اميرة قلبي اني بين عندي بشهر الرابع برهومي بس هوة الاضبط بشهر الخامس بس يكولون اذا ولد راسا يبين  مومثل البنية يضلون شاكين بيها وبذاك حملي الي ربي مقسمة بين ولد من نهاية الثالث وكل اليجيبة ربج نعمة بس الاهم سلامتج وسلامة وتمامة خلقة النونو

حبيبتي ام حواء ﻻتوهسين هيج عادي الطفل مرة تعبان مرة نايم اني مرة رحت سونار كالتلي مايتحرك حركت بطني حرك راسه شوية ورجع طلع نايم اشربي شي كلش بارد ونامي على يمينج وان شاء الله تحسين بالحركة هسه بالسابع بأذن الله تصير كلش قوية ومكررة حتى ام العوافيتحسين بيها بطنج تصعد وتنزل

حبي الطفل ينعرف بالشهر الخامس او نص الرابع واي شي من رب العالمين الحمدلله المهم اتمام الخلقة والسلامة
لولة حبي الحمدلله طبيعي ﻻتقلقين واي شي تحتاجين تدللين وردة
باقي الحلوات شلونكم؟؟

حبيبتي بالنسبة للامساك التغاح ثم التفاح يجنن اكلي هواية منه كل الياف يقضي على اﻻمساك

هلو بنات شلونكم

حبيبتي ام حواء ان شاء الله ماكو شي بس لتخافين ولتوهسين لان والله مو زين عليج واعتقد اذا هسه تطوليلها على الدوبلر يقبلون لان مبقة شي على السابع ويارب تطمئنين

ام حواء والله للاسف مااكدر افيدج بشي وهذا الشي يخليني احس بالتقصير تجاه اي وحدة بيكم من تكون بوضعية مااكدر افيدهة ولا باي شي لان خبرتي صفر بس انشاله اني واثقة ومتأكدة ماكو شي انتي لان عندج تجربة سلبية الله لايعيدهة ولايراويهة الاحد يارب تضلين خايفة بس وعيونج ماكو شي وانشاله تجيبين بسلامة وتتذكرين حجايتي

ربي يريح بالج ام حواء احنا هنا اول مفتت السادس سويتة واصلا اكو طبيبات  عادي باي وقت يسووه ومرة الدكتورة كالتلي هوة ابدا ميضر الطفل بس مامنة فائدة اذا نسويه بالبداية فلذلك اجلتني لاول السادس وهوة جهاز عادي يشبه السونار بالضبط بس ملون وتسمعين صوت المشيمة ودقات القلب وشاشتة كلش واضحة حتى الطفل يبين زين 
ميوسة قلبي ميامر عليج ظالم
فجر حياتي ممنونة ياوردة تدرين هسة عرفت منج على ام العوافي صح اتذكر مرات بالنهاية جانت بطني تهتز لعد هاي ام العوافي هههههه

شكرا حبايب لنصايح

اشون اني هم النونيه من البارحه حركه ماكو عااااااااا

كمت اوهس زوجي يكولي نايمه

مبروك حبيبتي ام حواء اطمئنيتي عالنونية ربي يحفظها الج يلة مضلج شي حتى تسوين بعدين دوبلر وتطمئنين اكثر
ميوسة تسلمين قلبي هوة هم يسلم عليج والله هوة يضحك من مزاجة مرتاح ومتونس وشبعان عدها بجي وصريخ كلش متعلم عالشيل من ورة ابوه بس بجى ركض شالة  والبذات يحب ابوه اكثر مني مرات مواهزه بالكاروك يرفعلي ايده ويبجي بجية جذابية عود شيليني ربي يحفظة لابن اختج ويرزقج مثله امين يارب

الف الحمد لله على السلامة حبيبتي واني جنت واثقة انو ماكو شي وكلة خير انشاله بس والله محد يلومكم على هاي المخاوف .. المنتدى ينراد يتسمى منتدى المخروعات يومية وحدة من عدنة واني اولكم مخروعه من حاجة ومتنام الليل بسببهة جاي اشوف الاغلبية من عدنا مشتركين بهواي صفات غير كون اغلبنة مواليد 1985 انو احنة ميتين خوف ماادري لان مرت بينة ضروف صعبة ومؤلمة ماادري احنة خوافين ماادري هوة الوكت يخوف ...بس تحصيل حاصل كلنة مخروعين على حاجة وخايفين لامتصير او متكمل ... ياربي كل الخير للجميع ونهدأ كلنة ونبطل هذا الخوف اللي من ورى الطفل راح يطلع خايف من بطن امه

حبيبتي ام حواء الف الحمدلله من اطمنتي على الحلوة ربي يحفظها وتشوفيها بحضنج بصحة وسلامة

