هلو بنات السلام عليكم
اليوم انلعب بيه طوبه

مثل مكتبتلكم صار يومين ماكو وحم واللي خبلني صدري هم مكام يوجعني لان جان بي وجع مثل الدوره
المهم دورت هوايه بلنت بعدين تعبت كلت خلي اروح للدكتوره حتى لو ما عندي موعد
ورحتلها طلع عدها اجتماع وميصير بدون موعد
وظليت افتر شويه بالسنتر وبعدين قررت اخابر على غير دكتوره بلكي ينطوني موعد اليوم
وخابرت وكالوا ما عدها موعد بس اذا حاله طارئه اوكي
حجيتلهم انه الوحم انكطع كسالوني جم سؤال وكالوا مدام الوحم انكطع لازم دكتوره تكشف عليج بس مو اليوم باجر
هنوب خوفوني بالزايد
رجعت للبيت بس كولش قلقانه دورت بالارقام والاوراق القديمه المستشفى اللي ولدت بيها وطلع اكو رقم الدكتوره المسؤله
بس المشكله عبرت الساعه 4 وبعد خلص دوامها
كلت احاول مخسرانه وخابرت وسبحان الله اول دكه جاوبت وورا ما حجيتلهاا منو اني راسا عرفتني لان تتذكر قصتي
وكلتلها اني هسه حامل وانكطع الوحم
كالت تعالي فورا بس عندي عمليتين ما عندي غير 10 دقايق ,,, كلتلها عمي 5 دقيق نعمه اريد بس سونار قابل اريد اسولف
وبالفعل زوجي وصلني بسرعه ودخلتني الله ينطيها العافيه
والحمد لله والشكر يا ربي اتطمنت عالجنين وجان وضعه تمام
وكلتلي بعد يومين تقبطين 8 اسابيع

السونار حسب طول الجنين 112 ملم يعني سنتيم وشويه
وعمر الجنين 7 اسابيع + 4 ايام

والحمد لله والشكر ورب العالمين ميقصر وسالتها ليش الوحم مكطوع كالت ما اكدر اجاوب لان ما اعرف بس المهم اتطمنا
واول مطلعت منها وصلت للسياره جان تكوم نفسي تلعب ودخت دوخه مو طبيعيه

مبروك حبيبتي بس ابتعدي عن الوسواس
ادري صعبة بس حاولي حتى ترتاحين

ياربي يثبتلج حملج ويرفحج بأجمل طفل

وانتي همين يا ربي

يمممممممة والله وكعتي كلبي ماتشوفين شر انشاء الله والحمد لله حبي الله يحفظلج النونو وانتي وتولدين بخير وسلامة
لاتظليييين توهسين حبي واكلج شي؟؟؟؟
هذا والعلم عند الله ولد لان اختي خمس ولد ماشاء الله وكلها هيج بالبداية ماكو شي بعدين يشتغل الوحام
يلة دا ننتظر العريس يجي يارب

حبيبتي حمدالله عالسلامة بس لازم تبطلين او علاقل تخففين هالوسواس ميصير هيجي نفسيتج تتعب

اييييي والله شوشو كلامج صحيح

الف مبروك حبي وحمدلله على سلامتج حقج تقلقين والله حاسة بيج بس صدكي مومهم الوحم اهم شي انه ماكو سمللة افرازات ماكو وجع بظهرج ببطنج هاي اهم ومدام جنتي تاخذين اسبرين قبل الحمل بعد لاتخافين لان سمللة هوة يمنع الاجهاض 

اكولج لوله صدووك اليوم عندي افرازات تكرمين مخاطيه مثل افرازات التبويض وعادي لونها شفاف
بس هوايه
عادي لو لا ؟؟؟

ام حواء صباح الخير

تسلمون كلكم شوشو ويلاف وميوسه ولوله


صباح الانوار حبي ميوووسه

عادي حبي ام حواء اني هم مرات من تنزل علية هواية طبيعية هاي خلال الحمل وهواية سائلة اني عليها ومرات كولتج تنزل هواية من اشتغل واتعب لاتقلقين ماكوشي 

تسلمين حياتي لوله طمنتيني

تدللين قلب

الحمد لله حبيبتي يا رب يطمن كلبج دائما