هلو حبايب شونكم  اني حيل مخبوصة وية برهومي كلش نحاسيتة زايدة وماعندي وقت افتح اكثر شي دافتح من التلفون وصعب افوت عالمنتدى منه واليوم وديت برهومي لحقته وخطية رجع ديبجي ومصخن ونطيتة خافض حرارة وشوية فنستيل حتى ينما لان بارحة لل3 كاعد وتعرفون هالايام مطر وهوة مستحق لقاح فشفت الجو اليوم زين فوديتة حتى بارحة جنت معزومة بحنة ابن عمتي ومكدرت اروح من ورة البرد وبرهومي 
حلو موضوعكم مال قصص الزواج من انام وارتاح واطمئن على برهومي الي عودة احجيلكم قصتي

واخيرا دبت الحركة بالمنتدى !!!! الحمد لله جنت كللش مخنوكة لان جنت كلما افوت الكة شي جديد هسة محبوسة بالبيت ومالي خلك ادرس والنوب المنتدى وضعيتة تزعج من كد الصنطة كلما افتح الكة اخر موضوع نفسة .. كون يجون البنات عاد.. لولة الحمد لله على سلامة برهومي وعندة العافية انشالة ... ام حواء حبي شلونج

شلونكم بنات شخباركم شكو ماكو نونه حبي ليش ضايجه الحمدلله شفتي الطفل بالسونر واطمنتي عليه اني صارلي يومين بس نوم واكعد نعسانه ونحلانه مابيه حيل لشي وموتني وجع الرحم من جهه اليسار مدا يروح صدك طلع الحمل صعب الله يعين هههههه طمنوني عنكم بنات وشو محد حجا قصته شنو السالفه

هلو حبي اميرة والله ماادري هواي اسباب تضوج يمكن لان محبوسة بالبيت والطبيب مانعني من الطلعة او يمكن لان متضايقة بالوقت بسبب الدراسة فاحس نفسي ماعندي وقت لاي شي ومااكدر انام براحتي والحمل يسوي نعاس فمن مااكدر انام اتوتر كللش او يمكن لان صارلي سنتين ونص مشايفة اهلي وطاك كلبي على امي او يمكن لان بداية الحمل التغير بالهرمونات يسوي ضوجة بس عموما مااعرف السبب بالتحديد او يمكن كل هاي الاسباب مجتمعة بس الحمد لله على كل شي انشالة رب العالمين يعدي الحمل على خير ويفرحني ويشيل هذا القلق اللي كاتليني وهذا الالم اللي عندج اني صار عندي بالبداية حتة سألت البنات اني جنت احس رحمي يتشكك وهسة يروح ويجي فعادي انشالة

هلو بنات شلونكم ان شاء الله بخيرشو ماكو البنات ميوسة وايلاف ان شاء الله المانع خير
اني طاكة رووووحي ومتعاركة وية زوجي اوف

هلو حبي ام حواء شلونج وشلون البنوتة حبي .. اي والله حبي عين مضبوطة بحيث جنة طالعين يم كرايبنة والله بس طلعنة منهم تعاركنة واحنة قبل لنفوتلهم جنة نضحك وعادي حتة المفروض نتيجة التحاليل تطلع البارحة ومجبناها .. اني هم بالي يم ميوسة وايلاف ياريت تطمنة شسوت

شلونكم بنات شخباركم ان شاء الله ميوسه وايلاف يبينن عن قريب ان شاء الله المانع خير وحبي نونا عادي الضوجه ابدايه الحمل اني لحد الان هيج وكمت كلش اشتاق لامي ابدايه حملي وابجي من كل كلبي مع اني اشوفها بالنت يوميه واحاجيها انتي حاولي تحاجيها بالنت وان شاء الله شويه ترتاحين واذا علدكتور فطبيعي ترتاحين هلفترة لحد ما يثبت الطفل ان شاء الله والدراسه الايام الجايه ان شاء الله تعوضيها سلي نفسج بشي وانتي كاعده وان شاء الله تمر الايام على خير


شوشو حبي ان شاء الله تصالحتو ولضوجين كلشي ينحل المهم جيبي التحاليل واطمني وطمنينا وان شاء الله خير

ام حواء مشتاقتلج كوووووووومه وردت اسئلج عن جرة عسل شخبارها مو جانت جيرانج

هاي شنو اني فتت باسبوعي التاسعلا معقوله ولا ادري هسة شفت الشريط الحمدلله ياربي دا تمشي الايام بسرعه

هلووووووووووووووووووووووووووووووووووووووووووووووووو


والله مشتاقتلكم شلونكم ليش هيج محد يسأل عليه

اني زعلت عااااااااااااااااااااااااااا

نونه وام حوا وميوسه والوفه ودودو ونور الهدى واميره وشوشو وام برهومي

كلكم شلع شلونكم

جنت ناسيه الباسورد وهسه كعدت اعصر بمخي وكلت اذا مصار اسوي اشتراك جديد

سحكت ممكن اصحح المعلومه

هي دكتوره كالت المشيمه اول ما تتكون تنزرع باب بيت الرحم

هندان عمري شلونج سلامتج مابيج غير العافيه وماعندي معلومات عن المشيمه هسة تجي ام حواء تشرحلنه بس يعني عند الكل تكون هيج خطرة لو بس انتي زين وهيج يبقى زوجج ما يتقرب منج لشوكت