باقي الحلوات شلونكم؟ يارب الكل بخير
والبطوطات شلونهم ويه الحمل؟

اي والله نونة صدوك ممحظوظين احنة ومنحصل الشي الا ينشلع كلبنا اني هيج بكل امور حياتي ابدا ميجيني الشي بالساهل  بس شنكول غير الحمدلله والشكر على كل حال
ميوسة اي والله هوة كلش طاعجة رغم جان يلبسة اول ماجة بس شو وية الوقت صايرين واحد روحة بالثاني الله يديم المحبة هههههه ويم الج قلبي
فجر هلو بيج حبيبتي انتي شونج وزيودي الحلو شونه تدرين اني لو ماجنت ناذرة اسم ابراهيم جنت اسمي ابني زيد لان اموت عليه وخاصة اسمي الحقيقي يرهملة ام زيد هههههه يلة انشالة عالثاني اذا الله راد وقدر حتى زوجي يكولي بعد ينرادنة زيودي ههههه

حبيبتي احنا الحمدلله بخير وزيودي يبوس خدج
هههههه يلا سوي زيودي ثاني احنا سميناه على اسم اخوية الله يرحمه
انتي شلونج؟ والحلو برهومي شلونه؟

هلو بنات شلونكم شخباركم مشتاقتلكم شكرا علجواب شكو ماكو اني مادخلت البارحه لان جنت بالموصل بايته يم كرايب زوجي واليوم رجعنه انتو شكو ماكو

تسلمين قلبي فجر الله يرحمة لاخوج ويكون مثواه الجنة 
اميرة الحمدلله على سلامتج انشالة تونستي
باقي الحبايب شونكم
بنات عفية اكو وحدة حييييييييييييييييييل ماذيتني من زمان وحيل ظلمتني وكلامها دائما ببالي وينعاد وياية وكولش اكرهها رغم والله اني حتى لو انقهر من شخص راسا ينسي ورة فترة من بالي ولااشيل عليةساعدوني اريد ادعو دعوة تنصفني ويرجعلي حقي ويبرد كلبي اني انام اكعد اكول حسبي الله ونعم الوكيل منها اكو غير شي اكولة فدوة ساعدوني لان كلبي صاير نااااااااااااار 

ميوسة حبيبتي ربي يفرحج بالضنى الي يملى حياتج وينسيج كل قهر شفتيه وموبلة يرهملي اكثر ام زيد هههههه يلة الحمدلله والشكر بس خلي برهومي سالم 
ميوسة يعني قصدج اجيب راية وازورها واشيلها ادعي ربي ياخذلي حقي منها؟تسلمين ياوردة تعبتج وياية

حبيبيتي اني من سنتين ونص بالضبط مريت بهيج موقف بس من وحدة جانت مقربة الي كللش وجنت متأذية من كلامهة بالبداية حتة فاليوم خذت لان جنت الليل مانامة من كد ما جان موقفهة سخيف وياية وكلما اتذكرة اضل ابجي ودمي يفور وبعدين الزمن ومشاغل الحياة تنسيج كلشي الفراغ مرات من تصفنين تتذكريهة حاولي تلهين نفسج شلون من برهومي من يبجي تلهي باي شي وهوة ينسى والايام كفيلة تنسيج حتة لو مااخذتي حقج منهة بس صدكيني اي شي مرتبط بيهة ليهسة كارهتة اي ذكرى مرتبطة بيهة تأذيني برغم نسيتهة بس ساعات اتذكر وانقهر خليهة للزمن وهوة كفيل

تسلمين قلبي نونة  مقصرتي  ربي يحفظج ويفرحج بالذرية الصالحة الكلام الي كالتلياه جان كلش صعب وجاااااارح  دائما يجي ببالي حجيها ماكدر انساه شكد احاول اشغل نفسي  وماتذكرها بس غصبا علية تجي ببالي بارحة برهومي نام ب12 وربع اني كاعدة لل2 افكر بيها واكول حسبي الله ونعم الوكيل منها 

شلونكم بنات ان شاء الله الزمن والايام ينسيكم كل واحد منا عنده شي بداخله ماذيه بفترة من الزمن وما يكدر ينساه كلنه مارين بهالحاله ومن تذكرين الصار تنهارين ان شاء الله شويه شويه تنسين والله يصبر كلبج

هلو بنات شلوووونكم مشتاقتلكم هواية
ام حواء شلونها بنوتج بعدها عقولة ؟؟؟
حياتي ميوسة شوكت تشوفين جنس الجنين ؟؟؟
لولة حبي شلونة برهومي ابو خدود ؟؟؟
هنودة حبي شلونها النونية تحركت؟؟؟
حبي شوشو شنو الاخبار يارب تكونين بخير
نونة حبيبتي شلونة النونو يارب تفرحين بشوفتة
دودو حبي وين مختفية
نورة حبي شنو اخبارج

حياتي فجورة شلونة زيود البطل

حبي ام حواء يمكن شريط الحمل صار غلط لان لعبت بي
اني اخر دورة ٢٢/١٠