حبي ميووسة منورة شلونج واخيرا فضت على خير ان شاء الله يظلون حبايب ببس حتة ترتاحين هههههه علاقل لحد ماتجيبين بخير وسلامة عمري

فدووووووه لعمركم حبيباتي الله يرزقكم على كد نيتكم ان شاء الله

ام حوووووووووووووووووووووواء سؤال

الحركه تكولين بشهر السادس تقوى يعني بالضبط شوكت من بدايته لو من منتصف

شلونكم بنات شخباركم اليوم رحت للمستوصف كالو تعالي من توصلين الرابع ونص نلقحج وبس وهوسة بهوسه وكلهم كراد مدا افتهم كلمه عليهم
ميوسه الحمدلله فضت على خير والله يديم الصلح ان شاء الله

دودو حبي والله ادري بس المن افهم موتني اني زوجي مدا يفتهم يومين مدا يسكت عليه واخر مرة يكولي اروح اصادق بنات اذا متخليني واني والله كرهت كلشي من ورة هالوجع اريد بس ابتعد عنه حتى يعوفني بحالي

هلووو بنات شلونكم شخباركم ان شاء الله الكل زينين
اميرة حبي الله يعينج والله على مرضج وعلى رجلج الله يهديه يارب بس انتي اللي عندج التهابات داخلية لو مجاري بولية؟ لانه اذا التهاب مجاري بولية مااتوقع العلاقة تاثر عليها وشي ثاني انتي دائما حاولي تغسلين ملابسج الداخلية بصابون وملطف ملابس وديري بالج تغسليها بالتايد خصوصا قترة الحمل هسه وشي ثاني اذا الدكتورات مانطوج حل علمود الالتهابات فاني اكول لو تراجعين دكتور اختصاص مسالك بولية احسن لان اني قريت بالنت على هالموضوع شكد حاولت بالاعشاب ودورت وقريت كومة بس كلها تضر الحامل فميصير تستخدميها بس قريت انه اذا جانت حالة الاتهاب عند المرأة الحامل شديدة فالافظل تراجع دكتور اختصاص مسالك بولية واذا انتي اللغة دتعيقج ليش ماتحولين مراجعاتج عالموصل هي هم قريبة عليكم وبيها خوش دكاترة وعالاقل تفتهمين على حجيهم ولو هي هم صعبة السفر بس عالاقل بالشهر مرة
والله كلش بالي يمج وشايلة همج الله يشافيج يارب
ورجلج الله يهديه هو حقه وانتي هم مريضة وحقج تاخذين راحة
والله كثري الاستغفار بنية الشفاء وماعندج غير العافية حبي
حبيبتي دودو شكرا عالسؤال احنا ان شاء الله خلال هالايام راح نرجع للعراق واشو اني من هسه شايلة هم ديكولون الاوضاع بالعراق مو هلكد والله كريم الله يحفظنا ويحفظ كل اهلنا بالعراق
حبيبتي ميوسة الحمدلله انه فظ النزاع الدولي وانتهت المشكلة بس اشو اني كلشي مافتهمت على سالفتكم هههههههههههه منو حجا ومنو كال ومنو صار عصبي كلشي مافتهمت هههههههه قريتها اكثر من مرة بس مامشكلة المهم انه فضت والله لا يجيب على بيتكم المشاكل يارب وتكملين فترة حملج على خير وسلامة وبدون دوخة راس
ام حواء شلونج والله يعينج ان شاء الله ماكو شي ولا يظل بالج يجوز هي طبيعتها هشكل فترة تتحرك وفترة ترتاح وماطول انتي من تروحين مايكولن اكو شي يخوف فانتي هم حاولي تكونين مطمئنة بعدين انتي ماشاء الله دائما تتعبين بشغل البيت والطبخ وهذا يجوز هم الى علاقة حاولي ترتاحين وان شاء الله ماعندج غير العافية
باقي البنات شلونكم ان شاء الله الكل بخير

نور حبي اني راجعت اول شي دكتور مسالك بوليه وانطاني 12 ابرة التهاب ضربتهن وجنت حامل وما جنت ادري ولا هو كالي بالسونر ولا بالتحليل مثل الزمال واني اي التهاب مجاري بوليه عندي مو نسائيه بس وجع بالمنطقه الحساسه موتني هسة عفت كل الحبوب والدكاترة راح ابقى انتظر فترة واكطع الجماع واشوف والله كريم تسلمين حبي

هلو حبايب شلونكم اميرة حبي الله يساعدج كولشي ولا الوجع بهذيج المنطقة حبيبتي الله يعينج ومااعرف شلون اساعدج والله وحاولي تفهمي لزوجج خلي يتحمل كم يوم وشوفي بلكي يصير فرق ومابيج غير العافية
حبي ام حواء اني الحمدلله زينة والعراق العظيم موزين خخخخخخ شلون النونية وشلونج عالحركة متحسنت؟
دودوو عمري اتشاااقة وياج كلبي اني والله لان هلكد مااحبج بس اهم شي انتي لتكطعين ويانة وكلكم ابالي وحدة وحدة انتو حتة لو مااذكر اسماء والله ..حبي الوضعية هنا ملل وشوية موزينة اصلا بس شنسوي دنحاول نتكيف ونطلع مرات نغير جو بالويك اند يلة خوش حصلت عزيمة من هسة هههههههههه وبالنسبة لوضعيتنة ان شاء الله بعد اسبوعين تقريبا زوجي يسوي العملية ويارب الله يسهلة ادعيلي حبي والله يسهل اموركم وحبي انتي هم سويلج همة حاولي هناك تراجعين ترة هنا صح رخيصين بس شميكون هناك الطب عدهم احسن والله هنا اكثرهم يدوخون الواحد

