هلو حبي شوشو شلونج عندج العافية يارب حبيبتي لا تقلقين ترى خلق البشر بيد رب البشر مو بيدنا ولا بيد الاطباء وهاي بس مجرد حسابات حتى واحد ياخذ بالاسباب ومرات اكو يسوون تلقيح ويدخلون الحيوان المنوي بالبويضة ومايصير حمل ومرات اكو مايريدون حمل ويكون الجماع بفترة الامان اللي هي بنهاية الدورة وسبحان الله يصير حمل فهاي كلها تقديرات من رب العالمين وانتي بس ادعي رب العالمين واستغفري وعليج بسورة البقرة يومية واطلبي منا هالشهر وباذن الله مايردج خايبة حبيبتي ابد لاتنقهرين لا تفكرين بالموضوع وباذن الله يرزقج هالشهر وتصير سوالف

الله يعافيج نور حبي والله يسمع منج وان شاء الله للجميع يارب

حياتي ميوسه لا تضوجين وتنقهرين هاي الفتره استمتعي والتهي بشي مفيد من تبقين وحدج اقري شي عالنت طلعي شغلات يعني اتعلمي فد شي يفيدج وتقضين بيه الوقت

ميوسه اني دورتي مخربطه مو تدرين وواخذ بروفيرا وانزلها وكلما انزلها ترجع تنزل وره 15 يوم مره ثانيه يعني نص شهر هاي الحجي طبعا بس هنا بامريكا هناك جنت اخذه عادي تنزل مره وحده وخلص

المهم هالمره اخذت ونزلت يوم 27 وانتظرت 15 من الدوره ما اجتي مره لخ بس اني يمكن دا افكر هوايه بالحمل وعبالك اوهوس بالاعراض مال حمل المهم طالعين البارحه اني وزوجي غير مدينه وكومه مسينا وافترينا وبقيت ضايجه ولكيت شي جوزي نازل عليه هيه اصلا الدوره من اجتني وره ما اخذت الحبوب نزلت هيجي تقريبا وبس 3 ايام وهسه هذا سائل جوزي ينزل واليوم الصبح الفجريه هيجي حسيت على نفسي عندي لعبان نفس قوي واريد اتقيا تكرمون وحتى زوجي حس عليه بس مدا اريده يحس اي شي لان يضوج من يشوفني افكر بالحمل واو اتامل

لان حتى ذاك اليوم ظليت عندي دوخه ومعدتي تخربط وكتله خاف اكو شي كال رجاءا لا تكعدين تتاملين وقدري مشاعري

فاني كاتمه بكلبي وساكته وعلاقتنا مو على طبيعتها صار هالفتره والبارحه طلعني ومدري شنو بس مدا اعرف شبيه ياربي

احس مو ضوجه احس مقهوووووووووووره مدا اعرف ليش اتمنى ارجع لبغداد لو ساعه وبحضن امي وابجي

سوري بنات هوايه شكيت بس جديات تعبانه وطلع زوجي وكلت خل ادخل اشوفكم

هلوو حبي دودو شلوونج والله حاسة بيج كلش وبعدين سولفي واحجي اللي بكلبج لعد احنة ليش موجودين مووحدة تسمع وتواسي اللخ وماكو واحد متضيق بي وان شاء الله الله يفرجها

حبي انتي صارلج اربع سنين متزوجة مو؟ واذا حبي هيجي انتي مدتراجعين طبيب ودورتج متخربطة والله اختصري الطريق وسوي انابيب وخلصي عمري

هلووووووو بنات

هاااااااي شكد مسولفيييييييين.....

ام حواء بجيت ليش تريدين تضربيني اهء اهء اهء.....هااااي لخاطرج رجعت على الاسود اي غير من الضوجة هههههه

قياس الضغط طلع 15 على 8 ونص درجة انتي لااااتظلين تتدققين خوششششش خخخخخخ

وشخبار النونو اللي معذبنا؟؟؟؟

دودو حبي عفية عليج تركيها بيد رب العباد هو اللي يتكفل بالموضوع وانشاء الله خير يارب...

والضوجة مالتي اليوم الحمد لله احسن ولو البارحة هلكد ما طكت روحي وزوجي هم طنشني وما طلعنا لان اطه سيارته الصديقة طلع بيها وية خطيبته....

