هلو بنات شلونكم شخباركم اي حبي نونه اني الي سئلت هسة ادزلج رساله علخاص
دودو حبي انتي بلقلب موجوده وكلنه نسئل عنج ان شاء الله بخير
ام حواء منورة ومشتاقين
باقي البنات كلكم ان شاء الله بخير

اي حبيبة اني هم جاوبتج وتدللين

حبيبة كلبي ربي يحفظج اني بخير والنونو الحمد لله بس الافرازات البنية اي تروح وتجي بس الطبيب يكللي مادام بنية يعني دم قديم فلا تقلقين وانشاله خير ياربي انتي والعنونة تكونين بخير

مرحبا بنات شلونكم شخباركم

ميوسة قلبي تسلمين لان افتقدتيني ياوردة اني بخير اسال عنج انتي شونج وشلونة  ضغطج وامورج كلها شونها معرفتي جنس الطفل بعد؟اني شوية مخبوصة وية برهومي وابوه ههههه لان الجو كسر ومرات نطلع  فارجع مالحك على دربي فمافتح برهومي متت قهر علية بارحة جرحتة بالمكراضة وكام يبجي خطية واني هم وخابرت زوجي وداه للعيادة ضمدوه ومتت خوف بعد ماكصلة اظافرة عالخرعة الشفتها وماكدر اكصها هوة ونايم لان يفز نومتة كلش خفيفة
دودو حبيبتي شلون ننساج اني هم مثل حالج هههههه محد افتقدني بس ميوسة الوردة 

حياتي لولة والله اليوم على بالي
اسفة حبيبتي لان ماذكرتج والله اني صايرة مدري شبية
شلونة برهوم شلون صارت ايدة حبيبي

ودودو الوردة شلووونج

هلووووووو بنات شلونكم والله مشتاقة الكم وحدة وحدة انتو صرتو مثل اهلي تعودت عليكم واكول الحمدلله الله رزقني بيكم وبهيج خوات حنينات الله يحفظكم اليه يارب ووكلكم اشوفكم احلى امهات
حبيبتي نونة مشكورة على احساسج الحلو واني تفائلت بكلامج حب والله يسمع منج عمري انتي
ميوسة وينها اشو ماكو؟ تعالي وطمنينا على اجتماع القمة اللي صار بالمطعم علمود خالتج وشقررتو يااااارب مايصير الا اللي يريحج ويرضيها هي هماتين
حبيبااااااااتيييييييي لولة ودودو شلووووون ننساكم والله دائما عالبال بس اني ادري بدودو هي ملتهية بدوامها وشغلها وبمديرها التحفة بس لا يسمعنا شلونج حبي دودو شخبارج وشخبار شغلج؟ يارب تكونين بخير
ولولة ام برهومي الحلو شلون ننساج انتي وبرهومي والله دوم انتي على بالي اصلا البارحة تذكرتا لحبيبي برهوم عريس المنتدى كلت راح اكللها لولة من يصير عمره سنه ان شاءالله تسويلا عيد ميلاد وتلبسا قاط حتى صدك يصير عريس وذاك الوكت ان شاءالله عدنا عروسات حلوات بنت ام حواء وبنت هندان وايلاف وبعد باقي البنات هم ماندري يجوز جايبيلنا عروسات حلوات مثلهم وتصير عركة على برهومي حبيبي الله يحفظه يارب بس صدك انقهرت عليه حبيبي الله يعين كلبج اني من يمي ماادري شصار بيه حبيبي اهم شي ضمديلا الجرح وماعندا غير العافية حبي وبوسيلياه من اصبعه المكرووض اوووووووي حبيبي اشكد انقهرت عليك
ايلاااااااف حبي شلونج شخبارج شلونه النونية ان شاء الله بخير
اميرة شلونج عمري وشخبار اللاب التوب الجديد؟ وشلون صحتج هسه وشخبار الاتلهابات عندج ان شاء الله احسن
ام حواء حبيبة الكل شلونها النونية شكالت الدكتورة اليوم ان شاءالله طمنتج؟ والله ام حواء مداصدك شوكت تبشرينا وتكولين جبت الحمدلله بخير وسلامة والله هلكد ماتعبتي بهالحمل اني من يمي تعبت بس ان شاء الله هانت والله دعيتلج الله يمشي هالاشهر على خير وسلامة وهيج بلمح البصر تمشي وتبشرينا وتفرحينا بكومتج بالسلامة انتي والنونية يارب
حبيبتي هندان شلونج شخبارج والله بالي يمج حبي لا توهوسين ان شاء الله ماكو شي يمعودة لا دائما تمشين على كلام الاطباء واجهزتهم والله خلي املج برب العالمين وهو اللي عوضج بعد كل هالسنين قادر ان يحفظه ويرزقج اياه من دون زيادة او نقصان والحمدلله على كلامج ترى ماكو شي يخوف الحمدلله كلشي طبيعي وباذن الله فحص الجاي تطمئنين اكثر
دودي شخبارج عمري شكوماكو؟
شوشوووو حبيبتي وينج والله فرحت لان اقتنع زوجج وان شاء الله سهلة وتجين عن قريب وتبشرينا بأخبار حلوة.
باقي البنات اخاف نسيت وحدة يمعودين والله كلكم بالقلب بس لحد يعتب ههههههههههه
سلامي للكل حبيباتي

