شكرا يارودة اني ادزلج الكبيرة هاااااااا

اكيد كلبي....

بس دودو حرامات اني تحت التخدير مراح احس بس رح اخلي كامرة تصور حتى اشوف بجة لو عيط..... لاااا دودو ودا اتخيل الموقف ولاااا طلع يعيط والدكتورة تفز وتصير بيها سكته قلبية وتموت واني اظل ماكو احد يخيطني موووو بلة؟؟؟؟

ههههههه شكرا بنات خجلتوني

مشتهية طماطة وفوكاها بيض بس اخاف من الزيت يمكن رح اسويها بزيت زيتون لان طفرت عندي خخخخخخ

هلو حبي نور الهدى شخبارج حبي؟

حبي ميوسة ان شاء الله يطلع ابنج يكركر من بطنج ويكول كافي لتدغدغوني هههههههههه الله يكومج بالسلامة حبي

والله اني هم اشتهيت رمان

روحي اكلي يمعودة روحي ايلاف

تسلميلي يمعودة بس خلي الله يتممها علينا بالخير ونشوف اطفالنا سالمين كدام عيونه كلششي ما اريد اني .....

ماتردين طماطة وبيض رح اسوي؟؟؟؟

ميوسه اني فد احب الطماطة بالبيض وبصراحه احبها بالطاوه وهيجي حامضه وشويه محتركه بالطاوه هههههه اتمنى دتسويها هسه لا تشتهين اكثر بزيت الزيتون سويها ووياها فلفل اخضر وخبز مكسب هههههههههه طلعت اني الحامل ههههه
تره خوش فكره مال كامرا اول لحظات ابنج بالدنيا لازم تشوفيها
ايلاف حب روحي هسه دزي رجلج على رمان لا يطلع النونو احمر وردي هههههههههه

هلو بنات اني اجيت جنت اتعشى اكللكم الطعم خرافي ولاااااازم تجربوها اشكرج حبي ميوسة عالوصفة يعني من كل كلبي اشكرج ولو اعرف هيج من زمان اجربها وشعندج وصفات علمينا اني يعجبني الطبخ كلش وبالعافية عليج الرمان سبع عافيات حبي وسوي بيض على طماطة مثل ماكلتي بس بزيت زيتون وان شاء الله ماعليج شي واكلي بعدها نومي حامض حتى لا ياذيج الزيت ولو هو زيت زيتون يعني مابي شي ان شاء الله حبيبتي دودو شلونج والله يقويج يارب حبي حشاكم من الفضول ومابيها شي نتعارف وحدة عاللخ اني صارلي ست سنوات مزوجة و من تزوجت صار عندي حمل مباشرة وبالبداية مشى طبيعي بس بعدين انتقلنا لغير شقة ومن تعب التحويلة صار عندي نزيف واني بوحدي بالشقة فلازم عليا شغل البيت والتعب وواخذت ابر مثبتات بس هم سبحان الله مافاد واخذت سونار كالو النبض متوقف وبعدين زاد النزيف واخذوني للطوارئ وسولي كرتاج ومن هذاك اليوم لليوم اني اريد طفل وماديصير سبحان الله جربت كلشي علاجات وكومة دكاترة بس ماكو نتيجة اني ماعندي شي الحمدلله بس هيج من الله مايصير والحمدلله على كل حال اذا هذا ابتلاء من الله اسال الله ان اكون صابرة واذا ذنوبي منعت عني الطفل فاسال الله ان يغفر ذنوبي ويرزقني بالطفل اللي اتمناه يارب

هلو حبي ايلاف انتي شلونج والله اني زينة ومشتاقتلج وماتصورين شكد فرحتي جبيرة لان سمعتي نبض النونو ياااااااااااااارب الله يتمملج على خير والله هسه ادعيلج من كل كلبي والاذان دياذن الله يستجيب دعائي يارب ويرزق كل بنات المنتدى

حبيبتي ميوسة الف عافية عليج بيض على طماطة وبطريقج سوي لهاي المسكينة بيض على طماطة هاي ام الدوام وبامريكا وتريد بيض على طماطة بالطاوة عبالها هي بدوائر العراق ههههههههههه والله اتشاقا وياج دودو يكولون من حبك لاشاك واني احبكم واحب الاشيكم

