شكرا حبيبتي ايلاف الله يسمع منج يارب .. وحبيبتي ميوسة الله يسمعج نبض الجنين بخير وسلامة وتجين وتفرحينا يارب.. شلونكم باقي البنات اشو ماكو نور فاطمة ودودو عسى المانع خير

هلو بنات شلونكم
حبي دودو احنة هم مشتاقيلج ومشتاقين لشوشو

حبي ام حواء ونور الهدى شلونكم؟؟؟؟

اي حبي ميوسة ترة دكتورة نادية هم كلش زينة ومظبوطة 

بنات حابة اسئلكم عن الليزر بالعراق لازالة الشعر ناجح لولا ويامركز تعرفون زين لان بعد وية هوستي ماكدر اسوي شيرة واكره الموس والكريمات دافكر بالليزر انطوني ارائكم ومعلوماتكم ام حواء انتي بالنرويج اكيد ناجح الليزر شعجب مفكرتي تسوين

ميوسة وردة شو برهومي عنده وقت يسويلي بيه مناحة بجي يوميا من 8 او 9 الى 12 اتريعة انيمه على بطنة وافركلة ارضعة ميفيد الا تصير ال12 يلة ينام هاي شنو تستمر؟وورة الاربعين شون تصير نومته ورضعاته؟دوختج وردة

اي حبي ام حواء زين تسوين ان شاء الله تولدين بالف سلامة وتسويه لان تكومين بعد متلحكين على دربج النوم يصير حلم  هسة  اني النت عندي حلم اذا اجي اطمئن عليكم لان موبس الطفل تعب شغل البيت والطبخ والدنيا باردة وهدومة تتوصخ وكلساع اغسل هدومة كومة اشغال ورجلي هم يكره الشعر بلكي اني هم اشوفلي فد شي مظبوط هنا واسوية وارتاح

طبعا هوه بالعراق ارخص بس ما ادري اذا مضمون لو لا ؟؟

اي ام حواء حبي اكو هنا بس ماعرف احد مجربة نشوف ميوسة وايلاف شسامعين عنه هنا

حبيبتي لولة والله اني مااعرف المراكز او الاطباء الي ببغداد

هلو بنات شلونكم كلكم.. تسلمولي عالسؤال حبي دودو وايلاف وميوسة ان شاء الله كلكم بخير
حبي دودو لو تدرين شكد دعيتلج بطريق الرجعة يارب الله يرزقج وينطيج على كد نيتج يكولون دعوة المسافر مجابة والله يتقبل مني يارب

هلوووووو شوشو بيبتي الحمدلله على السلامة شلونج شنو اخبارج الاهل شلونهم؟؟ ان شاء الله ماتعبتي من الطريق
شنو مشاعرج من شفتي اهلج ؟؟؟؟؟؟

حمدلله عالسلامة حبيبتي شوشو نورتي العراق انشاء الله مترجعين الاوانتي حامل

عادة ميوسه تجي هيجي وكت ونسولف وتكولي صباح الخير شو ماكوووو
صباح الخير بنااااااات

شكرا حبي دودو زين كتيلي على اختج اي والله اني هم الشعر يفور عندي برهومي يبوس ايدج باجر الاربعين مالتنا حنودي لبيبي تغسلة غسلة الاربعين يوم الج حياتي وتشوفين ضناج بحضنج اي والله جربي بلا علاج بالهورمونات بلكي ترجع وحدها تنتظم وتفرحين ياحياتي 

هلو بنات شلونكم ؟؟؟
حبيبتي دودو يارب هذا الشهر تحملين ويفرح كلبج

حياتي لولة مبروك عليج وعلى برهوم ان شاء الله يوم يجيبلج ابنة تغسليلة غسلة الاربعين


