لا نونه لتخافين بعدلج وكت اني بعدج بشهر لتخافين حبي وان شاء الله اكتبلكم اخباري

هلوو حبايب شلونكم شو مختفين عهوودة حبي طمنينة يارب جبتي بالسلامة

هلاوين حبي شوشو شخبارج .. فعلا البنات كلهم مختفين بس اني اشوفهم بموقع على الفيس بوك وعهودة اليوم جابت بطلق صناعي خطية من كم يوم تفتر بالمستشفيات وهواي بهذلوهة .. يوم اللي الج انشاله ونفرح بيج طمنينة عليج شخبارج؟ بالي يمج من اشوفج كاتبة تعليق اركض اقرا اكول انشاله جايبة اخبار حلوة

هلو بنات شلوونكم 
الف الحمد لله  على سلامه عهوووده  وان شاء الله  يتربى النونو  بعزهم 

ويا رب نسمع اخبار حلوه من شوشو 

نونه  حبي يوم الالج وان شاء الله  تفرحينا يا ورده 

بقيه البنات الوفه وميوسه شلوونكم

الف الحمدلله على سلامة عهودة يتربى بعزهم ان شاءالله
حبي نونة تسلمين ياوردة يوم اللي نفرح بكومتج بالسلامة واني ماكو اخبار جديدة زوجي خلص العلاج وحنروح للطبيب نشوف شيكول والله كريم
ام فطوومة حياتي منورة شلونج وفطومة شلونهة بعدج بالعراق لو رجعتي ان شاءالله مرتاحة
باقي البنات ايلاف ماكو وميوسة هم

هلووو حياتي شوشو شلونج وشخبارج  عمري ان شاء الله  زوجج يحلل وتطلع النسبه زينه  وعن قريب نفرح بيج بحق محمد وال محمد كلنا دندعيلج دعوه بظهر الغيب 
ولا تخافين متضيف الا تفرج يا عمري

تيما تبوس ايدج  حبي وصايره وكيحه متنجرع بس تتنعوص وميكدر واحد يعوفها لان تتكلب وتاكل ايديها وتختنك باصابعها ومدمرتني اطلع ايدها وترجع تحطها ومكابلتها وكاعده لا شغل ولا عمل

تسلميلي حياتي ربي يحفظلج تيما والله تعبت واريد الله يفرحني بجاه محمد وال محمد 
والله ضحكتيني  على فطومة ههههه حبيبتي تاكل ايدهة فدووة الله يحميهة

هلو بنات  شلونكم واخيرا ولدت شفتو بالله بس متبهذله بلرضاعه مدا اعرف ارضعه وحلماتي طابات ليجوة واليوم يله شويه ويجر حيل وورمن ومتبهذله حيل مدا اكدر احك شعري كل دقيقه يكعد جوعان شحجيلكم هذا جزء بس من غير الالم المنطقه الحساسة يمممممممممممممممة ما اكدر اكعد المهم طمنوني عنكم حبي شوشو ان شاء الله نسمع اخبار حلوة وان شاء الله نونا تكوم بلسلامه وام تيما منورة حبي بوسيلي تيما

حياتي عهوده الف الحمد لله  على سلامتج وسلامه ادومي وعادي الالم هسه ايام ويروح وعندج خياطات لو لا وشلون جانت ولادتج من تفرغين سولفيلنا بالتفصيل 
عادي هسه اول ايام  تتشوشين كولش وتحسين متلحكين ابد  والوقت يركض بسرعه بس بعدين تتعودين 
ونومه الليل  هسه تصير حسره عليج بس بلكي عمتج تساعدج 

حياتي شوشو شلوج اخبارج حبي .؟

حياتي عهوده الف الحمد لله  على سلامتج وسلامه ادومي وعادي الالم هسه ايام ويروح وعندج خياطات لو لا وشلون جانت ولادتج من تفرغين سولفيلنا بالتفصيل 
عادي هسه اول ايام  تتشوشين كولش وتحسين متلحكين ابد  والوقت يركض بسرعه بس بعدين تتعودين 
ونومه الليل  هسه تصير حسره عليج بس بلكي عمتج تساعدج 

