ام حواء شونج حبي 
شوشو وايلاف ونونة ونور الهدى ونور فاطمة ودودو شونكم

طبعا داجاوب بالتقاطير لان برهومي كلما الزم الحاسبة يبجي يغار منكم يمكن
ميوسة اني بالاسبوع 9 يلة بين النبض لاتقلقين خير انشالة وعادي اسبوع فرق مومهم سواء زيادة اونقصان انتي تدرين اني من اول الحمل جان مقدم اسبوع وبنهاية الحمل صار السونار مقدم اسبوعين فعادي جدا حبيبتي الله يسلمهم لام مصطفى ودكتورة ريا  ربي يحفظهم
شوشو تنور بغداد بيج توصلين بالف سلامة

ميوسة حبي طبعا دكتورة ريا بد ماقصرت وياية حتى طبيب برهومي سمللة اذا يتمرض هم هية دلتني عليه واني داريد اروحلة اسالة عن سؤال بخصوص الرضاعة بس ماكدر اخاذ برهومي لان باردة فحسالج انتي بما انه انتي عندج خبرة بجهال اختج
ميوسة برهومي بطنة دائما خفيفة من تطلع يكولون لان دارضعة بس صدري فلذلك كمت انطيه مرة ممة مرة صدري بس بالليل مممة لان يشبع بيها اكثر وينما وارتاح انتي اختي شون دترضعهم اني موعلمود شي دانطية ممه بس حتى بطنة تلزم لان كتلج حمار قوي بزرورة وهوة وية كل رضعة تطلع بطنة وميلحك جلدة يمتص الدهن حتى يطيب فمن راوست بين الممة والصدر قل خروجة وحمارة اقل  وميشبع بس بصدري هل اني الي داسوي صح او غلط؟عمتي هية الي اقترحت عليه هيج ارضعة اريد اعرف رايج وخبرتج من خلال جهال اختج
شفتي ام حواء شون واحد يدوخ   لان تصادفة كومة عقبات

والله مادري ميوسة اجوز اكلي موزين اللبن ماحبة ابد بس ححاول اشرب لخاطره بس تمر اكل كومة هوة اي عبالك ميشبع بس من صدري شو وية الممة يرتاح اكثر وينام زين انشالة اكو نبض لاتقلقين حبي هوة ميبين هسة اني من رحتلها للدكتورة حامل  انطتني موعد بحيث يصير 9 اسابيع وبالفعل وقتها بين الله الي رزقج بالحمل كفيل انه يحمية وينطية الروح ببطنج ان شالة
ام حواء حياتي  سلامتج ربي يحفظج ويعدي الحمل بامان لاتخافين اني هم والله جانت تخدر ايدي هم افز بالليل الكي نفسي خدرانة ايدي  وللوزن حاولي تصيطرين عليه افضل علمود الضغط لايرتفع والحركة من تصيرين بنص الخامس يلة تبدي لاتخافين هسة هاي مرة تحسين قرقرة مثل غازات هيج متنحسب من نص الخامس تبدين تحسبين الحركة وتحسين بيها ربي يحرسج حبيبتي برهومي يبوس ايدج كوة نام وخلاني ارجع اشوف ردودكم

هلو بنات شلونكم
حياتي ميوسة سلامتج حبي لازم تديري بالج علتى نفسج
حبي لولة شلونة برهوم بوسلياه من خدودة
حبي ام حواء اخاف دتتحرك وانتي عبالج غازات


بنات دتزل علية افرازات بيضة على خضرة عادي؟؟؟؟

والله حبيبتي لتكثرين بالدوة بدون استشارة الطبيب ديري بالج لان والله مو زين على النونو

ام حواء حبيبتي شكو بيها سوي شوربة اللهانة كلش مفيدة وتحركلج السعرات الزايدة وتخلصج من السوائل مامنها مضرة ابد وبالنسبة للبطن عادي هاي على طبيعة الحمل وجنس الجنين يكولون ام البنية بطنها لينة وام الولد بطنها صلبة وفعلا اني بحملي الاول وهذا بطني صلبة وبالنسبة للاسبرين موزين تاخذين جرعة زايدة لان لاسامح الله ممكن يسوي انفصال بالمشيمة هية  جرعتة حبة يوميا مواكثروكلشي زايد موزين لاتخافين عالخدر مدام انتي دتاخذين الاسبرين ان شاء الله تمشي الامور حتى لو اكو خدر
ايلاف حبيبتي تسلمين هوة هم يدزلج بوساتة اذاماعندج حكة عادي ماكو شي بس شربي ماي هواية وللامان لاتلبسين ملابس داخلية  حتى لايصير التهاب هاي الطبيبة دائما توصيني هالشي

