اكولج حبي ايلاف انتي اذا والدة طبيعي لاتخافين متحتاجين اشعة  انابيب لان الالتصاقات بالانابيب  عادة تصير اما بسبب العمليات القيصرية او بسبب التهابات قوية تؤدي الى انسداد الانابيب بس اذا طبيبتج دازتج عليها سويها وماعندج غير العافية حبيبتي

هلوووووو بيج ام حواء ولولة الحمد لله كلش تونسنا

وانشاء الله انزل الصور مثل ماكلتيلي ام حواء

انتو شخباركم لولة شخبارج وية الحمل؟؟؟

طمنوني عنكم حبايب

تسلمين حبي ميوسة والله ماشية على الله داسوي كل اسبوع دوبلر وعندي موعد وية دكتورة ريا يوم 21 حتى تفحصني وتحدد موعد الولادة  ادعيلي ميوسة يظل الطفل عايش منا لذاك اليوم 

حبيبتي خلي ايمانج بالله قوي والله قادر وحدة هو اللي يقدر يفرح كلبج

الله يسهلج ولادتج حبي وتفرحين بشوفته حياتي سور سليمان عليه

لولة اقري حمعسق احمه 100 مرة وخلي ايدج اليمنى على بطنج منا لحد موعد الولادة هاي اختي هيج تسوي من تدخل بشهرها لحد ما تولد

يارب تفرحينا وياج يارب

هلو بنااااااااااات

حمدلله على السلامة حبي ميوسة



تسلمين حبي لولة وميوسة على المعلومات بعد شهرين اسوي الاشعة ان شاء الله

هلو بنات شلونكم عيني ام حواء حبي تسلمين عالسؤال اني شوية بالويك اند التهي ههههههه حياتي ميوسة الحمدلله عالسلامة عمري لولة حبي ربي يكومج بالسلامة وتفرحينة باحلى نونو

هلووووو شوشو شلونج مشتاقين

الله يسلمج حبي اني ماشية الحمدلله سويت اختبار اول بارحة وطلع ماكو تبويض واليوم رح اعيدة انشاءالله انتي شخباررج والنونو الله يحفظة ياربي

حبي الله يجبر بخاطرج هذا الشهر وتفرحينا يارب

شكرا حبيباتي عالدعوات الحلوة ربي يفرحكم ميوسة وايلاف وشوشو بالحمل المشافى باسرع وقت يارب دعوة حامل يارب تكون مستجابة
ام حواء قلبي مشكورة عالدعوة الحلوة ربي يفرح كلبج ويطمنج على النونو مالتج وتجيبيه بالف سلامة

لولة لاتنسينا بالدعاء ساعة الولادة لان كلش مستجاب يارب تولدين بالسلامة

واقري اللي كلتلج عليه لولة

والله ياحبيبتي اني ان شاء الله عملية وقبل لاافوت وحدة وحدة حدعيلكم الله يفرح قلبكم هالشهر بالحمل السهل يارب وان شالة اقرة الي كتيلي علية

حبيبتي لاتخافين ترى العملية اسهل من الولادة بهواية بس اول يومين حركتج تصير صعبة وبعدها كلش عادي لاتخافين اني عشت الطلوكة وعشت العملية العملية هواية اسهل

لان اني بالثامن صارت عندي ولادة مبكرة وتلحكت ظليت نايمه على ظهري والامها بس لو جايبة بذاك الوكت احسن الحمد لله تطلعين بالسلامة وانتي باي مستشفى بالهلال انشاء الله؟؟؟

صدوك ميوسة اي والله خايفة من  العملية من ورة التخدير اني مجربة الطبيعي دمار بس ماعرف عن العملية خطية حبيبتي صدوك لوجايبة بالثامن  الحمد لله والشكر على كل حال ياحبيبتي اللة يعوضج بالاحسن ويبرد قلبج حبي  د.ريا حتجيبني بمستشفى حياة الراهبات اذا الله راد بس هية مصممة تفحصني داخلي قبل العملية واني اموت من الخوف من الفحص اخاف من الطبيعي من ورة الفحص كتلها ليش تفحصيني اني موعملية تكولي اريد اشوف الطفل شكد نازل واشوف بطانة الرحم سميكة لو رقيقة تصوري اني خايفة من الفحص اكثر من العملية