جان اروح ابدل واطلع اتمشى بدون محد يدري رحتت للصيدلية جنت معتازه دوة فوليك اسيد وشوية تمشيت ورجعت ....

وني زعلانة عليه....اني صعدت فوك اجة كلي شلون اراضيج كتله مااعرف اريد اني اطلع كال زين باجر...ودا نشوف اليوم هم بوووري...

شوشو حبي لاتظلين هيج تكولين ترى الربج كاتبة يصير ياعمري وما عندج غيرالعافية....

نور الهدى عفية عليج والله يقوي ايمانج يارب ويبرد كلبج وكلششش عجبتني خالق البشر بيد رب البشر....

ودودو عيني احجي وسولفي لعد احنا هنا شنو؟؟؟؟ كل اللي بكلبج كولي ولاتخلين شي حتى بلكت نكدر نخفف عليج ولو جزء بسيط والله قادر يزرع الفرحة بداخلج ويفرحج ياللهي....

واحتسبي ربج ترى الله ما تعرفين من يسمع من عبدة حسبي اللع ونعم الوكيل شلون يفتح عليج ابواب فرجه ومخرجه وكولي كالت ميس....

ايلاف شلونج حب وبقية البنات شو ماكو؟؟؟

حبي ايلاف ماعندي اخت اني 
ميوسة  بما انو انتي خبرة بالاطفال شو برهومي صاير عده احمرار بجلدة وداحطلة دهن بيبانثين هوة مال حساسيةا لحفاظات ومدتروح وكلش مقهورة علية ومداعرف كل شكد لازم ارضعة اني داحاول كل 2 ساعة او 3 ماعرف صح او غلط ودابدلة حفاظة هم كل 3 ساعات ومرات يكوم يبجي ويحرك بايدة يريد يطلعها من الكماط واني ماعرف شسويلة اشيلة مرات يسكت ومرات لا اخاف اكو شي ديوجعه ووبطنة وين ماشد الزكة ما ل حفاظة هم اكو شوية احمرار وهم دادهنها ومتروح و عندي بجايم ثخينة قديفة اخاف البسها اله من منطقة الراس شون احسن وضعية الة هوة ونايم البسة لو اكعدة بحضني  طبعا الي اعرفهم واساله هاي الاسئلة كل احد يجاوبني شكل  والافضل ابدلة الحفاظة قبل الرضاعة لو وراها؟جاوبيني حتى اسالج بعد ههههههه
نور فاطمة اي والله كلامج مظبوط وحدة لان تتمرمط علما يصير النونو تصير متتحمل حتى تسمع بجيتة شكلي راح افسدة لابني من الدلال  انشالة ربي ينعم عليكم كلكم باسرع وقت يارب بالذرية الصالحة
دودو حبيبتي حاسة بيج الله يساعدج  كوني قوية حبيبتي الدنيا تحتاجلها واحد يوكف بوجها ويصمدلها ماكو شي يجي بالساهل تقربي لله اكثر وادعي  ودائما رددي امن يجيب المظطر اذا دعاه ويكشف السوء اني ماريد ااملج بس بلكي يكون حمل لان لعبان النفس والقيئ متصير الاوية الحمل اني من احبل هم تنزل علية افرازات جوزي ووياها يصير عندي لعبان نفس وشوية حموضة  ربي يفرح كلبج بحق الحبيب محمد 
صدوك ميوسة ديري بالج على ضغطج تبهرزي حبي ولاتغثين نفسج واخذي فاليوم ابو 2 هوة ينزل الضغط العالي 
ام حواء شونج حبي شخبارج شونة زوجج

حبي لولة الاحمرار صاير برجله؟؟؟

او شي استعملي الحفاظة مال البشرة الحساسة وافضل شي ترى الحفاظة بيبي جوي

وثاني شي الصرة مالته شلونها تابعيها هم وبالنسة للرضاعة حبي على كعته من يكعد رضعي وكل مرة بجهة موو تجلبين بجه وحدة فهمتين؟؟؟والحفاظة فبل ماترضعيه علمود لا تخظيه ويكوم يتقيئ سمله عليه

