السلام عليكم بنات
وبعد ما قنعت زوجي اشتريت تحليل كلير بلو الديجيتال
اللي يكتب حامل او غير حامل

وطلعلي للاسف غير حامل

تعبت من هالموضوع

وعليكم السلام حبيبتي

لالالالالالا والله قهرتيني معقوووووولة؟؟؟؟

يعني هاي التحاليل دتجذب؟؟

مو كلتلج هذا كلير بلو مسويها بيه قبل
والله نفسيتي كولش تعبانه
واتعاركت ويا رجلي علمود شغلخ تافهه وكعدت ابجي
وهوه كام يصيح عليا
كلي صووجي خليتج تشترين تحليل
كال شنو ذنبي جاي من الشغل تعبان والكه هالمناحه كدامي
والله دا اكتب وابجي هلكد مقهوره

البارحه رغم جنت ممصدكه بس جنت متفائله
عالعموم اني اشتريت تحليل ثاني من هذا العادي

كلت انتضر 3 ساعات بدون اكل وشرب وارجع اسويه
رغم التحليل الديجيتال لو اكو نسبه كولش قليله بالبول يكتب حمل
حتى الدكتوره تكول الدقه مالته بدقه تحليل الدم

كولش مقهوره لو ادري جان مسويت كلير بلو واذيت نفسي

وهذا الثاني هم سويته بعد هيه خربانه خربانه
وطلع سالب وبسده

حبيبتي ام حواء اني اسفة لان أملتج والله اني كنت متوقعة حمل

حبيبتي انتي ليش هيج تعبتي روحج؟؟؟ اني مو وياج هم طلعت مو حامل والله خربت ضحك من اجتني الدورة

اصلا حيل ارتاحيت كلت حتى ماابقى اتعذب واتأمل

حبي اقتنعي واحمدي ربج

وكولة بيد رب العالمين

الحمد لله
هسه لو تنزل واترتاح
اوووف ايلاف متعرفين شكد روحي مقبوضه
احس الدنيا فارغه كولش

حبيبتي كولي الحمدلله ومدام انتي بخير وزوجج بخير والله يجون الاطفال انتي تونسي بحياتج وشوكت ميجون خلي يجون

عيشي حياتج ولتحسسين زوجج انتي ضايجة لان هو هم يضوج

ورب العالمين كريم مدام حملتي مرة واثنين راح تحملين تلاثة واربعة ويصير عندج 10 اطفال يموتوج ههههههههه

هههههههههههههههه يا ربي واحد اكون شاكره لرب العالمين مو طماعه لهالحد

السلام عليكم بنات مشتاقتلكم اني شوية هاليومين صارعندي ظروف والكئابة صاعدة ومنا عمتي خابصتني مصرتي حامل ومصرتي حامل وطافرة روحي حبيي ام حواء لتضوجين امانة ان شاء الله الشهر اليجي تلاثتنة حوامل ماطول انتي مابيج شي ولارجلج الحمدلله على كولة ام ايلاف حملتي مرة وثنين وان شاء الله عشرة بس ياريت بنات متحللون هواية يعني ام حواء كم مرة محللة صدكوني هيج اتعبون بالزايد وعلى كولة زوجج اذا حمل مرح يطير اول وتالي رح تعرفين ولو هوة اليوم بسنة.. الله يفرحنة الشهر اليجي اني ان شاء الله الجمعة على اكثر اروح للطبيب ادعولي ميطلع بية شي

حبيبتي شوشو تسلمين عالرد بس يمكن انتي مشفتي تحليلي الاول والثاني مرتين حللت ويطلعلي خط خفيف وتاملت عالخالي بلاش لهذا انصددمت البارحه

وانتي الله يعينج على عمتج وان شاء الله تروحين تفحصين ويطلع كولشي مبيج
ويارب يسمع منج وشهر الجاي تلاثتنا حوامل

ان شاء الله حبي تسلمين