ببنات محتاجة دعائكم الية كلش من امس واليوم جاي ينزل علية دم خفيف لونة بس كميتة مو قليلة بالبداية جان بني وهسة صار وردي يعني شوية ويصير دم احمر راح اموت فدوة ادعولي اني اذا الله ماقسمة واخذة مني راح اتخبل فدوة ادعولي الله يخليكم من كلبكم لان احس عاجزة ومااعرف شأسوي وهسة ماكو اطباء اله اضل على باجر جاي اكتب واني شبه ميتة من القهر والخوف

وقبل ساعة خليت تحميلة هسة نزلت مني كلهة دم احمر

حبيبتي ربي يخليج فدوة انتي غريبة واني غريبة توجهي لرب العالمين ماريد ياخذة مني فدوة ماصدكت فرحت وصار اكو بصيص امل يخليني ابتسم..هسة يمنة مغرب وماكو مستشفى هسة لازم اضل للصبح ومااعرف شنو سببهة وماكاطعة المثبتات ابر وحبوب وتحاميل وممدة على ظهري بس اول امس طلعت طلعه صغيرونة كللش وقريبة بس حفيت ورجعت وهاي اول طلعه طلعتهة لان وجهي صار مخازي بس والله حتة مديت الكرسي وجنت متمددة بالسيارة وزوجي يمشي اقل من 60 معقولة هية هاي الطلعة جانت السبب ؟؟ اضل محبوسة وبعد مااطلع بس كون رب العالمين يخليلياه ويعديهة على خير

هلو نونة شلونج حبي بالي يمج عمري لا تخافين ان شاء الله ماكو شي وراح ادعيلج ويجوز هذا الدم نزل من التعشيش وبعد احسن معناه دينغرس بالرحم بس انتي هم ارتاحي واتمددي على ظهرج وصدكي ماعليج شي باذن الله بس راحة طويلة شتسوين حبي والله ادري صعبة بس تحملي لخاطر النونو والله يكومج بالسلامة وماعليج شر ابد لا تخلين بالنا حبي عود طمنينا على صحتج سلامي الج

ياعمري الف سلامة عليج والله متت من شفت كتابتج
ان شاء الله ماكو وان شاء الله ربي يطلعج منها ياربي

حبيبتي ربي يحفظلجياه ويجعلة من نصيبج لاتخافين ماكو شي  ارتاحي ونامي واقري ايات على بطنج وربج الي اكرمج وخلاج تحملين كفيل انه يحفظة ببطنج وتشوفيه سالم معافى انشالة

نور الهدى وايلاف وميوسة ودودو ولولة ربي يخليكم اليه انشاله والله ماانسة هذا الاهتمام والوكفه الحلوة .. اني اليوم رحت للطبيب وكال الحمد لله الطفل والنبض موجود بس للاسف بسبب النزف مانامي بالقدر المتوقع يعني نموة المفروض يصيرر مضاعف للمرة السابقة اللي جان بيهة الحجم بحدود 22 ملم فالمفروض اليوم يصر بحدود 43 ملم واذا بي اليوم لكا 28 ملم بسبب النزف اللي صار ...انطاني اسبرين وكال لاتروحين الاي مكان بس للتواليت واكتشفت انو الموضوع بادي من قبل لااطلع احف اصلا اني جنت احس مايات قبلهة بيومين واحس نغزات طول الليل واكول لاعادي هاي الطفل جاي ينمو والسبب انو صار عندي التهاب لوزات وجيوب انفية حاد جدا وارتفعت درجة حرارتي كللش فصار خلل بالمشيمة وارتباطهة ابالرحم بسبب ارتفاع درجة الحرارة لان الطبيب كللي هذا الموضوع من اقل شي 5 الى 6 ايام بادي مو من يومين بس انتي حسيتي بي من يومين بس فسالني صخنتي او صار عندج التهاب كحتي او عطستي هواي وهيج نوع من الاسئلة فكال هاي من عدهة .. طبعا الكأبة اللي اني بيهة بس الله يدري بيهة بس كلي امل انو مايسوي بيه هيج وياخذة مني حاشا للكريم ياخذ الي فرحني بي والا مجان انطا اصلا وجان بالامكان اصلا مينطي .. جاي اصبر روحي واكول الكريم ادرى بالحال ودعواتكم فرقت وياي كللش ... البارحة مانمت بس ادعي واسبح وحتة من تغفل عيني تجيني احلام وسخافات انو الطفل رايح مني لو شغلات مرعبة وكلساع انز واني نايمة وجانت ليله سودة . فرحت من لكيتكم كاتبيلي حسيت نفسي يم اهلي وجاي يسألون علية ربي يفرح كلوبكم وييسرلكم اموركم بجاه كلمن اله عنده جاه .. لاتكطعون دعائكم الية انو يكطع النزف ويرجع الطفل لنموة الطبيعي لان جان ماشاء الله يقفز قفزات بالنمو هسة ضعيف وهذا اذا استمر على هذا المعدل مو خوش ابد .. صدك منو يعرف هسة اني توني كملت الاسبوع السادس منو يعرف شكد لازم طول الطفل يصير؟؟ اكون ممنونة اذا جاوبتوني .. ربي لايحرمني منكم ويفرج عنكم جميعا .. ادعولي فدوة نفسيتي زفت

