يمة فدوة لله حبيبتي ام حواء ان شاء الله تجي رشيقة وحلوة ويركض وراها برهومي وهية تدلل عليه ههههههه

مرحبا بنات شلونكم شخباركم مشتاقتلكم كلكم وشكرا لردودكم شوشو حبي ان شاء هلشهر حامل وسوي مثل ما كالتلج الدكتورة والبنات واذا تضوجين تبقين نايمه على بطنج تفرجي مجله لو افتحي نت بالموبايل يخلص الوقت وما تحسين وترى اني ما حبلت الا من بقيت نايمه على ظهري بعد الجماع ونفس الشهر حبلت هذيج الاشهر جنت اكوم رئسن وماصار حمل هلشهر الوحيد الي كمت ابقى ساعه نايمه بعد الجماع على ظهري وجان اطلع حامل جربيها وان شاء الله هلشهر تحبلين


ام حواء حبي الله يخليج جربيلي اني حامل بولد لو ببنيه بلبرنامج مالتج

بنات عفيه منو تعرف دكتورة زينه باربيل لان هاي دكتورتي ذبحتني ما تاخذ وتنطي وكلما اروح الزم سرة تلث ساعات وتاخذ ضعف عن البرة ولازم التحاليل عدها بنفس المشفى وهم ضعفين عن اسعار البرة وكل هاي بسيطه بس الي يضوجني ما تشرحلي شي كلشي تكولي ماكو شي خليج علعلاج واطلع بثواني تفحصني ما افتهم شي منها

تسلمين عمري تعبتج وياي وتسلمين ميوسه ان شاء الله خير

صباح النور حبي ميوسة شلونكم بنات تسلمولي كلكم والله بلياكم ماادري جان شسويت
صدك دودو مختفية ان شاء الله خير

هلو بنات شلونكم ان شاء الله اكل بخير صدكتي شوشو الله دزلنا هذا المنتدى رحمة والحمدلله الكل ديستفاد لو دعوة لو نصيحة.. حبيبتي اميرة شلونج اني البارحة ماقريت كل التعاليق بعدين قريت عنج حبيبتي ليش هيج تسوين بروحج ومثل ماكاالت ايلاف محد خسران غير الجينين فديري بالج عليه حبي والله يبعد عنكم هالمشاكل يارب واقري ايات اخاف عين عليكم وظلي تذكري انه اكبر نعمة هسه صارلج الحمل من وقت وحافظي عليه والله محد يفيدج اذا اسم الله صارلا شي انتي اكثر وحدة تتأذين واني والله ادري بيج رجلج وعمتج متعبيج من ورا هالحمل بس شتسوين تحمليهم لخاطرا لان الشي اللي شفناه بعد فقد حملنا ولحد هسه هو اصعب مية مرة من اللي دتشوفيه من عمتج اللي ماعرف شكول عنها بس ماكول غير الله يهديها فحبيبتي تحملي وديري بالج على صحتج وعليه وطمنينا عنج حبي

هلو حبيبتي ميوسة اني زينة انتي شلونج وشلون النونو بعد عمري يارب تكونون بخير
صح والله حبيبتي هسه وقت مطر ومستجابه الدعوة الله يستجيب دعواتنا كلنا

هلو بنات شلونكم شخباركم وحده وحده شكو ماكو اني الحمدلله زينه وشكرا لسؤالج نور الهدى ما تقصرين عمري والله اني فقدت بوكتها بس مستحيل اعيدها لان حسيت بالم اول مرة احس بيه بحياتي ومتت خوف انه افقد طفلي بس الحمدلله عدت على خير وصارلي جم يوم هديانه الحمدلله انتو شلونكم شخباركم طمنوني عنكم

بنات شنو رئيكم نغير عن كلام الحمل وكل وحده تحجيلنه قصه زواجها شلون صارت وشلون تعرفت بزوجها

هلو حبي اميرة والله اني هم اريد اقترح شوية نغير الكلام عالحمل بين فترة وفترة لان احنة مو بس الحمل يربطنة ان شاء الله صرنة خوات وشوية نغير جو همين

