نوركم ياوردات

خطيه الوالده حظرتلي جنطه مال مستشفى كالت خاف كلشي يصيير

واني شفتهم راسا ضميت جنطه بالكنتور

وبعد ما شفتهم بس كللبي يحن كل شويه اريد افتح كنتور واكلب بيهن


بنات صدك عفيه تنزل عليه افرازات سائله ثخينه لونها بلون الحليب

عذروني على الجراءه بس رحت لدكتوره وكالت عندج حكه ريحه كتلها لالالا

وحتى تنزل مرات شلون ماده مخاطيه

كالتلي كلشي ما انطيج بس غسول

شامبو مكتوب عليها تقتل البكتريا والفطريات وتنظف المنطقه

ودا استعمله وبعده الفرازات

صدك ماتعرفون اسعار المستشفيات ميوسه ماعندج معلومات

الراهبات غاليه يكولون تكلف هواي

هلو حبايب شلونكم ووحدة وحدة هندان حبي منورة شلونج شو تسألين على اسعار المستشفيات ليش انتي مو بالخارج؟ ربي يكومج بالسلامة وبالنسبة للراهبات اني سامعة العملية مليون وسبعمية وخمسين

هلو حبي شوشو

شلونج ان شاء الله بخير

لا حياتي اني بغداد

اي غاليه هوووووا ي الراهبات

مرحبا بنات شلونكم شخباركم مشتاقتلكم كلكم
هنوده ودودو منورات وليش هلغيبه
ام حواء حبي سلامتج ومابيج الا العافيه هيه هاي الايام صعبه والله يعينج ويكومج بلسلامه
ميوسه حبي مابيج الا العافيه اني هم كأبه موتتني ومالي واهس لا شغل ولا طبخ ومجبوره كل يوم اشتغل وظهري دا يوجعني كلش وبالنسبه للجهاز ما جهزت شي ما تقبل عمتي تكول هيه تجهز على ذوقها وتجيبهن ولازم اسكت وكارهه من صدك حياتي لان كل يوم طبخ وتنظيف وبس لا طلعه ولا فوته بس هيه تطلع ورجلي خبلني ساكت وبس اجيب طاري امه يتهستر الا متى ما ادري
نونه حبي شلونج شخبارج وفجورة ان شاء الله الكل بخير شوشو شلون صار زوجج طمنينا عيوني

صدك نسيت اكولكم واخيرا راحت عمتي جابت نفوسي من بغداد وتحولت علموصل ورحنا البارحه سوينا جناسي جديده وصرت مصلاويه ومتزوجه بس ما قبلو اروح بغداد ولا كدر زوجي يروح بسبب الاوضاع واني مطلوبه زياره للكاظم شلون ما ادري بعد شوكت اكدر انزل بغداد

وميوسه اني هم العطار كالي زيت اللوز المر للجسم والبشرة مو الحلو كتله اني اريد الحلو كال الحلو للمعده والقولون مدري شنو كتله انت شعليك اني اريد الحلو وجبت الحلو ودا ادهن منه مرة باليوم اكولج يصير احط منه لوجهي لان دا يكشر هواي خبلني

حبي اني باربيل مو كتلج وبعدني هنا والعريس زين الحمدلله صاير كلش زين ويحبني خصوصا بعد ما عرف انه ولد ابطني زاد اكثر
ومفاتيح الجنان هم ماعندي وطلبته من عمتي من راحت ما رايحه جايبته الي من بغداد هنانه ماكو نهائي بس راح اطلعها من النت على كولتج
انتي شخبارج امورج شلونها اني دا اتعذب حيل ومدا ارتاح بالنومه من انام صفح تكوم توجعني المنطقه الحساسه كلش وكل شويه افز ورجلي تتشنج ومتبهذله بالنومه ويكولون ميصير تنامين على ظهرج مو زين ما اعرف شسوي