شوفي هذا الربط بلكت يفيدج ان شاء الله

http://www.123esaaf.com/Pregnancy/Book/038.html

ربي يخلليج هنودة ومايوكعج بضيق اني والله حرت من صار عندي التهاب وارتفعت درجة حرارتي ماخليت احد ماسألتة حتة اكو موقع مالت اطباء راسلتهم كلهم كالولي ممنوع اي علاج تاخذي مادام هسة بالاشهر الاولى فماعرفت شأسوي خذت بس بنادول وماجان مفيد كللش واني ماعندي احد بهلغربة نايمة على ظهري وكاعده وحدي بالبيت مايمي احد يناوشني كلاص ماي اذا عطشت لان خطية زوجي صار كم يوم رابطتة يمي فاليوم من رجعنة من الطبيب كتلة روح لجامعتك ودراستك الى متى راح تبقى هيج ومتنة جوع لامسواك ولاطبخ فخطية راح للجامعة ومنهة يجيب اكل لان اني سالفتي طويله وبعد ظللت بأيد ربج اني جاي اتحمل ضغط نفسي وجسدي فضيع واشعر بالوحدة اكثر من اي وقت اخر واتمنى رب العالمين يخفف علية هاي الوحشة ويكومني بالسلامة اني واللي اببطني بحق الزهراء لان صدك تعبت يومية خرعة

وشكرا جزيلا على الموقع بس مااعرف الحجم اللي جاي يقيسة الطبيب الي هوة حجم الكيس مالت الجنين لو حجم الجنين نفسة؟ لان الحجم اللي جاي يقيسة اكبر بهواي من الحجم الموجود بالشريط وبالمواقع على النت فماادري اذا جان هذا حجم الكيس مثلا؟؟؟؟؟واله مااعرف ميتة خوف وقلق بسبب الحجم

وهسة رجع دم يكت كومة اكثر من البارحة ميتة خوف

حبيبتي نونة ماعندج غير العافية عمري وباذن الله برد وسلام وماعليج شر وراح نظل ندعيلج الا تجين وتبشرينا باحلى الاخبار وبالنسبة للحجم اني ماعرف ان شاء الله البنات يفيدوج ومااوصيج اهم شي الراحة وذكر الله وحاشا لله يردنا

حبيبتي نونا يارب بردا وسلاما وان شاء الله ماكو شي والله يحفظ الجنين بقدرته عزة وجل يارب احفظه بجاه كلمن عنده جاه وانتي استودعيه يم الله والله ما يضيع وداعه كولي اللهم اني استودعك جنيني الي في بطني تحميه الي وتحفظه وانت لا يضيع وداعك وان شاء الله ماكو شي

حبي نونة سلامات والله كلبي وكع من دااقرة حبي الله رزقج بعد هالسنين قادر يحفظة الج يااااااااارب والله بالي يمج لتتحركين ولاتكومين من الفراش وان شاء الله بردا وسلاما ياربي بس طمنينة عليج فدوة الله يبرد كلبج يارب

حبيبتي الحمدلله اطمئنيتي عالطفل ربج الحافظ لاتخافين  والله ندعيلج تعدي هالشدة على خير وسلامة الله يكون بعونج حياتي ويصبرج ويفرح كلبج  ان شاء الله تمشي الامور عالاسبرين لان هوة يعالج كل مشاكل المشيمة ويزيد تدفق الدم للطفل  وان شاء الله ينمو زين ونظل ندعيلج وانتي هم طمنينا عنج وخليج ويانا اول  باول 