حياتي شوشو شلوج اخبارج حبي .؟

السلام عليكم انا اختكم من الجزائر سميت نفسي ام عبد الرؤوف لاني مشتاقة لاكون ام و زوجي كذلك انا ادعي لكل مشتاقة بالحمل السليم و المعافى والولد الصالح البار 
ادعولي معكم صار مدة متزوجة و امنيتي اني احمل عن قريب
العفو طولت لكن اريد الرد منكن خاصة ام فطومة قرأت بعض مساهماتك في المنتدى واعجبتني الله يخليلك فطومة والف مليون مبروك لاميرة رائد الولادة الحمد لله على السلامة

حبيبتي ام عبد الرؤؤف منوره المنتدى وان شاء الله  عن قريب نفرح بخبر حملج  
وشكد صارلج متزوجه  .؟

هلووووو حبيباتي شلوووونكم

هلو الوفه منورة واخيرا شفناج بلمنتدى شخبارج

هلو بنات شلونكم شخباركم ان شاءالله الكل بخير اني كلش كأبة وراسي رح ينفجر من التفكير زوجي صار مرتين يرجع يحلل والنتيجة صفرر والله يابنات حموت ومادري شسوي واريد اسوي انابيب بس مااكدر هسة ومااعرف وين اسويهة احسن دوختكم بس ماعندي غيركم احد اشكيله

شوشو بالقران جاي ادخل بس اريد اشوفج كاتبة شي عن اخبارج لو لا ؟؟ سودة علية حبيبتي متضيك الا تفرج .. زين انتي من سألتي كالولج الانابيب ممكنة بحالت زوجج لو شنو؟ اذا ممكنة فانصحج استعجلي بيهة .. زين انتي مو ذاك اليوم كلتي اكوميتات او هيج شي؟ علعموم لاتقلققين والله صديق زوجي من كم سنة سوة العملية وورة فترة مو قصيرة ابدا يالله نسبتة ارتفعت وهسة ماشاء الله وصلت 80 مليون يعني طبيعي جدا .. شوفي اني صار فترة برة العراق فمااعرف وين المراكز اللي بيهة خير  فاكو موقع اسمة المطبخ البغدادي اليوم فقرة الاستفسارات اعتقد اسألي عن احسن مركز لانابيب وانشاله يجاوبوج واكتبيلي فدوة والله بالي يمج حبيبتي انتي

حبيبتي نونة تسلميلي الله يسهلج ولادتج يعمري حبي همة كلونة تصير انابيب بس نسبة نجاحهة بالاربعينات واني متابعة المطبخ البغدادي دائما اكو بنات يسالون عن هذا الشي بس هية احسن شي بالاردن اكلج حبي زين هذا صديق زوجج ورة شكد يعني ارتفعت نسبته اووف شدعي عالطبيب ماادري شسوالة والله جانت علاقل نسبتة 30 بالمية هسة كطعنة الامل

حبي شوشو لتكطعين الامل بالله ان شاء الله تصعد النسبه بلكي الله لا تستعجلين عالانابيب لان صايرة كلها تجارة واذا هو ما عنده نسبه شلون يسوون انابيب ويصير حمل

هلو بنات شلونكم شخباركم يارب بخير .. حتى اذا النسبة صفر يصير انابيب بنسبة خمسين بالمية بس لازم ياخذون عينة من الخصية واللي هية لازم بيهة نطف سبحان الله يعني لازم يسوولة اله هم مثل العملية البسيطة وهوة اليوم حلل هرمونات وطلعت عندة مخربطة اكيد من العلاجات اللي اخذهة مع العلم هرموناتة جانت ماببيهة شي وان شاء الله ترجع مثل قبل بالعلاج

