هههههه انشاءالله الله يفرحج مرة ثالثة وثابتة ام حواء وعن قريب

ايلاف المشيمه صار بيها عجز ومكدرت توصل اكل للطفله
واكيد شفتها من ولدتها بالبدايه اني مردت اشوفها
ورجلي هم كلي لا تشوفيها
بس مو ولدتها كلتلهم لازم اشوفها وشفتها

الله يسمع منج شوشو وكلنا ان شاء الله شهر الجاي حوامل

ان شاء الله يارب

اني عايشة بالعراق - حلة

اني اتزوجت يوم 3/2 طبعا جانت علية الدورة رابع يوم هههههههههههه

يوم 5/2 انتهت الدورة وصار الجماع

بس اتفاجئت يوم 18/2 بأنه الدرة تقدمت علية 12 يوم

رحت للطبيبة كالت خربطة هرمونات

بس منطتني دوة بس دوة للاتهابات لان كانت عندي التهاب بسيط

يوم 3/3 رحت للسونار لكيت 3 بويضات وحدة نازلة للرحم حجمها 21 والثانية بعدها منازلة حجمها 19 وثالثة حجمها 12

انطتني فيتامين سي نص حباية يوميا وفولك اسد وكالت كل يوم برتقالة وكوب حليب

يوم 13/3 رحت حللت دم لكيت روحي حامل طبعا مجنت مصدكة

عدت تحليل الدم يوم 18/3

اول شهر مبينوا توأم ورة مكملت شهر الثاني اخذت سونار اتفاجئت بيهم توأم

والله اول مكلت للناس على التوأم ثاني يوم صبحت ماكدر اكوم من الفراش العيون موتتني وموتت الاطفال

استائت حالتي وضليت كل فترة انام بمستشفى الى ان ماتوا

سبحان الله قدر رب العالمين

صدك عين الناس مترحم

هههههههههه كل وحدة تكول بالبداية بعدة الطفل ممبين ولد لو بنية وبعدين يكولون بنية اعتبريها جذب

يعني ولدددد هههههههههههه هواية سامعة هيج جذبات

هههههههههه والله صدووك تدرين حتى اني من جنت اكول للناس بنيه احسهم ممصدكين

يلا الحمدلله والشكر

بنات من رخصتكم اروح انام لان باجر عندي دوام اشوفكم باجر ان شاء الله

تصبحون على خير

مرخوصة ايلاف وانتي من اهل الخير اني هم اسمحولي اروح اسوي فطور هههههه نسيت الوقت الحجي حلو وياكم اشوفكم بخير

الله وياج حبي شوشو نحجي بعدين

هلوووو بنات شلووونكم شووو مختفين

هلو حبيبتي شلونج؟



اني موجودة

وانتي بألف خير حبيبتي

يارب ان شاء الله سنة الجاية شايلة احلى توأم بأيدج يارب ويرزق كل محرومة

يمعوده هسه خلي واحد كافي هههههههه قابله
وانتي بالف خير حبي وان شاء الله سنه الجايه ندردش وجهنالنا بايدنا ومدوخينه

هلو بنات كل عام وانتو بالف خير ان شاء الله تحقيق كل الاماني واولها الحمل يارب يرزقكم ويرزقنا

تسلمين حبي شوشو وانتي بالف خيررر
وان شاء الله سنه الجايه اني وياج وايلاف امهات ان شاء الله يا ربي

هلو بنات شلونكم؟

بنات اليوم اتصلت بية اختي الاصغر مني صارلها سنة متزوجة بس لحد الان مصار عدها طفل

المهم علمتني على شي كلتلي ورة متسوي اي شي تطلبين من رب العالمين يصير بأذن الله

الطريقة قراءة سورة الواقعة كل يوم اول يوم مرة وحدة وثاني يوم مرتين وثالث يوم ثلا مرات الى ان توصلون باليوم الاربعين الى اربعين مرة



اني شفتها جدا طويلة الشغلة اني قررت اقرأها لمدة 14 يوم كل يوم مرة او مرتين او تلاثة حسب مقدرتي ب(نية الحمل)

اني بدأت من اليوم والله اني كولش متفائلة بيها شنو رأيكم انتو هم تسووها وياية حتى ان شاء الله ان شاء الله ان شاء الله تلاثتنا حوامل

تسليمن حبي ايلاف ان شاء الله اسويها وعلى الله الباقي ... بنات اريد اكولكم اني البارحة بالليل نزل علية دم مع العلم اني دورتي خلصت صار اسبوعين بالبداية نزل دم نقي مومثل الدورة يعني موهواية وراح وراها اليوم هم نزل دم قليل بس وسخ اللي هوة مثل الدورة اشو اني خفت ماااعرف ليش هيجي صار وشنو هذا الدم

هلو شوشو حبي شلونج؟

حبي هذا الدم اذا مأستمر يعني نزل قليل وبعدين راح يعني هذا نتيجة عملية التبويض يعني التبويض عندج جيد ماشاء الله

اما اذا نزل هواية (يعني دم دورة)يعني هاي هم بشارة خير لان اذا تقدمت الدورة عندج يعني جسمج يريد حمل

اني اول متزوجت جانت دورتي يوم 1/2/2012 خلصت يوم 5/2/2012

اتفاجئت يوم 18/2/2012 نزلت الدورة كلهم كلولي بعد متشوفين الدورة يعني الشهر الجاي تحملين

وفعلا والحمدلله شهر الوراه كنت حامل

يارب يرزقج بالحمل القريب

هلو بنات شلونكم تسلمون والله يسمع منكم اني هسة بعدة ديطلع دم بس قليل يعني هم كل مااروح الكة نازل شوية دم يشبه مال دورة بس مااعتقد هاي دورة لان مصار عندي الام دورة

اكولج شوشو خاف صاير عدج التهاب
ليش متروحين للدكتوره ؟؟؟

والله امي هم كلتلي خاف التهاب بس يعني التهاب شنو وليش يطلع دم مثل مال دورة اذا التهاب اني اذا استمر الدم احتمال اروح للدكتورة