هلوو حبايب شلونكم شخباركم وحدة وحدة حبي اميرة الحمدلله على سلامتج ام حواء عمري شلونج شلون النونية صدك بنات ليش مختفين هيجي صاير المنتدى بارد

هلوو حبي ام حواء والله مااعرف رجلج ليش معاند اني من رأي الدكاترة حتى تخلصين من الوسواس وتشوفيهة كبال عينج وترة همة اكيد يعرفون شديسوون وربي يسهلج ان شاء الله .. اني الحمدلله زينة بس خايفة على زوجي شو الورم عندة مديخف ومن قريت عالنت يكولون ميصير يطول الورم اكثر من اسبوعين اليوم ان شاء الله نخابر الطبيب ونشوف وان شاء الله خير

الحمدلله اني بخير ومشتاقتلكم حيل اهلي بخير الحمدلله بس صدك الحياه هناك احلى من هنا ونسه وطلعه بس مشكله اللغه ما يحجون حتى انكليزي بس دوله تجنن

هلو بنات شلونكم والله مشتاقتلكم

حبي ام حواء اني من رأي الطبيب واذا يجيبوج باسبوع ٣٧ يعني كولش زين ويطلع جبير لتفوتين هاي الفرصة
حبي شوشو سلامة زوجج وان شاء الله شهر الجاي انتي حامل يااارب
حبيتي ميوسة شلونجوشلونها النونية شلونها حركتها
حبي امورة حمدلله على السلامة ومبروووك على الولد ويارب يجعلة من اولاد السلامة

هلو بنات ايلاف حبي تسلمين ام حواء حبي هوة مبين رح نبدل الطبيب لان خابرنا البارحة يكولة لزوجي هاي الورم مي تججمع وهذا من مضاعفات العملية ولازم عملية حتة نشيل المي وكلة اليوم تعال اشوفك من البارحة اني ماادري شصار بية حتى نووم منمت يعني معقولة هيجي حظ بكلشي لازم تطلع عراقيل والله تعبت وشيصير خطية يومية مفوتي بنج وعملية اووووف وفوكاها عملية شيل المي مو سهلة وهم بيهة مخاوف شكول الحمدلله والشكر ياريت ميوسة تجي وترجع تكول على اسم الطبيب اللي كتيلي علية زين مرة لان نسيتة

حبي لكيتة اسم الطبيب رجعت بالحجي وشفتة

هلو بنات شلونكم ام حواء حبي اني بطني كبرت وحركه دايما ابطني الحمدلله
ايلاف حبي الله يسلمج عمري شخبارج شلونج
شوشو حبي الله ينطيج الصبر يارب وان شاء الله هاي اخر عمليه والله خطيه تعذب وهاي منطقه حساسه اكيد كلش يتاذئ الله يعينه ومابيه الا العافيه

اعذروني مدا ادخل هواي لان مشغوله بالبيت والعينتين رجعت ويانا ما ادري شعدها بس تعودت اني علوضع خلي اعتبرها عايشه ويانا وافضها

حبي ام حواء ترى عادي الطلق الصناعي اختي بكل جهالها هيج لان تخلص شهرها وماكو طلق عدها يسوولها وهيه تحاميل مدري ابرة وجدا طبيعي فهميه لزوجج هيج لان اختي كملت شهرها ودخلت بلعاشر اسبوعين وماكو طلق اكو ناس طبيعه جسمهم ما يجيهم طلق الا صناعي واحنا هلجيل كلنه صناعي لو قيصيريه ومرة انفجر راس المي مال الطفل يعني صارت ولاده عدها بالبيت وماكو اي طلق راحت تركض بوحدها علمشفى سوولها طلق صناعي يله طلعوه يعني جدا عادي وباربع جهالها طلق صناعي واول طفل شفطوه حتى يطلع وطلع طبيعي مابيه اي شي

بنات هسة اني شوكت يصير القح وشنو فيتامين شهر الخامس بعدني مارحت دكتورة بس شعري دا يوكع ومقهورة لان شعري طويل وحيل احبه بس حطيت حنه يم امي بتركيا تخبل صار وخف التساقط بس اكول اكو فيتامين مال حمل يخفف التساقط عفيه للي تعرف هسة اني دا اشرب بس حديد

الله يسمع منج ميوسه بحق محمد وال محمد
كلت بس الله يسهل واوصل اسبوع 35 ابدي
لان تعبت من القلق والثكل
حتى مشي ما بيه حيل امشي نص ساعه واتعب وتبدي التقلصات ورجلي تورم من الوجع

انتي شلونج
عادي لا توهوسين عالحركه اني هم كولش قليله والله العظيم

هلو بنات حبي ام حواء اني عبالي فتي بالتاسع هههه مطفيه المهم اني بخير انتي شلونج والله يساعدج والله مرحله صعبه واني كلش خايفه منها ان شاء الله تعدي على خير
ايلاف حبي تسلمين عمري

تسلمون بنات ميوسة حبي لا هوة سواها بمستشفى الرحمة ام حواء والله الخميس رحنة اني ويا للكاظم وكل فترة دنروح كلهم ديكلولي عين الله يستر ياربي والله تعبت
اليوم رحنة للطبيب حشاكم الغبي يكول ها عادي هذا الورم انتظرو علاقل شهر منو يكول مي وهم رجع انطا دوا بعدين رحنة على دكتور نعرفة كال معليكم بي هذا اني متاكد هذا مي وانطانة دوا وابر الله يساعدة شكد اخذ دوة وكال انتظرو منا لاربع ايام وخابروني بنات ادعووله عفية بلكي الدوة يجيب نتيجة ياربي وميحتاج عملية

الله يسلمج عمري امين صار من كعدت بالبيت ليهسة يومية اكول هسة اكوم اطكطك حرمل ويروح من بالي ياسبحان الله يومية انوي وانسة بلكي باجر ان شاء الله

حبيبتي ميوسة تسلمين عممري عالادعية ربي يريح كلبج ويبعد عن الجميع العين بس والله خوفتيني على المستشفى والله الصوج من عدنة راسا اجينة وجيتنة بدون منسال غير عبالنة اهلية وزينة الله يستر يارب

هلو بنات شلونكم
حبي شوشو ربي يشفيلج زوجج بأقرب وقت والله يساعدكم اكيد صعبة عليج وعليه
حبي ام حواء شلونج وشلونها بنوتج مبقى شي وتشرف للدنيا وتفرحكم ان شاء الله
حياتي ميوسة شلونج وشنو اخبارج؟؟ شنو نوع حبوب الكالسيوم دتاخذين؟؟؟

امورة شلونج حبيبتي وشلونة النونو؟؟


شو البنات البقية مختفيات؟؟؟
اليوم اني مو زينة عندي الم ببطني وهواية د اتحرك ود اشعر بالذنب الله يخلصنا من هاي الايام ياااارب