وهم بالنسبة للحفاظة يعني زين وكتج

وبالنسة للتبديلة هو ونايم على ظهرة تبدلليله

مثلا اذا تردين البلوز اول شي تخلين ايدج بفتحة الراس وتفتحيها وتلزمين راسة بنفس الايد اللي خليتيها بالفتحة والايد الثانية تساعدين تنزلين بيها وبعدها تجين على الايد هم تلزمين الردن وتفوتين الايد شوية وشوية والرجل سهلة كلش

اذا يريد يطلع ايدة اتركيه شوية يرتاح لاادائما مكمته خصوصا الصبح على الشمس وصوبة شوية خلي يلعب وانتي وا ابو يمة مو تعوفوة ومن تكمطيه لاتظبين الكماط اخاف ينبرك وهسة اعلمج شلون تعرفين مبروك لولااااا

ومن ترضعيه لا راسا تنيميه خليه يتريع العفو يلة من يكمل الرضاعة بصحه وعافية وطبعا مكمته من ترضعيه حتى تصيطرين تشيليه وتلزمين راسة على كيفج وتخليه على كتفج وتبدين تمسدين بايدج على ظهرة صعود ونزول لحد ما يتريد فد صوت زغنووون يطلع هايهية وتنيمية خووووش؟؟؟

وادللي حب

سلام عليكم شلونكم اخباركم انا موعد دورتي باجر والله يستر كعة احس بل نحل ابجسمي ومرات تجيني الم ابطني وضهري وخايفة ادعولي اكون حامل ياااااااااااااااااااااااارب

انا والله حاسة بضوجة ومالي خلق لشي والله بلغصب اشتغل او اسوي شي

يا ربي تكونين حامل يا نور وتبشرينا

الله كريم ان شاءلله يارب


اهئ يعني ما حاسة فيني انو حامل ههههه

اي ام حواء بس هم خايفة والله صارلي كميوم من اكعد يصير عندي لعبان نفس وبلغصب اكل حتة ريجي ما اكدر ابلعة كلش كعة اتأذة ونفس الوقت خايفة
يلي قاصمة ربي يصير والله كريم !

نور فاطمة حبي اني مااريد اطيج امل بس مثل ماكالت ام حواء ترى اعراض الحمل مثل اعراض الدورة وانتي من هسة وكل ساعة ودقيقة وكل ماتذكرين كولي فوضت امري الك يا الهي ظلي ردديها

ههههههه حبي انشاء الله بس دودو مااعرف من ذاك الشهر من كالت الام الدورة وراها كالت نزل شي جوزي وهالسوالف اكول بداخلي حامل بس مااريد اسالها شنو الاخبار؟؟؟؟

وانتو مو تذكرون من صرت حامل شجنت اكتب هم الام دورة ونزل شي جوزي وبلكت الله تكملون فرحتنا هالشهر يارب وبقية البنات انشاء الله

حبي ام حواء هسة جنت اني وزوجي دنتغدة فدا يسال شوكت نروح للدكتورة كتله يوم 29 جان يكول تدرين اني صافن رح تبدي الزيارة والمشاية واحنا منطقتنا تنسد شوية تصير صعبة الطبه والطلعة كال خلي نروحلها بنص الاسبوع يعني على الاسبوع الجاي لو الثلاثاء لو الا ربعاء والله كريم

انا بحملي اول كنت احس بأعراض الدورة ونزل شي قليل من دم حشاكم ف كلت هاي هية نزل شو ورا اشوي بسرعة انقطع وضليت 9 ايام وسويت تحليل طلعت حامل ف هسة هم نفس اعراض بس مو مستمرة قبل يويمين اجتني الم والبارحة هم احس جسمي نحلان مالي خلق شي بلغصب اشتغل واتحرك بس يارب يكون خير والله هاي سنة بيوم طفل الرضيع انا شلت طفل والله لو تشوفون بجي يلي بجيتة وطلبتة من طفل الرضي والله صارت موقف
بيوم طفل الرضيع علأساس كالو وحدة راح تسوي طفلها طفل رضيع ف كلت انا اشيلة واطلب من الله وطفل الرضيع ف قبل لا تجي المرة وقبل لا اكوم واشيلة والله بجيت من حركة والله من كل كلبي والله حتة ماكو وحدة ما سألتني كلشويت تسألني وحدة خو ماكو شي كتلها لا ف اجيت مرة جابت طفل شفتها دخلت وبيدها طفل ولافتة بأخضر بعد ما تحملت غطيت ويهي وضليت ابجي من حركة وهنوب اجيت مرة حطيتة بحضني بعد تصورو شنو يكون شعورج بهاي لحضة ومسكتة وطلبتة من طفل الرضيع وبلغصب كوموني وشلتة والله هسة اكتب وابجي ذكرت هاي لحضة موئلمة والله
الله يرزق كل محرومة ويرزقني

