هلو بنات شلونكم مشتاقتلكم

اليوم سونار شوشو ان شاء الله تجيب النا اخبار حلوة

حبي ام حواء الحمدلله دتحسين بالحركة اني هذا اليوم الثالث ماكو حركة وحاولت اشوف النبض بالجهاز بس ماكو يمكن اني مندليت مكان القلب وين كلبي نار بس ماريد اروح للسونار لان ضجت كل اسبوع اروح
حبي ميوسة شلونج انتي محسيتي بالحركة ؟؟؟؟
حبي نونة الحمدلله على سلامتج والله حيل فرحت من شفت كتابتج
حبي لولة شلونج وشلونة برهومي بوسلياه بخدوداته الحلوات
حبي نور الهدى شلونج نريد نسمع اخبار حلوة من عندج

اميرة حبي وهنودة شلونكم وية الحمل ؟؟
دودو حبي وين تختفين ؟ مشتاقيلج هواية

هلو بنات ميوسة حبي الله يساعدج هانت ان شاء الله كله يهون لعيون النونو ربي يكومج بالسلامة حبي ايلاف مشتاقتلج شلونج وشلون زهورة ان شاء الله تروحين وتطمنين عليهة طبعا قبل شوية رجعت من االسونار طلع عندي بالمبيض الايسر بيضة صغيرة بس بالايمن طلعت عندي بيضة جبيرة 22 ملم وطبعا عادي كلتلي رحمج مكلوب رحت شوفتة لدكتورة ريا كلتلي اشو البيضة جبيرة زايد اني اسغربت يعني مو احسن كلما تكبر كالت روحي جيببي حبوب بريمولوت ن وتبدين تاخذيهة مرتين من يوم 18 من الدورة بنات شنو هاي الحبوب شتسوي ؟؟؟ وباجر موعد زوجي ان شاء الله تطلع نتائج الهرمونات وكلتلي الدكتورة خابريني من تخلصون من عندة والله يسهل

حبي شوشو الحمدلله بلكي الله تطلع تحاليل زوجج هم زينه وان شاء الله تطمنون وهسة البنات يفيدوج بلحبوب

هلو شوشو شلونج حبيبتي ؟؟؟
حبيبتي ماشاء الله حجم البويضة ممتاز وبالنسبة للحبوب هاي منظم للدورة يعني اذا ماكو حمل تنزل الدورة بعد النتهاء الحبوب بتلث ايام واذا اكو حمل ان شاء الله تعتبر مثبت للحمل لان تثخن جدار الرحم يعني تهيأة للحمل ويارب نفرح بيج هذا الشهر وميضيعلج تعب

تسلمولي بنات ايلاف اني قريت عليهة بالنت شو كلمن يحجي شكل دخت بس شو اكثرهم يكولون تسوي اجهاض وتشوه ومنظم للدورة ومااعرف ليش انطتنياها اذا اني كل شهر تجيني الدورة عادي

وليش تكولي حجم البويضة زايد عن اللزوم خاف اكو شي حته من حجت عبالك شي مو طبيعي

لا حبي لتصدكين بكلام المنتديات والله هاي الحبوب منظمة كولش زينة وتساعد على الحمل لان تهيء الرحم لاستقبال البويضة وبالنسبة لحجم البويضة هي ماشاء الله جبيرة بس فرصتها فوك ٩٥ للاخصاب اني هم جانو يكلون على بويضاتي كبار بس شو تخصبت عندي تلث بويضات بهل حجم مرة التؤام ومرة هذا الحمل
والله لتخافين انتي كولشي مبيج وخلي زوجج ياكل عسل هواية اليوم وباجر وربي يكتبلج الحمل

البويضة الحجم الطبيعي من ١٨ الى ٢٤ او ٢٣ يعني انتي ضمن الحدود الطبيعية وعموما الدكتورة تكدر تتحكم بحجم البويضة يعني تنطيج ابرة تفجيرية قبل نزولها بيومين او تلاثة يعني من توصل للحجم الطبيعي
انتي اليوم موعد نزول البويضة لو باجر؟؟؟

حبي ايلاف الله يسمع منج ويريح كلبج اني باجر يوم 14 يعني باجر تنزل غير بس شنو هاي الابرة التفجيرية شتسوي ؟

الابرة التفجيرية يعني تنزل البويضة بالوقت الي انتي تردي يعني مثلا من يصير حجم البويضة ١٨ تضربيها من تضربيها راح تكبر ٢ ملم وخلال ٣٦ ساعة تنزل البويضة بس ماعتقد انتي تحتاجيها

اها يعني هي البويضة لازم تنزل غير لو يصير مرات موجودة بويضة بس متنزل؟

اي حبيباي البويضة الناضجة لازم تنزل بس بحالات مرضية معينة مثلا التكيس متنزل البويضة

بس بالحاله الطبيعية لازم تنزل

حياتي ام حواء يارب تضل بس تتحرك الى ان تضوجين وتكولين بس
الله يخليلج بنوتج حبيبتي وتشوفيها مثل القمر بحضنج

بالنسبة للانفلونزا اكلي برتقال هواية ان شاء الله تتحسنين بعدها
او شربي ليمون وعسل هم كولش زين ويارب ماعندج غير العافية

هلووو بنوتات شلونكم

اممممممم بس الوفه تسأل عليه فديتها وربي يكومها بالسلامه

ونور الهدى هم

البقيه مزاعلتكم خووووووووش والله ما اكدر اكتب لان اله كلت اطمئن على نونه والحمد لله ربي فرحني بيها

عيوني الوفه الحركه ان شاء الله بنهايه الرابع تحسين برفه خفيفه

وبعدين تكومين تحسين بيها يشكل رسمي ان شاء الله بعد اسبوع العشرين

عيوني ام جوا شلونج خيه لا تخافين من الفلاونزه ان شاء الله ماكو شي اني بحملي اسم الله صارت بيه مرتين