هلو بنات شلونكم
ميوسه حلوة قصتج والحمدلله متفاهمين وعين الحاسود بيها عود ان شاء الله طول العمر هيج
قصتي اني جنت بسوريا ويه اهلي وانخطبت لواحد ابن صديقه امي جنت دايما اشوفه ومعجبه بيه وبعدين قوت علاقتنا ويه عائلتهم وحبيته وحبني وخطبني وكطعنه مهر وسوينا حفله بقاعه بسوريا وعساس الاستقرار بالعراق وهو عزم صديقه وصديق اخويه هم وامه بس امه فاتت للصاله لان جان العرس بس نسوان واني محجبه وطبعا نزعت الحجاب بالحفله المهم امه حبت امي كلش وتعارفن ام صديق اخويه وصديق خطيبي بوكتها كامو يرحون ويجونا وقوت العلاقه بهالاثناء خطيبي وامه ابغداد عساس دا يحضرون بيت الزوجيه واني جنت كلش فرحانه واحبه اختلفو عليه المهم صارت مشاكل هواي وكل يوم تزيد اخر شي كلت بعد ما اريد واريد تجي اطلكني مثل ما تزوجتي طبعا جان كطعان مهر محكمه ماقبل يجي وغلق التلفون خلا بس امه تحجي وفجاء طلع الشخص الي حبيته ابن امه وكالت امه اذا تريدين تطلكين تعالي لبغداد احنا ما نجي دزيت اخويه وسويتله وكاله وامي جانت مريضه مسويه عمليه ما كدرت تنزل والوكاله ما قبل بيها القاضي الا اني انزل لان قضيه خلع فجانت ام زوجي الحالي وزوجي وخواته موجودين يمنه وخطوة بخطوة حاضرين المشكله كالت ام زوجي اني نازله لبغداد انزلج وياي لان ما كدرت انزل بوحدي امي مريضه واخويه ابغداد والجبير اخويه مايكدر ينزل فنزلت وياهم لبغداد وطبعا كعدنه فندق لان احنا مكطوعه علاقتنا باقرابنا وهما من الموصل وشفت شلون باع صديقه الي هو خطيبي علمودي ووكف وياي بالمحكمه وشفنه محامي طبعا تبهذلت واني منهارة جنت بوكتها وهو زوجي بقى يهدي بيه ويهون وبعدين صار الطلاك واجينا لاربيل اخويه طبعا من اول يوم وياي التقيتا ابغداد وكعد ويانا بالفندق ورحنه هم نشوف اربيل لان جانت وضع سوريا مو زين ولازم نستقر بمكان وهم بقيت مده اكثر واجوي اهلي وماعجبتها امي العيشه باربيل ورجعنه لسوريا وهما بقو وبعدين زادت الاوضاع بسوريا فرجعنا لاربيل وكعدنه يمهم بالبيت بما ناجر بيت ونفرشه وهنا زادت العلاقه وصارت حب هههههه ونسيت هذاك مابقينا شهر واهلي قررو يرحون لتركيا ويعوفون اربيل عاد هو كال اني اريد اتزوجها قبل ما تسافرون وصار الزواج وكطعان المهر والحنه كلها باسبوع واهلي سافرو وبس هههههههه

قصتي مو طويله كلش واختصرت منها شوفو قصه ام حواء هسة تلكوها شطولها هههههههه

تسلمين عمري الله يخليج والله وانتي هم كلش حبابه واحبج حيللللل ودايما على بالي واذكر من طلعنه وتمشينا ومشتاقتلج تدرين قبل جم يوم دا افكر اكول شكد صارلي ماشفتها ما ادري شلون صارت من حبلت ادعبلتي لو بعد ههههههه

يله حبي انتي حلوة شلون ما تكونين وان شاء الله بعد الولاده يرجع جسمج احلى من اول هسة علمود البيبي كلشي يهون اني من هسة صار وزني 75 ههههههه الله يكومج ان شاء الله بلسلامه

جنت 70 بس ما ادري ليش هيج صاعده هواي بس زمان ما قست وزني من تزوجت جنت 68 وبعد ما قست

اسكتي وخليهة ام حواء هسة اكو بنات بين يوم ويوم يدخلون يس مثلا ميوسة ودود ونور الهدى كل يوم جانو يدخلون وهم ماكو هسة .. مااعرف ايلاف سوت العملبة لو لا؟وشلونهة ؟ يمكن من يخلث الويك اند راح يجون