هههههههههههههههه بالعافية حبيبتي توني تعشيت

حبيبتي نور الهدى اني اول مرة ادري انتي صاير عندج اسقاط

حياتي الله يساعدج ويعوضج ياربي بأحلى توأم بالكون

هههههههههههههه طبعا والله ضحكتيني نور صدك اتذكر دوائر العراق والطاوة عالميز اني بالكوة افتح النت هنا يعني وو لاغراض الشغل وميكلي شي خطية المدير ولا راح يراقبني اصلا بس اني اكول امانة حرام علية

حياتي نور هوه رزق الله يعوضج ويرزقج ويرزقنا ودعاء مستجاب ياربي والف عافية عليج الدجاج بالبشاميل اني راح اجربه اليوم يمكن والله واندعي لميوسه

الله يسمع من ايلاف بجاه محمد وال محمد ونور خليج على طبيعتج اتشاقي كولش طبيعي هوه واحد غير ديريد يغير جو
ايلاف شنو شغلات تساعد على انتظام الدورة واريد اسالج حبي عن اول شغلة من تجي الدوره خفيفه وعلى جوزي يعني الاباضه خفيفه لو مالها علاقة وثاني شي شنو الافرازات اذا تكون مخاطيه عذرا

هلوووووو بنات شلونكم حبايب

حبي نور الهدى الله يعوضج ياربي ماادري انه صاير عندج اسقاط زين ياشهر صار الاسقاط الله يرزقج ويرزقني ويرزق دودو يارب يارب يارب

شهيتوني بالطماطة والبيضضضض واني قبل شوية كعدت وليهسة ممتريكة مالي واهس اكل بوحدي رح اسويلي كورن فلكس واسكت

هلو شوشو هسه انتي اكولج صباح الخير ميوسه ضحكت عليه تكولي العشا اذن ههههه

تدرين اذا وحدي اني هم ولا اشتهي اسوي اكل اصلا
ياربي يرزقنا بالحمل وما يعدي هالشهر الا وحده من عدنه تبشرنا بخبر الحمل وتجر البقيه انتي دتراجعين دكتوره لو لا اني مخليتها سكتة والله كريم بس غااااااالي وانتي تعرفين بعد

حبي دودو والله اني اعرف انه الدورة الخفيفة من التكيسات

بس اني اخر دورة قبل حملي هذا اجتي حيل خفيفة والله حتى رحت سويت سونار عبالي صار عندي تكيسات بس خالتي كلتلي ان شاء الله شهر الجاي انتي حامل

والافرازات المخاطية اذا بدون رائحة ولون عادي حبي هاي طبيعية

اشكركم حبيباتي على دعواتكم الصادقة اني فقدت طفلي قبل لا اطب بشهر الرابع بيومين والحمدلله والشكر على كل حال الله يسمع منكو ويستجيب دعواتكم ويرزقكم ويرزقني..حبيبتي دودو يعني انتي ابد ماينزل دم بس هاي الافرازات الجوزي؟

اشكرج حبي ايلاف عالجواب
نور حبي اني هاي الدوره اللي خلصت اي بس جوزي ماله علاقة بالدم واني عندي تكيسات ودوره ممنتظمه بس مرات تنزل دورة اصلا كولش قويه وهاي اخذ بروفيرا لمدة اسبوع وراه حتى تنزل الدورة وهيجي اجتني هالمره حتى بس 4 ايام وخفيفه كولش
وها هالمره بيوم 15 من الدوره يعني قبل يومين ما رجعت اجتني مره لخ لان كل مره من اخذ هذا المنظم تجي مره ثانيه بيوم 15 وتنلاص الوضعيه لان اتامل بهيجي ايام يصير حمل ولو اعرف ما ممكن يصير بطريقة طبيعية الظاهر

حبي دودو الله يسمع منج اني مرة وحدة رحت للطبيبة ومسوتلي شي بس كشف عادي وكالتلي نورمال يعني لاتحليل دم ولاشي ولاسونار وتعرفين همة شكد باردين ياربي واخذو ورقتين ونص ومجان بوكتهة عندي تامين وراها كلت بعد مااروح وهسة عندي تامين وهم كلت مااروح من ارجع لبغداد ان شاء الله اروح انتي شعجب متراجعين حبي ولو هنا اللي يظل يراجع نهيبة تخلص فلوسة وميحس

