السلام عليكم بنات
حللت قبل نص ساعه مره ثانيه
واول شي سالب
وورا نص ساعه يعني هسه طلع خط خفيف ما يبين الا بالتركيز
تشوفون شي لو بس اني اشوف ؟؟؟؟؟
[img][/img]

راح احاول اخذ صوره ثانيه اوضح

مبروك حبيبتي انتي حامل

ربي يتمم عليج بالحمل السليم بدون لا زيادة ولا نقصان

اميييييييييييييين

لا تستعجلين ايلاف
خاف صاير ادرار هوايه بالجهاز ومنتشر اللون
والله تدرين اكوشي اسمه خط التبخر هذا من تعبر 10 دقايق من التحليل يطلع
اكولج انتي مو تستعملين كلير بلو نفس هذا
بحياتج ممجربه وراجعتله ورا جم ساعه
يعني راسا تذبينه
ومعقول اذا اني حامل ميبين بالدم لان طلع سالب بالدم

انتي دتشوفين خط خفيف لو لا ؟؟؟

طبعا اني ثقتي بكلير بلوووو صفرررررر
لان اكثر من مره طلعلي هيجي نتيجه وماكو حمل

عفيه ايلاف ريحيني بلكي يطلع عندج تحاليل قديمه مشامرتها
لج اذا اكوله لرجلي باجر اشتري تحليل يشمرني من البالكون اليوم 2 مشتريه

حبيبتي راح اجاوبج على اسألتج

1- اني استعمل كلير بلو بس مو نفس هذا , انتي الي عندج ادق

2- اني كل تحليل ابقي يومين واضل اراقبة وولا مرة طلع خط ثاني ورة ساعات دائما يبقى خط واحد بس

3- اني شرحتلج اذا التبويض عندج يوم الخميس او الاربعاء يعني مستحيل يبين بالدم

4- اني اشوفة خط واضح( يارب حملللل)

5- ان شاء الله زوجج يشيلج لفوك من الفرحة وميذبج من البالكون ههههههه



ها شكد حليت كل الاسئلة شكد تنطيني من مية؟؟

هههههههههههههههه 100 من ميه
تدرين لحد الان حتى ما حاطه واحد بالميه حامل لان اقسم بالشهر اكثر من مره صايره بيه هايه الحاله وهسه جنت ادور بالمنتديات القديمه هم منزلتلهم صور نفس الشي وما يطلع حمل
واني من سويت هذا التحليل الثاني الادرار تكرمين صعد عالجهاز لهذا اني شاكه اللون توزع وتره بالكاميرا ممبين
بس خط الحمل ابيض بس اطرافه ماوي فاتح

والشي اللي مخليني مرات افكر اكول يمكن حامل
وبدون خجل
حلمه صدري اذا اطخها يوكف بسرعه وتصير قويه
وهاي الحاله متصير عندي بالاشهر اللي ما بيها حمل

ازين ارجع اسئل سؤال ثاني هذا كلير بلو مكتوب عالعلبه يبين الحمل قبل الدوره ب 4 ايام واذا ادرار الصبح 6 ايام
واني مفروض باقي عالدوره 3 ايام او 4
يعني اذا حمل لازم يصير خط واضح مو لو مو مو ؟؟؟

اذا صار اطوخ هم اصوره

حبيبتي ووالله بالبداية عند اغلب البنات يطلع مو طوخ لان بعد اربع ايام يعني هوووووووووووووواية

باجر روحي حللي دم وارتاحي ولو اني اعرف اليوم مراح تكدرين تنامين بس اتوكلي على رب العالمين واهدئي واذا حمل ربي يتممة عليج بالخير والسلامة ويعوضج عن اطفالج يااااارب

ما عندنا تحليل دم
هاي ذاك اليوم بالمستشفى صدفه لان عندي موعد
اخذت صوره ثانيه احس كل ما دينشف ديصير اطوخ

كولش كولش ما اريد اتامل عالفارغ

هاي صوره جديده شوفي الخط ابيض بس اطرافه ماوي
[img][/img]

اني د اشوف الخط واضح يعني اكو نسبة هرمون بالادرار

وكلها بعد يومين من متجيج الدورة راح تتأكدين وتنتقلين لقسم الحمل والولادة وتعوفينا اني وشوشو هههههههه

ان شاء الله شهر الجاي نجي وراج ركض لقسم الحوامل

والله شكلج متفائله
هسه تكولين ام حواء تطرد عيون
بس لا والله ما عندي واحد بالميه شك انه التحليل صحيح
لان متصدكين انه صايره بيه هالحاله
والله تعبت من التفكير
تدرين هسه فتحت الجهاز ومثل مكتلج ادرار صاير هوايه وومو بس الخط صاير بي ماوي كل اطراف التحليل صايره ماويه ومسحته بالكلينكس كله راح اللون

راح اجيب قلم ازرك وارسمه من جديد

تدرين شنو اكثر شي هسه يسعدني
واحد يدك الباب ينطيني تحليلين ويكول فيمان الله
ههههههه

حبيبتي والله حاسة بيج

بس لتخافين ان شاء الله يكون حمل وربي يتممة عليج بخير

تسلمين عمري
ضيفيني عالفيس اذا تحبين

حبيبتي هسه راح اضيفج

شكرا حبي