بس ديري بالج تصخنين كون عندج محرار ويقيس حراره جسمج

اشربي بندول خاص للحوامل مو هذا العادي اني استخدم ادوول باكيت ازرق ابو 500

وشكد متكدرين اشربي سوائل سوب او حليب وكاكو

اسم الله عليج الفلاونزه اني تنزل على صدري وكحه قويه تصير دكتورتي كتبتلي على بروسبان شراب اطفال

لاقل من عمر سنه للاطفال

نونه واميره رائد وميوسه وام برهومي ونور الهدى

ودودو شلووووووووووونكم ان شاء الله بخير

هلو بنات تسلمولي كلكم ام حواء سلامتج ديري بالج على صحتج حبي هندان شلونج وشلون النونية يارب بخير حبي اني دورتي منتظمة يعني لو تتاخر يومين لو لا هيجي شي يعني فمااعرف ليش انطتنيا اليوم ان شاء الله اخابرها واسالهة

هلو بنات شلونكم ؟ يارب الكل بخير
سوري صرت متطفلة عليكم هنا بس ماعرفت وين اكتب

هلوو حبي شووشووو الحمد لله بخير

اي زين تسوين خابريها وكوليها اني منتظمه عندي ليش العب بالهرمونات

لان هاي الحبوب المنظمه عباره عن هرمووووون

بصراحه ما انصحج ابد تاخذيها لان انتي الحمد لله والشكر اهم شي انتضام الدوره

هلوووووووووو حبيباتي .. شلونكم ياورد كلكم ياربي تكونون بخير .. شوشو حبيبتي ابدا لاتخافين اني اكللج فد شغلة هذا الحجم الي نشوفة بالسونار هوة موحجم البيضة اللي يتم اخصابها لا هذا حجم حويصله البيضة البيضة اصلا مثل راس الدنبوس لاتكبر ولا تصغر وموجودة وياج من انولدتي بس هاي الحوصلة بوقت التبويض تنملي بالسوائل وماتنفجر الا من توصل للحجم المناسب اللي كالو علي البنات ومن تنفجر راح تطلع البيضة لقناة فالوب وتبقة الحويصله الي هية صاحبة هذا الحجم بالنصف الثاني من الدورة بالمبيض وتذبل شوية شوية الى ان تنزل وية الدورة وهذا الشي مو اكللج سمعتة لا هذا اني شفته برحلتي التحفة وية متابعة التبويض لان الانابيب يسحبون بيهة البويضة اللي هية بكد راس الابرة وتبقة الحويصلة بالمبيض كأنما سوولهة تبويض فبالنسبة لحجم بويضتج هذا الحجم زيادتة او نقصانة مااله علاقة بالبيضة اصلا لان البيضة حجمهة ثابت بس علمود تنتفخ وتنفجر الحويصله وتطلع البيضة .. بالنسبة للنورموليوت او البريموليوت احب اصصحح معلومات البنات هوة فعلا متنظم للدورة بس تركيبتة هوة بروجسترون وينطى مو بس للتنظيم يننطى لتعزيز سمك بطانة الرحم حتة اذا صار اخصاب فتكون بطانة الرحم مهيأه للتعشيش فينطو حتة يعززون القدرة على الحمل ولمعلوماتكم الابر المثبتة الزيتية اللي جاي اضربهة اني من قبل العملية ولحد الان هية ابر بريموليوت بس جرعة اعلى من الحبوب لان 250 ملغم فياحبيبتي هاي مو هم اكللج احد كللي او قاريتهة بالنت هاي من تجربة شخصية ينطو حتة يعزز سمك البطانة ويهئ وضع مناسب بالرحم لاستقبال البيضة المخصبة وهاي الكلمتين نقلتهم الج من النشرة الداخلية مالت البريموليوت اللي يمي هسة فانتي حاولي تمشين ورة حجي الطبيبة وانشاله بس الخير ترة هوة بروجسترون يعني مو هرمون مامفرز بالجسم لان البروجسترون موجود اصلا بالجسم ويزداد بعد الحمل لان المشيمة تفرزة وية الاستروجين . وللعلم اني حتة من جنت احاول طبيعي هم ينطوني حبوب بريموليوت علمود هذا الشي بالنصف الثاني من الدورة وهوااااااااي بنات سامعة من يحاولون على حمل حتة لو هرموناتهم منتظمة الطبيبة تنطيهميا حتة يعزز فرص حدوث الحمل اضافة الى تجربتي الشخصية لان انغراس الجنين بالرحم مايصير الا ااذا جان سمك بطانة الرحم من على الاقل 6ونص ملم الى 8 فما فوق اقل من هذا مايصير وان صار فيكون قلق ومامستقر ..شدي حيلج هذني اليومين لان يصير بحيل الله التبويض بيهة وانشاله يارب يصير اللي نتمناه

نوركم حبيباتي واي شي ببالكم اسألوا ﻻن اعرف الحامل الف سؤال يجي ببالها مريت بهالتجربة وجنت اريد اعرف كلشي
ربي يكومكم بالسلامة ويرزق باقي البنات

حبيبتي تسلمين عالشرح المفصل ههههههه
الحمدلله رب العالمين عوضكم ربي يتمملكم بخير وتفرحون بيهم بحضنكم وتنسون النوم مثلي هسه هههههه
وربي يرزق اللي بعدهم ويفرحهم
وكله قسمة من رب العالمين
لعد اني ام قديمة اعتبر هههههه وﻻيهمكم انطيكم تفاصيل الطفل شهر بشهر وشلون يتعب بس بضحكة منه تنسين كل التعب ربي مايحرم احد من 7الاحساس