ام حواء شنو هاي المغامرات ؟؟؟ ضحكتيني خصوصا الجني ههههههههههه

اني طفولتي...... اني مثلج عندي اخ واحد واخت وحدة واني الصغيرة عكسج اختي مكملة تجارة واخوية مهندس واني كملت معهد معلمات.....

اني جنت كللللللش هادئة عندي لعابتي اكعد العب بيها بس جنت مخبلة امي الله يرحمها جنت اعدملها قطع قماش مثلا تشتري قطعة قماش تخيط نفنوف او مرات يدزولها من الكويت على اساس تخيطها الي ولاختي اني اجي واكطم بيها تكوم تعيط عليه اني وبكل برود اكوللها

لعد اللعابه تظل مصلخة غير اخيطلها هدوم جنت احير شسويلها الكوستمات والبدلات وكلشي والفراش وامي تلطم على القماشات مسويتلها عيون من النص

تكلي هسة كصي من الطرف اني لااااا الا من الوسط........

جنت دائما بوحدي لان اختي تزوجت واني بالاول ابتدائي واخوية دائما فوك يدرس اخوية نسمي عبقرينو جان بس يقره

فدائما بوحدي ولحد هسة احب اكعد بوحدي ما احب اسولف هواية

وجنت كايتها مستشفيات مو جان عندي ربو فكل يوم بالمستشفى لحد ما دخلت معهد صرت زينة وخلصت منها

بس بالحمل رجعلي شوية هسة دا اتاذة من البرد والتراب والدخان

اني هذي طفولتي عادية هدووووووووووووء