هلو بنات شلونكم حبي ام حواء تسلمين ربي يكومج بالسلامة دودو حبي منورة وربي يرزقج باقرب وقت عهودة حبي زوجي بقة عندة ورم كلش قليل واسبوع اليجي عندة موعد يم الطبيب وياربي خير اني بنات البارحة رحت اخذت سونار كتلكم قبل فترة عندي الم خفيف بالمبايض والبارحة جان 16 من الدورة طلع عندي التهاب واحتقان وانطتني كبسول وحب وكالت البيضة بعدهة منازلة اني تعجبت وحجمهة 16 هية غير المفروض تنزل يوم 13 او 14 وبالنسبة للحجم بنات اشو خفت مو صغير حجم البيضة ؟ والالتهاب بنات ياثر عالحمل لو لا؟

حبي شوشو مو شرط التهاب يأثر

هو ربج من يرزق يرزق لا التهاب ولا بيضه

تره تبويض مو شرط يوم 13 او 14

اكو يصير لحد يوم 20 تنزل البوضه

حماتي يوم 18 صار جماع

سبحان الله ما شاء الله راسا صار الحمل عدها

ربي يرزقج الذريه الصالحه ويفرح كللبج

اليوم صدقتي خابرتني خطيه صارلها 5 سنوات مزوجه

وهم ما خلت شي ما سوته من مراجعات ومنشطات

والحمد لله حامل خطيه شكد فرحتلها

منوووره ميوسه

حياتي شكرا للمعلومات ربي يسهل ولادتج ان شاء الله

التمريض خاص صديق زوجي هواي يمدج بيها من نظافه وعنايه

بس الراهبات راافائيل

يكولون مليون 750 تكلفه

والهلال لان اول بطن توصل 500 الف

بعد ما اعرف انتي يعني تجي وياج دكتوره ريا

للتمريض الخاص

هلو حبي ميوسة لا والله مرحت على د ريا جنت البارحة ابيت اهلي ورحت وية اختي دتراجع طبيبة هناك كلششش زينة وفاهمة وكتتتل عليهة ولازم حجز قبل اسمهة سهاد الشيخلي وبالنسبة للضيق التنفس هاي اختي هم ديصير عدهة هيجي خطية من هسة وكلتلهة للطبيبة انطتهة حبابي مااعرف شنو وانطتهة بيوتادين يمكن موسع قصبات
هنودة عمري شلونج مظل شي ان شاء الله ساعة السهلة زين انتي غير طبيبتج تشوفيهة بيا مستشفى تجيبج غير تتفقين وياها وربي يكومج بالسلامة

هلو بنات شلونكم حبيباتي شكو ماكو
دودو حبي تسلمين عمري اني بخير الحمدلله وان شاء الله كل البنات بخير والله يرزقج بالطفل انتي وشوشو يارب وتتعذبون مثلنه والله طلع مو هين الحمل هههههههههه كل يوم اكول يله شوكت اوصل للتاسع طكت روحي اريد انام براحتي اغفى يمكن راحت ايام الراحه بعد الجاي اكثر وانوبه راح يجي الطفل راح ابجي وياه من يبجي هههههههههههه
ميوسه حبي شلونج عمري عيني هاي شكد ما احجي يفوت منا ويطلع منا كمت اعوفها شتسوي خلي تسوي
باقي البنات اعذروني ما اذكر اسامي لان والله انسى بس اتمنى الكل بخير وتكومون بلسلامه للحوامل وحلوة فكرة دودو مال جدول حتى نعرف منو راح تجي موعد ولادتها ومنو وراها
ام حواء تسويه النه ههههههههه

بنات عفيه اريد اسالكم اكدر اشقر جسمي بلتشقير مال الجسم يعني بودره ميش واوكسجين لو مو زين علطفل وبلنسبه لمشروب الطاقه الريد بول وتايكر وهذني اني كلش احبه جنت بس كاطعته من حبلت لحد الان مكتوب عليه مو زين علحامل يعني اذا اشرب شويه منه ياذي الطفل لو عادي اني كلش احبه

هلو حبي ميوسه عمري سلامتج مابيج الا العافيه انتبهي يمعوده ولتصعدين وتنزلين هواي من الدرج
عريسي زين هههههههههههه الحمدلله ومشروب الطاقه احب طعمه مو علمود ينطيني طاقه بس عفته هسة علمود الحمل