ان شاء الله تروح بعد عشر ايام انوبه تريد اروح وياها لتركيا اني وزوجي عساس نغير جو اني هسة اريد ابقى بالضوجه ولا اروح اغير جو يمها

الله كريم حبي راح اسد النت خاف يجي ويقرا الكلام ارتاحيت هسة شويه من حجيت وراح اروح انام قبل ما يجي ما اريد اشوفه وعود حبي ضبطيلي التوقيع حبابه

باي حبي

السلام عليكم شلونكم بنات شلع قلع على كولة ميوسة واني ماديصحلي اكعد لانه ماخذة برد وبلاعيم قوية بس كللللللللللللش مشتاقتلكم شلونكم يارب الكل بخير..حبيبتي اميرة كل اللي حجيتي حقج بي والله يساعدج بس والله هي فترة وتعدي وبعدين اهممممممممممممممم شي هو طفلج وصحتج هسه ترى صحتج وحالتج النفسية تاثر عليه كلش يعني حتى شخصيتة تنبني من هسه يعني اذا انتي ظايجة راح يطلع بس يبجي ومو مرتاح فاهم شي ريحي روحج طنشيها صحيح والله هي صعبة ينرادلها كلب بارد واعصاب باردة بس شتسوين الي يريد شي يعوف شي لان انتي اهم شي عندج هسه هو الطفل وترى اسم الله عليج اكو من كثرة الزعل اسم الله سقطو الطفل فديري بالج وماكو داعي للتوتر الزايد والعصبية ادري والله حقج وصعبة بس اسم الله اذا صار عليه شي محد يتاذى الا انتي وهم ولا راح يهمهم الرجال وام الرجال ترى هذا حجي مال يحبون الطفل بس محد يحبه مثل امه ومحد ينحرك كلبه اذا صارلا شي مثل الام فاهم شي هو وصحتج وماعليج بالباقي وانطيها اذن الطرشة

تسلمين ام حواء النور نورج والله من الافلونزا صاير عندي افلونزا قوية .. شلون باقي البنات اشو دودو ماكو؟ والله البنات تعودنا وحدة عاللخ عبالك صارلنا سنين وحدة تعرف اللخ اللي يجمعنا دائما على خير ويفرحنا كلنا بالذرية الصالحة يارب

اهلا و سهلا بنات كيفكيم ان شاء الله خير، انا كثير تعبانة فيني انفلونزا و كمان نزلت الدورة اليوم بس الحمد لله على كل حال الله يرزقني المرة جاية انا و كل أخواتي في الله

صباح الخير بنات

شوشووووووو حبي شلونج مشتاقين حبي دكتور ريا كعد من ال3 لل8 عدا الخميس والجمعة والله يجعل على اديها البركة وتحملين يارب....

نور الهدى حبي عندج العافية بس والله مشتاقيلج حبي

لولة عمري الله يعينج ويبعد عنج كل عين حاسد ...شلونه برهومي البطل؟؟؟؟

ام حواء حياتي شلونج؟؟؟؟؟علياء حبي شلونج وانشاء الله الشهر الجاي الله يجبر بخاطرج يارب...

حبي اميرة لاتقهرين بروحج ترى هذي الفترة النفسية تصير زفت بسبب الحمل

والله هسة انتي من داتحجين عبالك اني حبي طببي من هاي الاذن وطلي من الثانية هي مهما تكون ام زوجج وانتي اذا جايتج كم يوم اني عايشة وياها والله من توفت بنتي ومن كالولي الخبر بعدني بالصدمية وهي تكولي انتي اللي كتلتيها وصار عندي نزيف وهي ماترحمني وكدام العالم بس هي وزوجي اللي مقهورين واني تمثال عبالك هي اللي حملت مو اني ولحد هسة تحجي اني بتي ماتت مو انتي بس اني وصلت مرحلة لان مايفيد الحجي وبس ازعل روحي كمت اطنش والبس لان بس هي الحنينة وبس هي اللي تفتهم واني فهمتها بطريقة مؤدبة بحيث صرت اني الزينة وهي اللغلطانة انه مااسمح لاي احد يدخل بهذا الحمل لان ذاك سمعت حجيها وصار اللي صار وهسة اسوي اني اللي اريده بطريقة ما اتجاسر عليها وبنفس الوقت تطلع هي الغلطانة بحيث حتى ابنها وبتها عرفو هي شنو واني شنو وكامو يحجون عليها ويكفون بصفي وترى حبي زوجج مهما تكون هاي امه وبالعكس المفروض تفرحين لان هو متمسك بامة لهاي الدرجة مثل مان نكول بالمثل اللي ماله صرماية باهلة ماله صرماية بيته وترى هو دايشوف ويعرف بس يكول هي رايحة امي خطار خلي ادللها وراها يصير عبد الج حبي انتي داري امه واذا تتعبين مابيها شي كوليلها ن الدكتور مانعني من الشغل وبطريقة مهذبة بحيث هي تحس بغلطها وروحي اعتذري من زوجج وكوليله ترى اني نفسيتي تعبانة لان الحمل يخبرط المزاج بحيث مااتحمل اي حجاية وانتو داتضغطون عليه رتى اني احرص منكم على طفلي وهي مشكورة على نصايحها بس اني هم اعرف الصح وين والغلط وين والامور تغيرت يعني هي تعليمه شكل وهسة العلم وصل شكل