نونه ويينج بالي يمج

ياااااااارب يكومج بالسلامه ان شاء الله

حبيباتي كلكم الله لايحرمني منكم ولايوكعكم بشدة .. مااجازيكم ابد هسة جاي اقرة كتاباتكم وسؤالكم عني لو عندي خوات مو هيج يسولفون ويقلقون علية .. الحمد لله اليوم رحت للطبيب كال الحمد لله الوضع احسن والطفل سليم وضعة ونبضة ونموة بس باقي بالرحم شوية دم قديم متخثر لان من نزفت وضليت نايمة على ضهري ابد ماتحركت ولاحتة دخلت للمنتدى ولاسويت اي شي اثاري الدم تخثر وبقة بالرحم مانزل فكال راح ينزل الايام الجاية كدم قديم لان شافة موجود بالسونار بالرحم ... والف الحمد لله والشكر مو يومين مرن عبالك 20 سنة .. الفلانتاين اني وزوجي كضيناه فقرات دينية هههههههههههه بس ندعي ونقرة قران ونصللي علمود الله يعديهة بالستر يكللي شأجيبلج اكلة ويني ووين الدبدوب هوة اني هسة صايرة دبدوب ومغسول بالغساله وبعده ماناشف

ميوسة ونور الهدى وهنودة وام حواء وشوشو وايلاف ودودو واميرة ويارب اكون مانسيت احد ربي يحفظكم جميعا من كل سوء ووكفتكم ودعائكم الي مايتجازة ويارب يعديهة بالستر علينة كلنة .. هسة الطبيب كللي استمري على النوم على ظهرج وحركة ماكو والعلاج مستمر بس اني كلت لازم اكول للبنات لان ضوجتكم هواي ذيج الفترة فاسفة بس والله حالتي بس الله يدري بيهة شكد جانت متدمرة بحيث زوجي يكللي اليوم وصللج السرة ادخلي للطبيب اكلة ماريد اخاف يلكة الطفل مابي نبض .. الحمد لله انشاله الله يعديهة لان ااذا انخضيت بعد خضة ثانية على الموت اللي شفتة ذيج الايام يمكن اتخبل .. اكلة لزوجي هذا الطفل المفروض يبنيلنة قصر من ذهب على كل اللي تحملناه وبعدة ماصاير خاف بعدين يشمرنة بالشارع لو يخلينة بدار عجزة هههههههه ماكو كلمة شكر توفيكم بس الله يجازيكم انشاله

هلووووووووو حبي نونة الف الف الف مبرووك والف الف الحمدلله على سلامتج وسلامة النونو والله ظل بالنا يمج ذيج الايام اني اليوم كعدت من الصبح وعلى اعصابي وبالي يمج واليوم عندي خطار وملتهية بالشغل بس كلت اشوف شكو ماكو وشخبار نونة لان والله قلقنا عليج كلش ذيج الايام اني اكوم واكعد واكل واشرب وافكر بيج اني هم مرو اليومين علية سنتين واكيد باقي البنات هم والله انتي عزيزة وغالية علينا كلنا وماتعرفين شكد نتمنى تكملين حملج بالسلامة وتشوفين ابنج بين ايدج سالم معافى وهذا هو حبي ظلي ارتاحي يعني مو شفتي نفسج صرتي زينة عبالج هذا هو لازم تشغلين براحتج لا حبي الحذر واجب واتحملي علما تعدي هالجم شهر خصوصا الاشهر الاولى وماعندج الا العافية حبي

الف الحمدلله والشكر حبيبتي والله كلنه بالنا يمج والحمدلله اطمنتي وطمنتينا عليج الحمدلله والشكر وان شاء الله بعد ما تمرين بهيج موقف ان شاء الله يثبت وتفرحين بيه يارب اهم شي اسمعي كلام الدكتور وخليج نايمه وتحملي هالاسابيع شتسوين بعد ماكو شي يجي بلسهل الله وكيلج وحمدلله على سلامتج مرة لوخ

حياتي الف الحمد لله والشكر والله جنت حيل قلقة عليج حبي ان شاء الله تعدي التلث اشهر الاولى بسلام ووراها بعد ماكو شي ان شاء الله بس انتي ديري بالج على روحج
حبي بدة عندج الوحام ؟؟؟

الحمدلله على سلامتج عمري ريحتيني الله يكومج بالسلامة ومتشوفين شر حبي

اللهم صلي على محمد وال محمد


ولج نونه هسه يالله ارتاحيت الف الف الحمد لله والشكر

ربج رحيم وماينسى عباده يالله هسه فرحتيني لو تعرفين شكد شايله هم الج

ان شاء االله باجر ويه اذان الظهر اصلي ركعتين شكر على هاي البشاره

فدوه ديري بالج تتحركين انتي هسه بفتره كولش محرجه بس خل تعدي الاشهر الاولى

والله اني راح اخلص الخامس

وكاضبنها بس نايمه على ظهري والبيت خطيه زوجي هو يشتغل

حتى ملابسي هو يغسلها والجماع لغيناه من حياتنا

اخاف كلشي اسوي حتى من اصعد تكسي اكوله فدوه على كيفك ويه الطسات

سولفت هواي موو ولج من فرحتي بيج ههههههههه