شو ميوسة صايرة كولش قليل تدخل

تسلمون حبايبي حبي لولة مبروك ان شاء الله يوم التبشرينة بزواجة
حبي دودو تسلمين عمري احنة رجعنة عالقطرية مريحة يعني من هيوستن لقطر ولبغداد طبعا اللقاء بالمطار جانو اهلي واهل زوجي ومن شفت اهلي كمزت عليهم وبس ابجي و هسة اني يم اهلي اريد اشبع منهم
وطبعا اول ماوصلت لبغداد اجتني الدورة هههههه ان شاء الله فد 10 ايام واروح لدكتورة ريا والله كريم ادعولي وطبعا دودو اول متوصلين بغداد تنصدمين لان تحسين بفرق هواية وتنقهرين حبي ان شاء الله تجين وتشبعين من اهلج الله يخليهم الج ولتضوجين حبي الناس صاير الكذب يدمهة طبعا اني هم موكولش متفائلة بهاي السنة لان هم صارت شغلات بعدين اسولفلكم ههههه الله يسهلهة علينة يارب واني مدافتح هواية لان ملتهية وخطار هم يجون كل شوية يشوفوني

شلونكم بنات ان شاء الله الكل بخير ومشتاقتلكم لولة حمام الهنا حبي ويارب يوم حمام العرس وتفرحين بيه يارب شوشو الحمدلله عالسلامة وان شاء الله تتونسن ابغداد ويه اهلج وهسة تونسي ويا اهلج واحنا بعدين كعدي ويانا بس هم كل مرة طلي علينا ترى نشتقالج انطينا موجز وروحي ههههههههههههههه.. شلونج دودو مشتاقين وشلونكم ام حواء وايلاف وشلون النونيات يارب بخير الكل وصدك ميوسة وينها يارب يكون المانع خير

هلو حبايبي شونكم تسلمون ايلاف وشوشو وام حواء ونور الهدى ربي  اسعدتني جدا دعواتكم وربي يفرح كلبكم دنيا واخرة
شوشو حياتي  تونسي وية اهلج وشبعي منهم ويارب مترجعين الاوانتي حامل هسة انتي عبرتي بحر من جيتي بلكي تتغير امور هواية نحو الافضل
ميوسة سلامتج قلبي ماعندج غير العافية والله اني برايي امشي ورة كلام ريا لان عدها بعد نظر للامور شوفي اني جانت تلح علية تفحصني داخلي حتى تقرر موعد الولادة رغم هية محددتلي عملية موطبيعي وياهو الي اكولة يستغرب بس بالفعل من جبت برهومي ثاني يوم بالتاسع ورة مفحصتني وجيكت انه نازل وحجم راسه وهالامور يلة اقتنعت انه صار موعد ولادة فيعني المختصر من كلامي انه مشيت وراها وماخسرت اني من صار الاسقاط بسبب الضغط هم جانو يسالوني هواية انتو اقارب انتو اقارب اكولهم لافاحتمال هم لو جنا اقارب جان سوولي وبعد ماعرف ياحبي هذا رايي وبلكي ام حواء تفيدج اكثر

حياتي ميوسة والف مبروك سمعتي النبض الله يفرحج بيه سالم وتشوفيه بحضنج يلعب

العفو ميوسة غلطت بالتعبيرهية الزيارة الي قبل العملية فحصتني داخلي بس من رحتلها بيوما لعملية هم رادت بس مقبلت ففحصت ببطني وضغطت كل قوي من جوة فشافت حجم الراس وانه نازل فكالت يلة عملية اليوم

العفو ميوسة غلطت بالتعبيرهية الزيارة الي قبل العملية فحصتني داخلي بس من رحتلها بيوما لعملية هم رادت بس مقبلت ففحصت ببطني وضغطت كل قوي من جوة فشافت حجم الراس وانه نازل فكالت يلة عملية اليوم

هلو بنات شلونكم شلونج ميوسة الحمدلله عالسلامة والف مبروك حبيبتي لان سمعتي النبض يوم اللي تسمعين منه اول كلمة ماما يارب وعلمود هذا الفحص اتوقع طبيعي ومابي شي وهم كولي اللهم خر لي واخترلي وباذن الله اللي بيه الخير يقدملج يا . ياقي البنات شلونكم يارب الكل بخير