حبيبتي ام حواء تسلمين كل اللي كلتي صحيح واني هم كومة اشوف احلام من اللي كلتي عليها وهم كلولي هيج اقري نفسج والبيت وكل يوم كمت اشغل قران وانام هم على صوت القران بس اليوم سبحان الله جنت د اتصفح بالنت وقريت على رقية المنزل وانه اكو مرضى مايطيبون الا يرقون بيتهم مو بس يرقون نفسهم وسبحان الله قريت على رقية على مي وملح اتعجبت هاي اول مرة اسمع بيها وهسه انتي كلتي هم عالمعلومة سبحان الله هاي مرتين بنفس اليوم بس قريت انه ملح خشن يعني مو ملح عادي عاد مااعرف انتي شتكولين.؟ وشكرا حبي عالنصيحة وان شاء الله اعمل بيها والله يتمم حملج على خير يارب

حبيتي تدرين هسه تذكرت اني هم يوم اللي سقطت هم شفت عصفور صغير وكع من العش سبحان الله هسه تذكرت

حبي شوشو اني هسه عندي تامين ويه زوجي عود عالشركة وعلساس زين ويدفع كومه من راتبة خطيه كل شهر ورحت مره للدكتوره سونار اخذتلي ومكلتلي فد شيي جديد واجتنا قائمة ب 2000$ واخترعنا وتخبلت وكلت ما اروح بطلت وهم كتله شويه واقطع التامين هوه ميقبل
بس اني هم مخليتها من اروح لبغداد بلكي كم شهر ياربي اصلا كومة مشتاقة لاهلي وهم استغلها علمود الحمل

ام حواء ولو ادخل عالخط بس تدرين شكد احلام هيجي مو زينه احلم بيها تكرمون كلاب تركض ورايه بزونه حتى اسد يوكفلي وما اكدر اطلع بس تطلعلي امي وتاخذني ميكدر يسوي شي وهوايه افز يعني بالمطبخ ويجي زوجي يحاجيني بسرعه افز اكو يكولولي تابعه لو مجبوسه بس شو ما اصدك او ما اقتنع ولا حتى زوجي ميصدك بهالسوالف

اي حبي ام حواء والله كولش غاليه وهاي تامين وياها دافعين كم شهر قبلها وما رايحين علساس لان طبيبة مال علمود شغلات الاطفال وهذا شي مو طارئ بنظر التامين
ولهذا كولش صرت اخاف اروح بعد
والله يا ام حواء اني هوايه كالولي هيجي و زوجي يكول بطلي هالسوالف وخصوصا حماتي تكول لان جانت مرة حماية جايبه وما طالعه الاربعين علساس جبستني لان حضرت العرس وويايه هم عروس قبلي باسبوع تزوجت وهم ما صار عدها هاي قبل شهرين كالولي حامل صارت يوم الالي ياربي والله تعبت من التاملات

اي حبي دودو على كولتج هنا شغلات الاطفال فوكاها التامين ميدفعهة

بنات ذكرتوني بشغلة دتصير وياية كلش مخوفتني بدت ورة متزوجت تقريبا باقل من شهر بنات من اجي اريد انام اول مااغفة مرات افز فزة مو طبيعية بحيث جسمي كلة يطفر عبالك واحد ديدفعني ووياهة خوفة بحيث كلبي يظل يدك حتة زوجي ظل يتعجب كلما افز بحيث يكعد من يمة يكولي اسم الله ويقراللي اية وينام بحيث هسة تعود عالهالشغلة والله مااعرف شنو السبب واني نجمي كلش كلش خفيف من حجاية اتاثر وعيون الناس مترحم الله يحفظنة دودو حبيب الله يرزقج ويفرح كلبج ياربي وكل محرومة يارب

شوشو هاي اني هيجي والله وخصوصا ورة الزواج بكثرة صارت وهسه تدرين زوجي خطية كام كولش يقلق علية من افز يكولي صدك جذب شبيج لان كتلج حتى من كاعده مرات افز اذا يحاجيني الله يسترنا ياربي وترزقنا على نياتنا ياربي يفرحنا شوشو

يله يا ربي بلكي نسمع بخبر حملج يا ربي
واول مره اسمع اللي مطالعه الاربعين تجبس بقيه البنات
هم زين نبهتيني ههههههه انضاف شغله جديده الى معلوماتي ههههههههههه

ياربي يسمع منج ام حواء
اي ام حواء الما طالعه الاربعين ما تدخل على عروسه ولا تدخل على وحده ثانيه ما طالعه الاربعين شمدريني غير يكولولي وره الزواج سمعت هالسوالف ضيفيها لمعلوماتج ولا تخلين جايبه وما طالعه اربعين تجي عليج من تجيبين ههههههههه