هلو بنات شلونكم لوله منورة عمري شخبارج
فجر علخير زحف زيودي يوم الي تشوفيه عريس يارب واكيد بعد ما يبقيلج تحفه بالبيت ههههههههههه ولا جرجف

هلو حبايب شلونكم ام برهومي تسلمين عمري يوم اللي تبشرينة باخ لبرهومي يلة شوكت ههههههه
باقي البنات شلونكم ايلاف حبي شخبارج صايرة تختفين ونور الهدى ودودو صايرين ماكو محد يسولف ضوجة

هلو عمري ام حواء اني الحمدلله انتي والنونية زوجي اليوم رحنة شال الخيط ونطا ابر بعد وكلة تجيني بعد شهر والله كريم واني كووولش ضايجة مااعرف ليشش

هلو حبي ام حواء شخبارج عمري شلون النونيه
شوشو عمري شبيج ضايجه ان شاء الله خير

شكرا حبايب عالترحيب
شوشو قلبي تسلمين ربي يحفظلج زوجج وسلامتة ياربي ويارب متركبين الطيارة الا وانتي حامل والله حياتي خلي تنعدل صحتي وافكر باخو لبرهوم عندي فقر دم هيموكلوبين 9 وكلش دايخة وضغطي 13\8
فجرحياتي مبروك زحف زيودي انشالة يوم تشوفيه يركض
اليوم لقحنا برهومي وحطيتلة تحميلة اول موصلنا وهسة نايم خطية

هلو حبايب والله ماادري ليش ضايجة من كلشي ملل وروتتين الحمدلله على كل حال
شلونكم وشلون النونوات وحدة وحدة حبي لولة سلامتج ديري بالج على صحتج وان شاء الله كل الخير

والله حبي انتو هوااية مهونين علية الله يديم الصحبة وعلى كولتج الف الحمدلله رجعنا وزوجي سوة العملية والله برزقني وكل البنات ياربي وتصير سوالف ان شاء الله

هلو حبياباتي كلكم شلونكم ياربي تكونون بخير .. حبي شوشو لاتستهيني بالضغط اللي تعرضتيلة طيله الفترة السابقة من عملية زوجج للشد والتوتر اللي انتي بي قبل وهسة.. اضافة الى مسأله بجو العراق بهيج ايام يعني نهاية الثالث على الرابع يصير الجو يخبل ولطيف بس ماادري من يتغير الجو جنت اضل ابجي وحدي بهيج ايام ماادري ليش يكولون اكو بنات يتأثرون بتغير الجو واكو هرمونات تخلي الواحد يحس بالضوجة من تبدي تدفى الدنية بس بمرور الوقت كلشي يستعدل انشاله.. وعيونج خللي بس يلحم جرح زوجج وبحيل الله من اول شهر ورة مايصير زين تجين تكتبلينة باركوووولي

تسلمون حبيباتي يوم اللي اباركلكم بكومتكم بالسلامة وحمل باقي البنات
لولة يوم لبرهومي ومبروك اللقاح ولو اكرهه يصير نحس كلش بس خطية ليش تحميلة انطيه قطرات خافض حرارة

باقي البنات شلونكم؟؟ يارب الكل بخير

هلو حبي اح حواء اني بخير واسم الله عليج مفلفلفة هلايام هههههههه اريد اعرف جنس الطفل وبمراجعتي يوم الاربعاء انشاله اتوسل بالطبيب يشوفلي جارة صدك ميتة من الفضول ادري نعمة واي شي يجي ومن هاي السوالف بس الفضول كاتلني

ربي ينطيج ساعه سهلة بحق محمد وال محمد انشاله

تسلمين حبي نونة تدرين كلامج صح اني هاي الايام اللي يتغير بيهة الجو كولش اتكأب مجنت ادري اكو علاقة يلة ان شاء الله ترحين وتبشرينة باحلى نونو لو نونية واكيد حقج تفلفلين ههههه واحد يصير عندة فضول

هلو بنات شلونكم وحدة وحدة بنات عفية من الصبح ليهسة عندي الام بالمبيض الايسر مع العلم اني بعد 6 ايام على دورتي عفية شنو السبب خاف كيس او لانه الدورة رح تجي بس هاي اول مرة هيجي

هلو حبي ام حواء تسلمين ان شاء الله ماكو شي انتي شلونج رجلي الحمدلله احسن بس بعده الورم مديخف والله كريم

حبي ام حواء هاي من القلق الزايد دائما تجيج احلام مو زينة تعوذي من الشيطان ياربي تعدي هاي الايام هوى وترتاحين وتصير سوالف وتنسين بشريني االيوم شلونج والحركة شلونهة

حبي ام حواء سلامتج مابيج غير العافية رحتي للمستشفى لو بعدج؟؟ اني الحمدلله زينة عمري

هلو بنات شلونكم كلكم اسفه للانقطاع رجعت للعراق وصارلي تلث ايام ماعندي نت وتعبت حيل بلطريق لان رجعنه نصه بسيارة وكله طسات المهم هسة زينه الحمدلله انتو شخباركم بعدني ما قريت ردودكم