تسلمين حياتي لولة ربي يخليلج برهوم

نرجع لميوسة ميوسة مرات من ارضعة سواء ممة او من صدري على غفلة يختنك ناس تكولي انفخي علىه ناس تكولي امسحي فوك خشمة ناس تكولي اكرصي خشمة انتي شتكولين
وسؤال لاخ ميوسة من تجي ام العوافي داحطة على بطنة بحضني شو احسة يرتاح علما تخلص صحيح الي داسويه لولا؟وهية ليش تصير ام العوافي ؟يوميا تصير عنده؟

تدللين حياتي ايلاف بالخدمة وربي يرزقج بالنونو وتدوخين مثلي هههههه

ههههههههه ميوسة والله صدوك لازم اخذج خصوصي لان  تجي هالاسئلة ببالي وحيرة المن اسال الكبار من اسألهم يكولون ناسين شفتي بالله فكلت ماكو غير ميوسة الوردة

تدرين ميوسة ذاك اليوم فتحت الموقع من بيت عيالي وجنت داكتبلج فجانت يمي بت حماية هم جان تكولي على صورهة بروفايلج هذا برهومي مو؟ههههه عبالي بس اني اشوفة يشبه الصورة هوة اول ماجاة هيج جان بالظبط بس هسة كلساعة اشوفة شكل

ميوسة هوة من تجيه ام العوافي يكوم يبجي يمكن يخاف منها؟

شكرا قلبي ميوسة على نصائحج ومعلوماتج المفيدة هوة هم يدزلج بوساتة طهورة الحمدلله زين وطاب انشالة السبت اربعين مالتنا طبعا هسة هوة مواحجي وياه مرات يفز يخاف من الصوت ومن ابدلة هم يخاف يبجي فد جبان هههههههه اشو شعره موكولة وكع؟حواجبه جانت فاتحة اول ماجة شو ية هسة دتبين

حبي لولة ميوكع كل شعرة جزء منه بس يوكع وبعدين يرجع يثخن
انتي اول ميثخن شعرة خطبيلةلانيصير رجال ههههه

حبي لولة خطية ليش يفز احجي على كيفج وياه خوما بعياط هههههههههه

ضحكتيني ههههههه

وعادي تثخن الحواجب هسة وشعرة مثل مكالت ايلاف

ايلاف شلونج اليوم؟؟؟

اي والله ام حواء الله يسمع منج يارب والسنة الجاية كلتنا صاير عدنا نونيات وبصحة وسلامة ياااااااااااارب الكل مشتهية

شكرا حبي ايلاف  طبعا هاي صورة البنوتة الي ببروفايلج تموت ربي يرزقج ولد او بنوتة حلوة مثلها موشنو شعرة لونة اسود من ورة بس مو ديوكع شوية صايرة زلوفة جوزية شتتوقعون يثبت على الجوزي لو الاسود
ميوسة حبي ماعيط عليه والله ههههههههه هيج اسولف عادي شو هوة يفز
ام حواء حبي وانتي بالف خير الله يفرحكم كلكم السنة الجاية وبحضنكم احلى نونيات

حبيبتي لولة ضحكتيني على ابراهيم الحلو هو يمكن مكد ماجنتي تخافين عليه وهو وابطنج فهيج طلع خواف والله هاي اني مرات اكول هيجي راح يطلع اول طفل الي لان اكيد هم راح اخاف وا وهوس عليه فهو ش راح يطلع قابل بطل الابطال اكيد راح يطلعلي جبان ويخاف من اقل شي ههههههههههههههههههه لان فترة الحمل شلون تكون حالةالام النفسية يطلع الجاهل والله يستر جهالنا شون راح يطلعون من الخوف والوهواس الزايد عليهم ههههههه

هلوووو بنات
حبي ميوسة اني زينة شوكت موعدج وية السونار
حبي ام حواء شلونها الاجواء يمكم البارحة

حبي نور الهدى الله يسمع منج وتصيرين احلى ماما

حبي لولة اي حلوة خلي يكبر برهوم ونخطبلهياه

حياتي ميوسة الله يفرحج بالنبض ياربي
حاولي تروحين لسونار حديث