انا متزوجة صارلي 3سنوات وكلش من كملت 3 سنوات حمل وهسة صارلي 3 سنوات ونص ف حملت وسوينا فحوصات قبل الحمل حتة نتأكد طلع ضعف عند زوجي كالو ما يصير حمل ف انا ايأست كلت خلاص وسبحان الله طلبت من اهل البيت ان يتعدى على خير لانو مريت بضروف والله يومية ابجي واطلبة من الله واهل البيت ف الحمدالله صار حمل واستغربت من هذة الشي لانو كالت دكتورة انو مستحيل يصير حمل ف بديت معانا الحمل كل فترة وفترة كنت اشوف دم واروح مستشفى ويكولون ماكو شي رجعت وراها بفترة هم صار وياي نزل دم والم مو طبيعي ما تحملت بحيث بجيت وصياح وكلش تخربط انطوني ابرة ابطني كالت هذة اشوي يهدى الم وصج ارتاحيت وبعدين قابلت دكتور ما سوالي فحص ولا شي كال ماطو انو نزل دم كال طفل ميت انا بوقتها بديت عندي دوخة وجسمي يخدر من ابرة ما حسيت بنفسي رجعت للبيت حشاج بس ارجع ماي اصفر وطلعت روحي وصلت للموت ف ثاني يوم اتصلو علي كالو اهنا ما متأكدين انو صار اسغاط وما سوينا فحص بعد اهنا مادري شصار بية رحت لصيدلية جبت تحليل حمل سويتة بين انو انا حامل ف فرحت كلت شنو يلي كعة يصير والله لعبو بيا لعب وانا وراها بكميوم جان عندي صونار رحت لصونار كالت طفل عايش وهاي دكات كلبة شفتة والله فرررررررررحة ما تنوصف طلعت وبعدها نزل دم ورحت لمستشففى سوولي فحص صونار كالو طفل توفى مابي نبض بعد انهاريت كتلها متأكدة كالت اي طلعت صورة بس شصار بية متت ضليت ابجي وخلوني اسبوع ابطني يلا نزلو طفل سوولي كورتاج وطلعو طفل والله انقهر كلت هسة وين ودو وين ذبو والله لهسة مقهورة بس شسوي الحمدالله على كل حال هوا هذة ابني او بنتي جان وراح مني

واهنا والله اطباء تعبانة والله لعبو بية لعب

عيني بلكت وحده من الطيبات ترد على استفساري

نرجس تفضلي

تسلمين ه الله يرزقج ان شاءلله عن قريب ويرزق كل محرومة يارب بجاه محمد والة محمد

هلو دودو شللونج حبي اني زينة الحمدلله واشكرج على السؤال والله يفرح كلبج ومايردج خايبة هذا الشهر يارب وحبي دائما احجي وكولي اللي بكلبج هنا ترى كلنا خوات ووحدة تحس باللخ وشوية من نحجي نرتاح ويخف الحمل علينا وان شاء الله شهر بعد شهر تجينا البشارات كلنا يارب باقي البنات شلونكم ام حواء شوشو ميوسة ايلاف لولة ونور فاطمة؟ اكللكم بنات صدك اشو هاي اني اول مرة اسمع انه من علامات الحمل هي الغازات البارحة سمعت بالمنتدى عنها وهم قريتا بالنت قبل كم يوم زين شنو السبب اشو هاي اني اول مرة اسمع بيها.. !!

سلامتج ام حواء ان شاء الله ماعليج شي والمشي هم مفيد للحامل وهم شوية تغيير الجو مفيد فعادي لا تظوجين يلا يلا طلعتي شوية وغيرتي جو هسه كعدي وارتاحي ولا تسوين شي وان شاء الله ماعندج غير العافية