ام حواء حبيبتي تسلمين اي برهومي كبران الحمدلله صاير حجمة ضعف عن ماطلع من بطني بحيث اباوع عليه اكول سبحان الله جان كلش صغيروني هسة كبر وخدودة حلوة سمان ورموشة طويلة وحلكة مرسوم ههههههههه سويتة ماكو منة  يوم الج قلبي وتفرحين ببنوتج وشفايتلي نتناسب 

ههههههههههه ميوسه هذا من هسه يتلوك لابوه

حياتي ام حوا مشكووووره على توقيع بارك الله بيج يارب تكومين بالسلامه

والصوره الرمزيه تخبل عاشت ايدج

شلونكم ويه البرد شوكت يخلص هذا الشهر حتى نرتاح

والله حتى طلعه اخاف اطلع من البيت لان الجو باااااارد

هههههه شكرا حبايب  ام حواء وميوسة ربي يفرحكم ويكرمكم مثل مااكرمني اي والله كلش باردة احنة متلفلفين اني وبرهومي هوة ابد ماطلعة من الغرفة   ولابس هسة اوفر يخبل نيلي مقلم بازرق ويدزلكم بوساتة
ام حواء هاي شنو عندكم البرد الله يساعدكم زين من تولدين بالسلامة هم تكون باردة؟

شلونكم بنات شخباركم مشتاقتلكم تسلمين ام حواء الحلوة على التوقيع الحلو مثلج ماقصرتي
بنات ردت اسئلكم عن اول شهر حمل صدك يتاثر بالكعدة والكومه والشغل العادي مو المتعب والنومه مدا اعرف شسوي خايفه من اي حركه بس دا اضظر اتحرك واطبخ وانظف واكعد بلكاع وانام عادي فهموني شلون اتصرف عفيه

ميوسه حبي شلونج ان شاء الله بخير

تدرين اسم الله من سالفه ولادتج اني من هسه اخاف من الضغط

بحيث كل مايوجعني راسي اكول بس لا ضغطي ارتفع وزوجي ولج لا توهسين راح تخبليني

هي الحامل صير عدها صداع من وره الهرمونات

البارحه كتله هسه جيبيلي محرار طبي اشو جسمي حار وكاعده ومسويه كمادات لراسي

راح لصيدليه وجاب المحرار ويقيس حرارتي ويلكاها منخفضه نص درجه المفروض 37 بس الجو بارد

يكولي طبيعي نص درجه لان حضرتج لازمه الكمادات ههههههههههههههههه

راسا ذبيتهم كتله يجوز الحراره من وره الصداع لان احس حراره براسي

الله يساعدج حبي ام حواء شنو هالكوابيس غير ليلة مزعجة كضيتيها اني سمللة عليج حلمت بية مرض موزين وداخذ الجرعة مال دوة هاي قبل 4 ايام وهم كعدت فد مخنوكة وتعوذت من الشيطان شكد تخوف الاحلام الموزينة واحد يظل يوهوس  انتي زوجج وين سافر هم اجة للعراق؟ان شاء الله يرجعلج سالم غانم لاتخافين هاي واحد من القلق والتفكير يشوف هيج كوابيس الله الحافظ ان شاء الله
هندان لاتاخذين التحاميل فعلا ميستحب اخذها اول 3 شهور الا عند الضرورة القصوى خليج بس على دوة الالتهاب الفموي وبالنسبة للافرازات اذا بيضة وسميكة ومابيها ريحة هاي طبيعية مال حمل ماكو اي التهاب حتى متحتاج حبوب الالتهاب لان هاي الافرزات تستمر وياج طول الحمل

حياتي ام حوا من تفزين بالليل من وره هاي الاحلام

لو تكومين تصلين ركعتين لوجه الله لو تقرين سوره ياسين وان شاء الله ربي يطمن كللبج

خوش معلومه اذا الوجع من وره الاذن يعني ضغط

عيوني ام برهومي اي صح الافرازات بيضه وسميكه ومابيه ريحه

شكرا حياتي طمنتيني

ميوسه الله يرحم الوالده ويسكنها فسيح جناته

السلام عليكم شلوونكم بنات ام حواء ميوسة هندان لولة ايلاف دودو اميرة نور فاطمة يارب الكل بخير انتو ونونياتكم طبعا هاي البارحة غير ليلة والكل حلمان شكل والله يبعد عن الكل كل مكروه ياارب ويصرف عننا شياطين الانس والجن حبيبتي ام حواء والله بالي يمج وشايلة همج لان وحدج والاحلام اللي شفتيها باذن الله مابيها ضرر عليج بس كوني منتبهة يعني الانسان بدون مايعرف اكو ناس تحسدا وتكره واني بس داقرا حلمج عرفت اكو مرية حسودة بالسالفة وعينها عليج وعلى رجلج وعائلتج فانت دااائما حصني روحج بالاذكار وهي باذن الله ما يجيج منها ضرر لان الله الضار النافع مو هي بس انتي تحصني بذكر الله وشي ثاني اللي يبقى بوحده الشياطين تتسلط عليه هاي اني مجربتها وماتخلصت من هالحالة الا من كمت من انام اظل اشغل قران لما اكعد والحمدلله ماكمت اشوف هشكل احلام فنصيحتي الج من تنامين وانتي وحدج بالبيت ابدددددددد لا تنامين بدون ماتشغلين قران واكو هواية قراء بالنت طلعي القارئ اللي يعجبج صوته مثل المنشاوي او عبد الباسط او غيرهم وهسه تشوفين شلون راح ترتاحين انتي والنونو وتنامون ليالي هادئة وبدون احلام مزعجة

شكرا قلبي نور الهدى عالسؤال اني بخير انتي شونج اخبارج قلب

الحمدلله اني زينة تسلمين عمري لولة والله يسلم كلبج يارب ويخلليج برهومي الحلو وابوه

هلو بنات شلونكم شكرا عللى المعلومات حبيباتي بس اكولك هاي الدكتورة انطتني تحاميل نسائيه مثبته للطفل واختي تكول لتحطيها مو زين التحاميل باول اشهر واني كلما احطها تطلع التحميله شسوي راح اكتبلكم اسم التحاميل للي تعرفها cyclogest
عفيه الي عدها معلومات عنها خلي تكولي