ام حوا الاستشاريه مالتنه

وينها الحلوه مشتاقتلها خاف اجه الحب من السفر وهي مكابلته وكاعده

الله يحفظه ويخلي الج

هههههههههههههههههه اي صدك يجوز اجا زوج ام حواؤ
همزين زوجج مقدر هلشي اني ما يقتنع بهلشي مخبلني

اي خطيه مو طول هاي السنين تعبنه من العلاجات

وكومه فلوس صرفنه ومن كعدنه وسكتنه وتوكلنه على الله الحمد لله والشكر فرجها علينه

حبي ميوسه ماعندج غير العافيه ان شاء الله


يارب تكومين بالسلامه ويقر عينج بشوفه الغالي

هندان حبي عندج العافبة انشالة وماتشوفين شر .. اميرة اني احجي وياهة بس مايكفي النت صار هواي مشايفتهة

ميوسة نورتي الحمد لله على سلامتج الج وحشة والله ياربي ماعندج غير العافية بارب

هلو بنات شلونكم كلكم حبي ميوسة الحمدلله على سلامتج وديري بالج على نفسج هندان حبي مابيج غير العافية وربي يكومج بالسلامة لولة ماكو همين ان شاء الله بخير اكيد برهومي خابصهة خطية
بنات البارحة زوجي رايح جايب التحاليل طبعا اني جنت زعلانة فمرحت ويا حتة اشوفهة للدكتورة طبعا قريت التحاليل اللي افتهمته افتهمتة واكو شغلات مفتهمتة قريت تحاليل زوجي عرفت انو الحركة عندة كلش ضعيفة خمسة بالمية وعندة تشوه بالحيوانات المنوية اربعين بالمية والزينة بس 30 بنات رح اطك من القهر ياريت تكولولي شسوي وشنو يفيد حتة تقوة الحركة عندة كلش مخنوكة بالنسبة لتحاليلي اعتقد هرمون الحليب زين بس البقة مو كلش افتهمتهة اللي هوة هرمون ال fshطلع
follicular(3_12m.i.u/ml): midcycle(8_22)
menopausal(35_151m.i.u/ml): luteal(2_12m.i.u/ml)
males(n:1_14m.i.u/ml)
ياريت اذا وحدة تعرف بنات تشرحلي شنو زين لو لا بلكي لولة تعرف لان مااكدر اروح للدكتورة للسبت يلة لان عرس اختي ومخبوصة والله ضايجة كولش وشفت زوجي انقهر لان شاف نسبتة مو زينةوالله داحس الدنيا ظلمت بوجهي

حبي شوشو الحمد للة على السلامة الي نقلتيهم من نتائجج هية الستندرات اللي يخلوهة بأي ورقة تحليل معناهة انتي بوقت التبويض لازم شكد يصير عندج واابداية الدورة شكد وبسن اليأس شكد وهكذا وين نتيجتج انتي ؟؟ نتيجتج تنحط رقم مو رينج من رقم الى رقم دوري بلكي تلكين اكو كلمة results

او هيج شي عادة نتيجتج تنحط فوك الستندرات يعني قبلهة ويشوفوهة انتي بياقترة اخذتي التحليل ويطابفوهة وية النسبة الطبيعية للهرمون اللي انتي نقلتيهة

وبالنسبة لزوجج اكو حلين الاول اللي هوة لازم يسوي وهو الحل الاساسي انو يروح طبيب جراحة او مجاري بولية لان الاثنين يشتغلون الاختصاص بموضوع الدوالي يكشف عن الدوالي لان صارت بكد تكيس المبايض عند النساء دوالي الخصيتين عند الرجال فعمليتهة جدا بسيطة ومامكلفة داخل العراق احسن من مايسووهة برة بس يربطولة الوريد اللي يغذي الخصية بحيث يقلل من كمية ادم الواصلة واللي ترفع درجة الحرارة وتقتل الحيوانات المنوية بهلشكل واكو يسوههة بالناظور يعني يسويهة وبطلع حتة مينام مستشفى .. الحل الثاني هوة انو ياكل عسل شكد مابي وهذا الحل موقت وميعالج المشكلة الحقيقية في حال اذا جان عندة دوالي .. خللي يروح لطبيب ضروري لان اذا عندة دوالي مايصير يتأخر بالعملية وهية سهلة جدا لاتخافين وانشالة تكون هية السبب لان ابسط ماممكن يصير وعلاجة اتفة من التفاهة بس ينرادلة كم شهر بعد العملية علما ترجع نسبتة زينة ولاتخافين ابد وياربي بس العافية عدكم

حبي نونة تسلمين الله يكومج بالسلامة ياربي .. حبي تحاليلي بس هاي الموجودة طبعا عرفت هاي الستندرات بس هية ماكو غيرهة بالورقة ماكو كلمة رزلت وزوجي دياكل عسل بس انتظر الدكتورة تكولة شيسوي الله يسمع منج وياربي ماكو شي