ههههههههه من يجي ماتكدرين ﻻن ماتتحملين تشوفيه يبجي
حبيبتي تدللون بأي شي واني هم بعدني مو كلش اعرف اي شي يصير اخابر ماما اتعلم منها

هلو بنوتات شلونكم

فجر حياتي منورتنة وربي يخليلج ابنج وتشوفي احلى عريس
حياتي ام حواء اي جنت احس مثل النبض ببطني بالليل من انام بس بعد مااحس ماعرف ليش

حبيباتي نوركم هذا

هلو بنات شلونكم شخباركم هنوده حبي والله اني دايما اكول هلو بنات حتى ما انسى اسم ههههههه اعذرينا ولا تزعلين انتي اختنه بعد
وفجر منورة المنتدى واحنا كلنه خواتج
بقيه البنات شلونكم كلكم ان شاء الله بخير ومشتاقتلكم كلكم اعذروني والله بعدني فلاونزا اسم الله عليكم واحتقان بالانف مو طبيعي مقبط وبلاعيمي بس الي قهرني اليوم رجعلي التهاب المجاري البوليه اعتقد مع اني خلصت كل العلاج وتعبت من الادويه ودا اشرب مي بكثرة والله مليت ما اعرف شسوي بعد منو عدها فد وصفه طبيعيه تريحني والله تعبت نفسيا وما طايقه نفسي

هلوووووو بنات حبيباتي شلونكم كلكم يارب بخير شكرا بنات عالسؤال اني بخير وااسأل عنكم
حبيبتي فجر نورتي المنتدى والله يحفظلج زيودي ياااارب
اميرة حبي عندج العافية والله بالي يمج شكله الحمل متعبج الله يقويج وتكومين بالسلامة
ميوسة عمري شخبارج وشلون صحتج هم ديري بالج على نفسج
ايلاف حبيبتي شلونج وشلون النونية والف مبروك على حركتها وأشكرج عمري عالسؤال والله اني على حطة ايدج لا جديد والحمدلله والشكر
ام حواء ونونة ولولة ودودو وهندان شلونكم يارب بخير
شوشو حبيبتي الحمدلله الدكتورة دتمشي وياج زين وكلما تنطيج دوا اساليها هذا شنو ووشيفيد وان شاء الله هالشهر ياااااااارب تجين وتبشرينا
باقي البنات شلونكم اخاف نسيت وحدة بس والله كلكم بالقلب والكم معزة الاهل
اشو نورفاطمة مختفية من زمان حتى ظل بالي يمها لان هيه اخر فترة كالت اريد اسوي عملية مال ربط معدة يارب تكون بخير وتجي واطمنا عنها

هلوو بنات شلونكم وحدة وحدة حبي هندان ونونة تسلمولي ماقصرتو ربي يكومكم بالسلامة ميوسة حبي تسلمين لعد رح اتوكل على الله واخذ الحبوب حبي ميوسة انتي وين سويتي الحقن وشنو هو عملية لو شنو وليش منجح عندج نور الهدى حبي ربي يرزقج ويرزقني ياوردة اميرة سلامتج عمري دير بالج من الالتهاب روحي للطبيبة احسن شي وان شاء الله ماكو شي طبعا المفروض اليوم زوجي عندة موعد طبيب وتطلع نتائج الهرمونات بس رجع متاخر من الازدحامات وضاج وكال مااروح على باجر ان شاء الله بنات شو دودو مختفية ياريت تطمنا عليهة مكانهة خالي

هلو شونكم مس يو كلكم حيل مخبوصة اني حبيت اسلم عليكم شخبار نونة طمنوني عليها 

هلوووووو بنات شونكم كلكم وشكرا لكل اللي سالوا عليه
والله مريضه فلاونزا وتعبانه نفسيا قبل الجسديا حيل حيل حيل
بس اتطمنت عليكم كلكم ان شاء الله بخير ياربي وحاولت اقره الردود عساكم بخير دوووووم احاول اكمل تواصل وياكم والله لان محتاجه اسولف وياكم كولش والله لان تعبت من العزله والغربه