الله يكومج بالسلامة حبيبتي لولة ولتخافين من الفحص الداخلي كولش بسيط والله

حبيبتي لاتخافين من الفحص ولامن العملية والله هسة تشوفين تدخلين للعملية ماتحسين بشي وتطلعين تشوفين ابنج يمج والله لو بالهلال جان اجيتج لان كلش قريبة علية يلة تولدين بالسلامة انشاء اللله

شكرا حبيباتي ايلاف وميوسة مقصرتو ربي يحفظكم ويرزقكم بالحمل يارب باسرع وقت والله مراح انساكم بالدعاء

ياعمري اهم شي ترجعيلنا بالسلامة انتي والنونو هذا اهم شي انشاء الله

تسلمين قلبي ميوسة حيل خايفة من ضغطي هم ديرتفع الله لايشوفج مكروه ويرزقج بالحمل السهل يارب

شكرا حبي ام حواء بس للاسف رحت اليوم للطبيبة واجلت موعد العملية لهواية بعدلان فحصتني وكالت بعد وكت والمشكلة كلبي ديدك كلش سريع ونفسي ضيف  وضغطي مرتفع حيل قلقانة

زوجي ميقبل اروح لغيرها تكول هاي فاهمة حالتج من الاول وهنا الطبيبات يدوخون كل وحدة تدزج تحاليل وسونار وتخاف تتخذ قرار بس مضياع وقت عالخالي بلاش حسلمها بيد الله وين متوصل خلي توصل وهية ام المستشفى الخاص تخاف تجازف بحالتي موضيعو طفلي ذاك ومن راح دزوني على هاي حتى تجيبني

هلو بنات شلونكم حبي ام حواء اني صار عندي تبوويض اول بارحة بس شنو الفائدة كلشي مسوينة بهاليومين اعذروني عالشرح بس زوجي مديصير عندة انتصاب اريد اعرف هاي شنو السسبب وشلون حظ اله بهاليومين واحنة اصلا ورة الدورة سوينة بس بغير وضعية اللي متساعد عالحمل واني اصلا ضايجة ونفسيتي تعبانة يعني تصوري اذا ارجع للعراق بعد مظل شي ومو حامل ورح يستلموني حجي واسئلة واني مااتحمل

حبي لولة ترى عادي بهاي الفترة النفس يضيق ودكات الكلب سريعو هاي كش عادي بس حاولي ترتاحين بالبيت ولاتجهدين نفسج لان هذا الشي يرفع الضغط اسمعي كلام مجرب اني بهاي الفترة مارحمت روحي وتحولنا من بيت لبيت وتعرفين التحويلة شنو ؟؟؟؟؟ حبي بس ارتاحي وهسة تشوفين ترى هيج فتره يراد واحد يداريج لحد ماتولدين بالسلامة كلبي

تسلمين قلبي ميوسة اي اني كتلة لزوجي بعد معلية لابتنظيف  شسوي لان حيل داتعب واني هم تحولت من جنت بشهر السادس حقج التحويلة دمار  حياتي شكرا عالنصيحة واللة يفرحج ويبرد قلبج بسرعة ياربي
شوشو حبيبتي لاتضوجين هوة الرجال عبالك يرتبك من تكوليلة اليوم لازم نسوي لان موعد مناسب اني هم جان هيج زوجي وعلى كولتج هم مينتصب انتي باعي خليها على الله وخلية بواهسة موشرط يصير الحمل بالتبويض اكو اوللله قبل يومين من الدورة ويسوون وهم يصير حمل انتي حتى اذا جيكتي وطلع اليوم موعد التبويض انتي تقربي اله وسويلة واهس بس دون ماتربكيه وتكوليلة لازم اليوم لان اليوم موعد التبويض هاي الشغلات خليها بينج وبين نفسج والله يفرحج انتي وميوسة وايلاف بسرعة وتحبلون ولاتضوجين من حجي الناس الناس مترحم اني خوب صار عندي ومات وهم مرحموني راسا وراها يسالون ماكو شي وماكو شي وحتى اذا يصير عندج واحد هم يكولووج سوي واحد لاخ شعجب ظالة عالواحد واذا بنية يكولولج جبيبي الولد بعد وبالعكس متخلصين من حجيهم وانتي بعدج صغيرةوالي يسالج كولي شوية بعدنا دنرتاح مأجلين الموضوع هسة نلحك عالتعب وسدي حلكة واهم شي الراحة النفسية بموضوع الحمل وساعة من الساعات فرج