وحبي ارجع واكول البسي وعيشي فرحتج انتي وزوجج والدنيا كلها طززز؟؟؟

حياتي لولة الله يسلمج عمري ويخليلج برهومي وميوسة حبي تسلمين وربي يحفظلج اللي ابطنج يارب
دودو حبي مشتاقتلج شو ماكو

تسلمون بنات ما قصرتو هو راح اطنش بس البارحه جنت كلش معصبه بس صليت ركعتين وقريت قران ونمت كعدت الحمدلله مرتاحه والله يعدي هالايام على خير اني خايفه من اولد الطفل تبقى عايشه يمنه والله راح اموت من التفكير وخايفه تبقي الطفل يمها لان هيه زوجي ابنها الوحيد وتريد بس حفيد وهسة ما صدكت من حبلت واني كمت احس بغير شعور كمت اغار على طفلي منها والله اني مدري شلون دا افكر بس كل شويه تكول هذا الي وهذا الي اني اسميه واني اربيه شكوللها بالله

هلو حبايب شونكم
نور الهدى وعلياء سلامتكم ماعندكم غير العافية انشالة
ميوسة حبيبتي تسلمين على دعواتج الحلوة يااصيلة ووردة
شوشو تدللين قلبي وربي يفرح كلبج
ام حواء شونج حبي
دودو ونوفاطمة ماكو ؟وشنواخبار نونة جنت مخبوصة وية برهومي معرفت شسوت؟
اميرة الله يساعدج بس ج اجوزهية تتوقع انتي صغيرة ومتعرفين فمن باب نصيحة لااكثراني تحمليها هية خطار ورايحة وتبقين انتي ام البيت وبكيفج ترتبين امورج واذاحبت تساعدج بالتربية شكوبيها ترة الحجي مومثل الشوف من يجي الطفل ويبجي وتردين تنامين ومتعرفين شون تسكتيه تتمنين لو احد وياج يساعدج اعتبريها بمقام امج لخاطر زوجج وكولة ميوسة الي مابيه خير باهلة مابيه خير بمرتة صدكي شكد مايكون حنين ويحب امه فرحي معناه حيخاف الله بيج انتي هم 

هلو بنات شلووونكم
حبي شوشو ان شاء الله مترجعين لامريكا الا وانتي حامل
حبي رائدة بعدج ببداية الطريق هدئي نفسج لخاطر النونو وهاي العصبية سببها الحمل والله اني هذاك الاسبووع متت مريت بحالة نفسية حيل صعبة وضليت ٣ ايام بس ابجي وحتى زوجي ابتعدت عنة وبالكوة ادور حجج حتى اتعارك وياه

ححبي ام حواء وميوووسة شلونكم والله مشتاقتلكم صايرة مشاركاتي قليلة لان هذا الايباد حيل حيل مزعج

لازم تتحركين ام حواء حتى تتنشط الدورة الدموية
حبي ام حواء اي شهر تركتي المثبتات؟؟؟؟ ميوسة انتي دتاخذين؟؟

السلام عليكم شلونكم بنات ان شاء الله الكل بخير.. حبيبتي ايلاف والله اني على اساس هسه راح اشتريلي ايباد لان اللاب توب مالتي هم متعبني فشنو يعني ماتنصحيني بالاي باد؟ اني كلت بلكت اذا اشتري ارتاح , شنو سلبيات الاي باد؟ واكون شاكرة الج

يعني من اي ناحية مو زين؟ اشو اني اتخيلا مريح بالتصفح والكتابة

هلو بنات شلونكم شخباركم ان شاء الله الكل بخير والكل حوامل يارب

هلوووووووو بنوتات شلونكم ان شاء الله بخير

طبعا صارلي يومين نفسيتي تعبانه لان خايفه من نتيجه التحاليل

واليوم رحت للدكتوره والحمد لله تحاليل نظيفه

وسوتلي سونار والنونو خطيه ساجد سبحان الله

ماكدرت تشوف الجنس

بس كالتلي المشيمه صايره باب بيت الرحم كلما يكبر الطفل تغير مكانها

لازم ماكو ثكل ومشي ممنوع

والصدااااااااااع موتني شرربت بندول 500

وماكوو ميفيد شنو الحل حتى الدكتوره قاست حراره جسمي ولكتها نص درجه مرتفعه

كالت اشربي بندول هسه كاعده ومسويه كمادات اريد الصداع يروووح

حياتي ام حوا

اخر دوره 20_9

يعني حساب الشريط تضيفين 7 ايام مووو

حتى يطلع مضبوط

ميوسة قلبي لاميوجعني الجرح من البرد بس مواشيل برهومي ارضعة يدفرني عالمكان فاتاذى منه 
دودوحبيبتي تسلمين منورة اشتاقينالج