سوري سحكت انفعلت ههههههههههه سونار دوبلر وليس دبوبلر هع هع

هلو بنات شلونكم كلكم شلون اموروكم شوشو حبي راجعت دكتورة وانتطتني حبوب وخلصتهن كلهن وهم ما طبت علمود هيج ضجت من الادويه بعد ولا اروح لان قبلها ظاربه 12 ابرة وهم ماكو المهم طمنينا عليج انتي شلونج ودودو عاش من شافج ان شاء الله تروح الضوجه وترجعيلنه وسلامتج حبي هو كلنه فلاونزا هلشهر موسمها حبي هندان منورة والله يساعدج على الي شفتيه ام حواء سلامتج حبي شكولج حالي من حالج الله كريم دا اشرب بس اعشاب دافيه زهورات وكاعده بس الجيوب عندي كلش محتقنه حتى وجهي مورم الله كريم ايلاف وميوسه ونونا وفجر ونور الهدى ان شاء الله كلكم بخير

شلونكم بنات يارب الكل بخير
الله يشافيكم كلكم يارب ام حواء ودودو واميرة هي فعلا هسه وقت الفلونزا شربو عصير برتقال هواي اني مرة هيج صار بيه وكلش اذتني وطولت عندي واخذت ادوية ولا فاد بعدين اشتهيت عصير برتقال وكمت اعصر واشرب وشفت نفسي كمت اتحسن وتقريبا ذاك النهار شربت لتر كامل عصير طبيعي وراسا تحسنت واختفت الانفلونزامن عندي بنفس النهار بعد ماجنت ماكدر اتنفس ولا انام فجربو انتو عصير البرتقال وفيتامين سي وان شاءالله عدكم العافية
حبيبتي ميوسة وهندان الله يعنيكم عاللي مريتو بي وخيبة الامل هي اصعب شي بالدنيا بس ان شاء الله الله يعوضكم وتشوفون اطفالكم سالمين معافين يارب
حبيبتي شوشو شلونج وشلون صحتج ان شاء الله بخير اني زينة واسال عنج بس عن يا عملية دتحجين اني ماسويت عملية اني جنت داسال عن نور فاطمة انه هي تريد تسوي عملية مال ربط معدة

هلو حبايب شونكم
ام حواء سلامتج قلبي انتي ودودو ماعدكم غير العافية ام حواء شربي سوائل دافية ترة تكدرين تاخذين اموكسيل ميضر الحامل وشربي عصير ليمون هم زين للضغط وللنفلونزا واذا شربتي كاكاو حطي بيه نشا كولش يفيد الصدرلاتخافين والله هية مرات تجي الحركة مثل تضعف وترد تقوى هاي احتمال لان تعبانة ومريضة هية هم تتاثر بوجععج شلون طيبي عاد مونخاف على عروستنا موعليج ههههههه ولاتصخنين ابد بس تحسين حرارتج مرتفعة اخذي براسيتولوماعندج غير العافية
دودوعمري سلامتج ليش ضايجة حبيبتي ربي يفرح كلبج ترة كلنا تجينا حالات ننقهر ونضوج ومنطيق روحناطلعي غيري جو حتى شوية تتحسنين
اميرة شونج حبيبتي انتي وهندان شخباركم شونة الحمل وياكم
ميوسة شونج حبي شخبارج شونة ضغطج ان شاء الله زين
نور الهدى شونج حياتي طبعا كلامج دوة للجروح كولش حلو اسلوبج حيل يعجبني ربي يفرحج حياتي صدوك على ذكر نور فاطمة شوماكو محد يعرف عنها شي
نونة حياتي شونج والنونو شونة ووضعج الكولي شونه 
ايلاف شونها بنوج الحلوة وشونها عالربط ان شاء الله احسن
شوشوشخبارج حبي شسويتي رحتي للدكتورة زوجج شونه ربي يفرحكم بالقريب العاجل
هاي شنو عدنا صديقة جديدة فجر علي كل الهلا بيج حبي شسمة ابنج وشكد عمرة  ربي يحفظة

شلونكم حبيباتي النونوات شلونهم؟ يارب بخير
حبيبتي لولة ابني اسمه زيد وعمر 6 شهور

حبيبتي ويحفظلج البنوتة الحلوة ويفرحج بشوفتها

هلو بنات شلونكم حبايب تسلمولي على ردودكم ودعائكم حبي ميوسة تسلميلي وربي ان شاء الله يكومج بالسلامة بسسس مليكيتي الة الطماطة ميووووسة مااحبهة ههههههه دودو واميرة وام حواء مابيكم غير العافية ان شاء الله شدة وتزول على خير.. اليوم رحنة للطبيب طلعت نتائج زوجي طبيعية بس كلة لازم عملية طبعا الطبيب هذا كولش مكروه بعد منروحله وقررنة نسوي العملية يم كرايب زوجي كلش خوش طبيب بس بغير محافظة خابرنا كال معليكم بهذا وخلو العملية اخر اختياراتكم وكال روحو على واحد اسمة دكتور ايهم اذا سامعين بي بمستشفى العلوية ورح يبدي وياك علاج طبعا اني ضجت ماعرف ليش ماريد اخلص الوقت بالعلاج والروحة والرجعة ردت يسوي العملية ونخلص بس ماعرف شكول غير الله كريم ادعولي

