تسلمون بنات ان شاء الله كلنا ..ام حواء حبي اني عندي تيست بس ماريد استخدمة هسة اخاف انصدم اكثر واضوج فوك تحليل الكلور وثاني شي ماعتقد يبين هسة شي لان بعد اسبوع عالدورة

شوشو الله كريم الله يجبر بخاطرج وتجين تفرحينا

صباح الخير بنات
اليوم عذروني لان ملتهية بالهوسة والردددددددددددح
انشاء الله اذا صار مجال اوافيكم باخر الاخبار

صباح الخير يابنات تسلميلي حياتي ام حواء وميوسة النور نوركم ياربي يرزقنا كلنا بالذرية الصالحة يارب

هلو بنات شلونكم شخباركم ان شاء الله بخير وينكم ضايجة

مسااااااااااء الخير بنات
هاي وينكم شوشو لولة ام حواء منى ايلاف املى بالله كبير يلة تعالو شوية خلي ندردش

هلوووو ميووسه شلووج حبي

الحمد لله والله اليوم حيل تعبانة من الشغل والتنظيف مال العيد وجمالة البارحة مطرت وشكو تراب نزل بس جان كلش حلو المطر
انتي شلونج بعدة الوجع؟؟؟؟

لا الحمد لله شويه خف الوجع
اي قريت بالفيس مطر ببغداد ان شاء الله مطر خير يا ربي
والله يساعدج عالتنظيف

هلو بنات شلوووووووووونكم؟

هلوووو ايلاف حبي انتي شلووونج

هلووو بنات شلونكم ايلاف شلونج ويه مطر اليوم

هلو حبي ام حواء

هلو حبيبتي ميوسة يمكن مطرت من جنت بالدوام يعني محسيت بالمطر

هلوووو بنات شلوونكم
اخباركم
شوشو يا ريت تطمنينا وشنو صار وياج

اليوم اني جان عندي مراجعه عاديه وكلتلها البارحه عندي مثل وجع الدوره وحولتني سونار رغم اني مجنت طالبه ولا مهتمه خالتها يم الله
والحمد لله سويت سونار وكولشي تمام الف حمد وشكر
بس كولش تعبت لان مكان الدكتوره كولش بعيد اركب مترو وابدل غير مترو وتقريبا ساعه الطريق
بالاضافه انه كولش كولش بارده لو صفر لو -1 وريحته الجو تريد تذب ثلج وفعلا بالجرايد قريت باجر ثلج
متت برد رغم كومه لابسه
ومن خلطت من الدكتوره نزلت للسنتر اشتريت لفافات اضافيه ودفايات مال رجل وجفوف ثخينه اللي تصير ممقسمه مكان الاصابع يعني الايد كلها تدخل بمكان واحد اكيد شايفيها
واشتريت تكرمون حذاء بي فروو من جوه لان اني عندي الغده الجار درقيه ودائما ابرد اكثر من الناس

وبالنسبه للدكتوره سوتلي كومه تحاليل دم كل الغدد والهرمونات وكالت ورا اسبوع تجيني تطلع النتيجه

ووزني زايد تقريبا كيلوين ونص رغم بعدني بالبدايه بس شسوي ميخالف

وهاي اخباري مال يوم
انتوا شخباركم ؟؟؟؟

هلو بنات شلونكم شلونج حبي ام حواء اليوم الصبح سويت تحليل الكلور وفار كلش قوي وبعدين سويت تحليل وطلع سالب الحمدلله والشكر على كل حال احتمال اليوم او باجر تجيني الدورة

حبي شوشو اني ورا موعد الدوره باسبوع بالكوه بين خط مينشاف
واتذكر ورا الدوره ب4 ايام سويت تحليل وطلع سالب

هلو بنات شلونكم

شوشو حبي شنو نوعية التحليل الي استعملته؟

حبيبتي ام حواء انتي حملج كان متأخر ولهذا طلع سالب بالبداية

شوشو اقري حساسية الجهاز اذا 20 او 25 فللاسف انتي مو حامل هذا الشهر لان هذا مضبوط وكاتبين عليه يبين الحمل قبل 7 ايام من الدورة يعني من اول يوم ينفرز بي الهرمون


ياربي تكونين حامل هذا الشهر وتفرحينا

ام حواء حبي الحمد لله على سلامتج
والله شوقتيني للشتة وللبرد احنة حاليا يمنة الجو لا بارد ولا حار يعني حلو الجو

بالعافيه عليكم الجو الحلو واني هم مشتاقه للجو الحلو الدافي

هلووووو بنات
شلونكم بنات اني اليوم حييييييل تعبانة من التنظيف
والباجر انشاء الله نسافر لاربيل وهستوني كملت تصفيط الجنط والحمد لله

حبي ايلاف استخدمت كلير بلو واني اعرف الام الدورة من تريد تجي الحمدلله على كل شي الله يرزقج ويرزقني

بنات حبيت افيدكم اليوم  ليلة عرفات اكو ادعية واعمال تسووها  اليوم وباجر الي عدها مفاتيج الجنان او دوروها بالنت لان اليوم وباجر كلش مبارك والدعاء كلش مستجاب وللعلم العام هيج وقت  اني سويت الاعمال ودعيت الدعاء والحمد لله الله رزقني وحملت واللي حامل باجر تدعي هم هواية لان مكتوب بالكتاب حتى الله يحفظ الاجنة بالارحمام وتسعد بحياتها فاقريها ام حواء  وطبعا اليوم يوم التوبة عن الذنوب اني ان شاء الله اقوم بهاي الاعمال اليوم وباجر انتو هم سووها

كل عام وانتو بالف خير بنات مقدما

مشكورررررررررررررررررره حبي لووووله

حياتي شوشو وانتي بالف خيررر
بشرينه عنج ؟؟

حبي ام حواء اني بعدهة الدورة مجتني اليوم صار 30 يوم رحت جبت تحليل كلير بلو دجيتال وللاسف حللت قبل شوية وكتبلي موحامل والله ماادري شسوي

انتظري شوشو بلكي حمل متاخر
والله اني هم الديجيتال كتبلي نوت بركننت اول شي
انتضري وان شاء الله خير
ازين ما عندج ي اعراض ؟؟؟

انتظري شوشو بلكي حمل متاخر
والله اني هم الديجيتال كتبلي نوت بركننت اول شي
انتضري وان شاء الله خير
ازين ما عندج ي اعراض ؟؟؟

لاحبي ماعندي اعراض حمل بس اعراض دورة ومو قوية حتة زين انتي من كتبلج نت بركننت شنو جان عندج اعراض

لاحبي ماعندي اعراض حمل بس اعراض دورة ومو قوية حتة زين انتي من كتبلج نت بركننت شنو جان عندج اعراض

مجان عندي اي ارعاض بس اعراض الدوره وحتى جنت اكتبلكم وجع ظهري يروح ويجي مال دوره