة المنطق حتة الطبيب منا لمن شاف تحليل الدم يالله اقتع.... بالنسبة للناس اني ماراخ اكول لاحد بس تغرفين مادام اهلي واهل زوجي درو اذن طشت السالفة بس مو بيدي والله جان لازم افرحهم والله الحافظ انشالة .. ماادري شكبرهة براسي اسوي ربط لان كللش خايفة من الاسقاط .. هوة يمتة الواحد يكدر يسوي ربط؟؟؟لان من شفت قصصكم متت خوف واني اذا هذا راح من ايدي راح اموت

الله الحافظ حبيبتي اذا درو واذا مدرو وانتي هم حقج تفرحيهم ورة هالانتظار ربي يفرحج ويكمل حملج بكل خير وسلامة وتفرحين بشوفة ضناج  اني ممسوية ربط بس اتوقع بالشهر الرابع او الخامس هيج شي هسة  بلكي البنات يفيدوج   ديري بالج على نفسج حبي واحنة وياج اول باول شتاحتاجين سالينا ومنقصر انشالة

حبيبة كلبي دودو ربي يخليج انشالة ويارب افرح بيكم هذا الشهر بااااااااااااارب وكلماتج كللش اثرت بية والله لان نابعة من كلبج وياربي يكتبلج اللي بي صالح واي شي تحتاجي اني بالخدمة والله لايحوجج بس الرحمتة وانشالة وياربي الله يجبر بخاطركم بدون لاعمليات ولا الضيم والالم وكومة العلاجات اللي تزرف جسمي بيهة اللي شفتة برحلتي الطويلة وية الاطباء وتفاصيل العملية . اذا نويتي علعملية وتريدين تسأليني عن اي شي وحابة تراسليني علخاص حتة تكونين براحتج فاني بالخدمة .ادعولي لان ميتة خوف ماادري شبية هوة عادي يعني الواحد يظل خايف لو اني متشائمة ؟؟

لاعادي حبي نونةهوة واحد يظل خايف طول الحمل لان بس يريد يعديه على خير وسلامة اتذكري دائما انه ربج رحيم مثل منطاج هالحمل هوة كفيل انه يحفظة ببطنج ورة هالصبر والتعب والمعاناه لا تخافين  حبي  الله وياج واحنة هم ان شاء الله انتي بس خليج قريبة من الله وصلي وسبحي واقري قران شكد متكدرين وبعدها ابد لاتخافين

لولة حبي بس اريد اسألج هوة الالم اللي اببداية الحمل بالرحم يكون مستمر لو متقطع ؟؟؟ لان البارحة جان عندي الم كللت اي خير معناهة الطفل موجود وجاي يكبر الرحم حسب ماكالت ميوسة اليوم من كعدت من النوم ليهسة ماكو اي وجع وخايفة لان طبيبي الله يسامحة يكللي لاتخلين بي امل جبير وحتة اهلج لاتكليلهم هسة لان ممكن يوكف انقسام الخلايا باي لحضة وبنزل وية الدورة خلليج بعد 3 اسابيع من تشوفي بالسونار بللة تكولون او تعتبرين نفسج حامل واني من البارحة واليوم كلساع اكول توقف نموة وانتهى وراح ينزل لان هاي حجاية طبيب قابل يجذب علية .. والله تعبت وضيعلي فرحتي شأكول علي جاي اعيد سوالفة على نفسي واموت خوف

اشكرج حبي اني بماليزيا بس خايفة كللش وكعدت ابجي منساع اكل لزوجي الطفل مابقة يمكن توقفت انقساماتة مثل مافاولني الطبيب التحقة مالتي لان حجية كللش اثر بية .. كللش ضاج كللي شبيج بهذا الموضوع الغثة لو طايرة تجيبيهة بس اني ميتة خوف لان مااعرف لايطلع بسونار ولا يبين بشي حتة اتأكد موجود لو لا

حبيبتي نونة شلونج ان شاء الله بخير حبيبتي لا تشيلين هم باذن الله الاجنة من نصيبج بس انتي اهم شي الزمي الراااااحة ترى هسه كلش ضرورية خصوصا التمديد عالظهر وحاولي دائما تسترخين اني قريت بالنت هواي عن بنات سوو اطفال انابيب فكانو اكثر الوقت اممددين الا ان ثبت الحمل واقري بالنت عن هاي الشغلات وحاولي ابد لا توهوسين لان انتي كلتي ماشاء الله الاجنة زينين حتى بالمركز ماتسجل عدهم هيج حالة وماشاء الله ماطول بين التحليل من وكت معناها اجنة قوية وحمل قوي فلا اديري بال وكثري اية تثبيت الحمل اللي كتلج عليها والاستغفار ولا اله الا انت سبحانك إني كنت من الظالمين يعني لزمي سبحة بيدج وظلي بس ذكري الله وجيبي صلوات لان هاي الفترة اللي انتي بيها مهمة بكل دقيقة فحافظي على هدوئج واذكارج وكوني متفائلة حبيبتي ولا تردين على حجاية الطبيب هو كال يمكن يعني مو اكيد بس الاكيد انه هو خلالج اجنة قوية فخلي ثقتج برب العالمين والتزمي بالاشياء اللي كالوها البنات وفعلا اني سامعة بعد اطفال الانابيب خصوصا هاي الفترة مايفضل الاستحمام وخصوصا بالمي الحار وهي اسبوع او اسبوعين وتتاكدين بالسونار ان شاء الله وتفرحينا واحنا هم راح ندعيلج ومستحيل ننساج لحظة وماعندج الا العافية وراحة البال حبيبتي