هلو حبايب 
ام زيودي حبيبتي هلا بيج وربي يحفظلج زيودي خوش لعد انتي خبرة اكثر مني حتى اسالج اكولج حبي تذكرين من جان زيودي بعمر شهرين تذكرين جان شكد يرضع كم رقم بالرضعة؟لو انتي ترضعين طبيعي ؟اني جنت ارضعة لبرهوم طبيعي بس خبلني كام ميقبل الممة وميشبع بيها واظطر يجون خطار شي فكمت كولة ممة وشكد وزنة حبي من جان شهرين هالسؤالين حيل محيريني
ميوسة ممنونة قلبي  والله طار من بالي عم زوجج طيار اني سالت اميرة خوش  حبي ممنونة لان اني اخاف اروح بر لاربيل الطريق حيل خطر وكومة سمللة توفو ربي يكومج بالف سلامة

بنات شلونكم شخباركم حبابات منو عدها علم بيا اسبوع اكدر اعرف جنس الجنين

ميوسه حبي تسلمين لعد راح ابدي بالكركم بس بالنسبه للحامض اني اكل ليمون هواي وطرشي وبهارات وفلفل حار ههههههه احبهن هسة راح اوقفهن بلكي الالتهاب يخف لان والله ماخليت شي ما سويته ودا اغسل بغسول نسائي وفوط يوميه من جنت بنيه استعملهن كل يوم وهسة مي وملح هماتينه بس ذبحني الوجع ما اعرف شسويله مع العلم ما عندي حكه داخليه ولا حركه ولا شي بس الم وكل شويه افوت للحمام

لولة حبي جنت ارضعه طبيعي بالشهرين بس مايشبع بالليل والظهر انطيه رقمين ممة ويه صدري وعلى الممة نومته كامت تصير طويلة
وشهرين عمره جان وزنه 4 كيلوات و200 بس اني ابني نعوم انتي من توديه تلقحيه يشوفولج الوزن والطول وﻻتخلين بالج وياه مادام صحته زينة معليج بالوزن ربي يحفظه الج
واي شي ببالج اسألي واني بخبرتي المتواضعة يارب افيدج

ينات شنو حل مشكله الامسااااااااااااااك

هلو حبيباتي شلونكم شكرا لكل وحدة سألت عليه ربي يخليكم انشاله ... حبي هندان اني كتبلي الطبيب ملين طبيعي الياف امنة جدا للحامل وماتمتص بالدم ابد اسمهة SENNAKOT

وتكدرين تقرين عنهة بالنت حتة مكتوب بالنشرة انو هية امنة على الحامل جدا اني جاي اخذ حباتين باليوم وحدة الصبح ووحدة بالليل لان اخاف على الطفل من الامساك لان سامعة الامساك الحاد يسبب اسقاط وانتي اذا حابة تسألين طبيبتج عنهة لان جربت هاي مالت اكللي زلاطة واشرربي ماي هواي وهاي السوالف ماحللت المشكلة بالقدر المطلوب وعندج العافية انشاله

ممنونة قلبي فجر عالاجابة خوش لعد طمئنتيني لان اني هم هيج رضاعتة بهالحدود من وديتة لقحتة لقاح الشهرين جان وزنة 5 كيلو زين لعد طمئنتيني يعني طبيعي ممنونة قلبي وربي يفرحج بزيودي  واذا اواجه مشكلة اخرى هم حسالج وردة
ام حواء حبيبتي روحي سوي سونار؟زين باعي تكدرين تسوين دوبلر؟لان هذا هذا كلش مضبوط ولان عندج ضغط فتحتاجيه حتى يبين شكد دم ديوصل للبنوتة وينطيج تقرير كامل عن وضعها وجانت طبيبتي تكولي من تسوين دوبلر وتطمئنين الامور زينة بعد ميحتاج تعيديه الاورة شهر لان مراح تتفاقم الامور بيوم وليلة بينما السونار ينطيج وضع الطفل بس بهالللحظة بس ميشخلصج وضعه بشكل دقيق احنة اني وانتي وميوسة مشكلتنا الضغط يعني الي اذانا بحملنا السابق هوة تخثر الدم فالدوبلر كل مهم  حتى تشوفين وياها بالشاشة شون الدم ديفوت للمشيمة