سلااااااااااااااااااااااااااااام للكل كومة سوالفبس اني ضيعت الباسوورد مالت المنتدى وهسة بعد عدة محاولات يالله كدرت ادخل .. اكو كومة من حبيباتي اريد اعرف اخبارهم بس الظاهر الكل راح للموقع مال الحوامل علفيس جاي اشوفكم واعرف اغلبكم بس شوش حبيبتي مااعرف بيااسم داخلة والله يشهد عليه شكم مرة حاولت اكتبلهة علمنتدى واكتب واخرط شكثر بس ماتطلع كتابتي يكللي ايرور بالموقع وتروح الكتابة وارجع مرة ثاني الغي وماكو فدوة اذا موجودة خللي تطمنني عل اخبارهة وهية سالتني عن صديق زوجي اعتقد بعد سنة ونص صارت نسبتة ممتازة بس علاكثر قبلهة ارتفعت النسبة لان على مااتصور زوجي من سالة جانت نسبت الولد مرتفعة قبل لايساله بس شنو ارتفعت من الصفر .. ب عموما نصيحتي الج لاتتاخرين اذا اكو اي طريقة تعجل بالموضوع سوو هايالعملية اذا صار بيهة طفل وصار وراهة حسن خير على خير علاقل تضمنون الى ان تتحسن النسبة اكو فد شي يخللي يتعالج وهوة نفسيتة هادئة وفدوة جاوبيني كللش بنفسي اسمع اخبارج
تحياتي للكل.. ها صدك اني جبت الحمد لله ولادة صناعية من شهرين ويوم للكل انشاله  

مرحبا بنات شلونكم  يارب الكل بخير ليش هيجي كلكم عفتو المنتدى والتهيتو شكد جنة نسولف سوة هسة ماكو احد
نونة حياتي اول شي الف الحمدلله ع سلامتج عمري ياربي يتربى بعزكم ويخلي الكم يارب وتسلميلي يعمري عالسؤال اني ان شاء الله علأكثر هالشهر اسوي انابيب زوجي هسة خلص العلاج وان شاء الله باجر يحلل ادعولي تصير عندة نسبة حتى راسا اسوي العملية وان شاء الله خير

والكروب حبي مال فيس اني قليل ادخل بس دخلت قبل شوية ولكيتهم مطلعيني مااعرف ليش هسة ارجع ادز طلب

حبي شوشو همزين لكيتج واخيرا جاوبتي خوش اذا هيج راح افتح المنتدى لان بدت تدب بي الحركة مرة ثانية .. بشري طلع التحليل؟ وراح تسوين العملية لو بعدكم ماصفت صافيتكم؟ طمنيني عليج حبي وسولفيلي اخبارج .. بقية البنات ماادري وين صارو احس اني وشوشو بقينة نفتر وحدنة ههههه وهم مو مثل قبل جنت بس اكتب شي الف وحدة تجاوب وبوقتهة مو اكعد انتظر كومة .. وينكم عااااااااااااااااااااا       

هلو حبي نونة شلونج وشلون النونو ان شاء الله بخير اني للاسف مراح اسوي عملية لان ما لكو اي حيوانات منوية عند زوجي والله كريم عمري ادعيلي

هلللوووووووو بنااااات واخيرااااا رجع المنتدى 
جان ميطلللع يمي 
مشتاااقتلكم كووومة 
حبي شوشو لتيأسين رب العالمييين موجود 
نونة حبي شنو سميتي النونو
وشنو اسماءكم بالفيس

هلو ايلاف حبي شلونج اخبارج  وشلون بنوتج ربي يحفظها حبي اني هذا اسمي عالفيس Lona Blue

ياشوشو فرج ربج اقرب من الحاجب للعين ومتدرين بلحضة كن فيكون وصدكيني والله هسة هوة عمليتة قريبة مصارلهة هواي ترة وهواي ناس فجاة تقفز النسبة .. خلي لايياس من رحمة ربج ويبقة علة العلاج وانشاله خير .. داعيتلج من كل كلبي تجين تفرحينة باقرب فرصة انشاله