حياااااااتي
اللهمممممممممم صلي على محمد وال محمد والله حيل فرحتيني ربي يتمملج على خير بااحلى نونين يارب

حبي ميوسة ونور الهدى وايلاف ودودو ربي يخلليكم كلكم ويفرج عنكم على كد ماجاي تساعدوني بان اتجاوز هاي الخرعة اللي اني بيهة وتطبطبون علية .. ميوسة ونور الهدى اني احاول امشي على اللي كلتولي علي بس هاي مالت الراحة التامة وتجنب الانفعال شوية صعبة اليوم استلمت ايميل من المشرف مالتي انطاني رزالة غسل ولبس وراد مني كومة شغل ونتائج وكاللي وين صارلج فترة ماكو ومن هذا الحجي والله اني كللش شادة حيلي وياة وبسبب دراستي خسرت هواي اشياء بس ذيج الفترة اللي فاتت الطبيب كاللي لاتروحين للجامعة ولا تتعبين واني من فراشي جنت ادرس واكتب وادزلة نتائج الاشياء اللي اشتغلتهة بالمختبر ذيج الفترة اضافة الى مسؤوليات البيت اللي مهما ساعدني زوجي بيهة يبقة معتمد علية بس يالله شسوي هوة اني جنت احلم بس حلم بالحمل لازم اتحمل كل اللي جاي يصير بس بنفس الوقت اني محددة بوقت بالدراسة لازم التزم بي ومااعرف بين حجيكم وبين الوضع اللي انة بي وانشالة الكريم اللي انطانياه يدري بالحال ويسهل الامور .. اما بالنسبة للرجال فاطمئني احنة عايشين اخوان من زمااااااااان لان مراحل العملية من البداية تتطلب هيج ههههههههههه على كولة زوجي يكللي هذا الشي الوحيد اللي انتي كللش ملتزمة بي هههههههههههه

دودو بيج خير وتدللين وياربي يفتحلكم باب رزق واسع واذا ماقاسملج الحمل الطبيعي فالف الحمد لله والشكر وانشالة الله يرزقكم من عندة برزق تتدبر بي كل المصاريف اللي تحتاجوهة بالعملية وربي لايضننكم مثل مااانضنكنة واي شي تحتاجي اوي اي سوال نسولف بي علخاص حتة انتبة واجاوب ومن عيني

الف الف الف مبروووووووووووك والله فرحتلج حيل ومن قريت مال منهارة وشكد حسيت بقهرج الحمدلله الحمدلله والشكر الله رزقج ان شاء الله ولد الصالح وترتاحين وترتاح نفسيتج الف مبروك

ياعيوني انتي اني بيج خير وتدللين ولاتتحرجين اني من اكدر اجاوب اجاوب لاتخافين ماراح اضغط على نفسي واريد بس اخدمج باي شي وبالنسبة لاختصاصي اني جاي ادرس ماجستير بالهندسة وماكو اي فضول وعيونج منتظرة رسالتج ويارب يقدركم علي اللي بنفسكم ويقسملكم الصالح من امركم انشالة

حبيبتي اميرة شكرا جزيلا ربي يحفظلج اللي اببطنج وينطيج ساعة سهلة يارب ويسهللج امروج

حبيبيتي نونة اعتذر جدا عالتاخير صارلي يومين مفاتحة لان جنت افتح من الموبايل وصعبة افوت عالمنتدى واكتب منه هسة يلة قريت سؤالج والبنات ماقصرو بالاجابة الالم مومستمر يروح ويجي والتمي بنصائحهم وتقيدي على نفسج شكد متكدرين وانشالة يكون هالحمل نصيبج وتجيبين النونو وتكملين الماجستيرياوردة

حبييييييييييييييييبتي ربي يخليج عيوني انتي ولا يهمج انتي هم غندج اهتماماتج وحياتج يكفي انو احسكم وياي واقربلي اكثر من اهلي

حبي اني هم دزيتلج رسالتين وحدة ورة الثانية وجاي ابينلج الرحلة مرحلة مرحلة لذلك هاي اول حلقة وانشالة اكمللج الجاي باقرب فرصة وتدللين