هلو بنات شلونكم؟ يارب الكل بخير
حبيباتي ﻻتوهسون عالحركة ان شاء الله ماكو شي
اعذروني مااذكر اسماء ﻻن ماشاءالله هواية واخاف انسى

هلووو حياتي ميوسة ههههههههههه الله يسمع منج ميخالف حتى لو كل شهرموافقة خخخ حبي ان شاء الله يجيج احلى نونو وتخلينه صورتة مثل ام زيودي اوي حياتي الله يحفظة

حبيبتي ميوسة زيودي يبوس خدج موتدللين اعضها الج بس يكعد هههههه
والله الجو يجنن دافي وبي برودة خفيفة يلا تعالي هلا بيج تنورين اربيل
حبي شوشو عيونج الحلوة ربي يرزقج واحد مثل زيودي يخبلج تكومين تركضين بس حتى تلحكين من وراه هههههههه

شلونكم بنات شخباركم تسلمون حبي راح اجرب كلامكم وان شاء الله يروح الوجع ام حواء حبي ماقصرتي عمري
ميوسه يله روحي عاد شوفي الجنين شنو جنسه كلنه دا ننتظر شلون متحمله لحد الان

هلوووووو بنات

حبيبي هذا شنو زيوووود يجنن ربي يخلي ويحفظة الج يااارب
حبي ام حواء اني موجودة بس د ارجع من الدوام ميتة تعب وامي مسافرة واني باقية يم ابوية اخدمة بشري شلونها النونية تحركت ؟

ميوسة حبي اني بدت عندي الحركة بالوسط يعني مو شرط بالجوانب تكون بنوتة
يلا نريد اولاد بالمنتدى حتى يكفون البنوتات هسه عدنا اثنين ولد وتلاثة بناات يارب يصير تعادل







حبي شوشو يارب زوجج يسوي العملية ونفس الشهر تجين تبشرينا
لولة حبي شلونج شو هم اختفيتي؟
دودو حبي شلونج مشتااااقين
هنودة الوهواسية شنو اخبارج
امورة شلون صرتي حبي وشلونة النونو
نونة حبي هم ماكو ويييينج شلونة النونو
نورة حبي شلونج هم مختفيييية
يارب منسيت احد لان اني صاير بية داء النسيان

حبي ام حواء احتمال عندج نقص فيتامين بي ولهذا تخدر الايد
ليش متاخذين فيتامين pregnacare هذا الحب بي ١٦ فيتامين ومعدن من ضمنها الحديد وكل مكونات فيتامين بي وزنك وفولك اسد وبعد هواية

هلو بنات شلونكم ؟ حبيباتي عيونكم الحلوة تسلمون ربي يخليلكم النونوات ويفرحكم بشوفتهم
ام حواء حبي ليش ماتاخذين حبوب اسمها maternaشاملة كلشي وﻻتخافين مادام تتحرك عادي بس هاي من هسه تدلل عليج تشوف معزتها
ميوسة والله عفية عليج صابرة اني بالرابع خبلتهم كل يومين اروح للسونار حتى اعرف شنو هههههه

باقي البنات اخباركم؟؟

هلاهلاهلاهلاهلاهلا بالغاليات شووووووووووووووووووووووووووونكم حبايب ان شاء الله الكل بخير ياربي
يله ام حواء شدي حيلج وجيبيلنا نونيه تخبل مثل امها فجر عيني اللهم صلي عالنبي ابنج ينحط بالقلب فدووه لالله ربي يحفظه الكم حياتي
شوشو حبي ياربي الله يسهل عليكم وتفرحين بالحمل ان شاء الله وتجيبين احلى بنوته او احلى ولد بكيفج شتحبين بس اني احب بنوته اتمننننننننننننننننننى واحنه اذا الله سهل علينا بعد ناويين نروح ان شاء الله منا وهيجي اريد اروح اجيك العمليه او التلقيح وشنو وشون علمود بلكي نكدر نباشر وارها والتساهيل من الله والعزيمه بيج خير وتدللين ياريت بس تعالي.....صحيح يكولون الوضع تعبان الله يستر اهلنا كلهم هناك ياربي
ميوسه روحي سوي سونار شنو وكف الفضول لهنا بس اني عندي احساس بيج ولد وكل اليجي بسلامه خير ونعمه من الله شونج حبي شخبااااااارج
ايلاف حياتي شون النونيه وشون اخبارج ويه الدوام والله تعبببببب هالشغل ونكعد بالبيت تطك روحنا شون يعني شنسوي ههههههههه
لوله ونور الهدى شو ماكووووووووووووووو ان شاء الله خير ياربي
باقي البنات بدون ذكر اسماء بعد هههههههههههههه شونكم حبايب كلكم غاليات وبالقلب ياربي الكل بخير

بعد يومين ان شاء الله ننتقل شقه جديده بنات ادعولي الله يفتحها علينا وتكون رزق وخير علينا ياربي

دودو حبي يااااااربي تنملي شقتكم الجديدة مال وبنون يااااااالله

هلو حبايب شلونكم وحدة وحدة تسلمولي عالدعوات الحلوة ربي يرزقكم ويرضيكم حبي دودو ربي يجعلهة عتبة خير عللليكم وتملوووووهة جهال ياربي