هلو نور الهدى شلونج حبي اني الحمدلله زينه بس الالتهاب ما زال والالم ما زال حالف مايروح وخلصت العلاج الثاني واليوم بجيت لمن كلت بس وحلفت بعد دكاترة ما اروح الا يروح من كيفه لان تعبت من الوجع الله كريم

حبيبتي نور الهدى تسلمين قلبي على مشاعرج الحلوة الرقيقة اي والله ان شاء الله  تصيرين ام باقرب وقت وتشوفين شكد صعب ومؤلم لاسامح الله اذا يصير هيج موقف شنو كمت ابجي وياه لان اشوف الدم يجري واضغط عليه وميوكف ربع ساعة اتخبلت ماعرف شسوي لان حسيت اني سبب اذيتة خابرت زوجي وعمتي اخت ابوية لان قريبة علينا وكلت اشوف ياهو يوصل اول وصلو نفس الوقت عمتي كالت لاتخافين عادي زوجي ركض بيه للعيادة سودة عليه ضمدو ورجع هلكد مبجة ظل نايم 3ساعات ربي يسعد قلبج حبيبتي ويعوض صبرج خير امين بحق هاليوم المبارك
حبيبتي ايلاف شكرا قلبي تسلمين انتي شونج وبنوتج شونها خوما متعبتج

شنوخيرها هندان ماعرفت شبيها

هلو بنات شلونكم حبيباتي؟ يارب بخيرالنونوات شلونهم؟؟
حبي لولة غلط تكصيله بالمقراضة اشتري مكص صغير خاص للاطفال يصير سموث وابد مايطلع عاللحم وكصيهم اله بعد الحمام تكون لينة من المي خلي بحضنج يرضع وكصي بيهم على كيفج ربي يحفظه الج

هلو بنات شلونكم حبيباتي؟ يارب بخيرالنونوات شلونهم؟؟
حبي لولة غلط تكصيله بالمقراضة اشتري مكص صغير خاص للاطفال يصير سموث وابد مايطلع عاللحم وكصيهم اله بعد الحمام تكون لينة من المي خلي بحضنج يرضع وكصي بيهم على كيفج ربي يحفظه الج

حبيبتي اني الحمدلله بخير وزيودي يبوس خدج مخلصها وكاحة
انتي شلونج؟؟ البنوتة الحلوة اخبارها؟؟ يارب بخير

هلوووو بنات شلنوكم
حبيبتي اميرة والله حقج تظوجين من الاطباء الله يعينج وانتي هم حالتج صعبة ماتكدرين تاخين اعشاب لان حامل بس حاولي تقرين بالنت عن شغلات تروح الالتهاب وبنفس الوقت ماتضر الحامل وان شاءالله اكيد تلكين واني هم احاول ادورلج وماعندج غير العافية حبي
حبيبتي لولة تسلمين عالدعوات الحلوة والحمدلله على سلامته لحبيبي والله الله يساعدج موقف صعب شلون ربع ساعة ينزف وهو شكدوته اكيد والله واحد يخاف ويظل بالا الله لا يعيدها مرة لخ يارب وصحيح مثل ماكالت ام زيودي اكو مقص خاص لتقليم اظافر الاطفال اني اتذكر جان عدنا منا حاولي بلكت تلكيه بالصيدليات هيجي مثل اللي بيه فتحه على صفحة هي ادخلين بيها الاظفر وبسهولة ينكص وان شاء الله ماعندا غير العافية حبيبي برهومي
حبيبتي فجر ام زيودي شلونج حبي نورتي المنتدى شلونج شخبارج وشلونه زيودي الحلو اني كلش يعجبني اسم زيد واني هم ناويه اسمي زيد ان شاء الله اني هم مثل قصتج عندي اخ اسمه زيد ومتوفي الله يرحمه ويرحم اخوج يارب واني ناوية اسمي على اسمه ان شاء الله وماشاء الله شكد بعشيرتنا اكو اسم زيد و هو الاسم حلووو وابد ماينشبع منه وكل زيد حلو هههههههه مادري ليش ويكفي انه مذكور بالقران واللي يذكر اسم زيد له 30 حسنة لانه كل حرف من حروف القران بعشر حسنات الله يحفظلج زيودي يارب وتشوفيه احلى عريس وتشوفين جهال جهاله يارب
حبيتي ام حواءماعندج غير العافية انتي والنونية وهذا هو ابدي اخذي حديد واكلي الخضراوت اللي تحوي الحديد ولا يظل بالج ماطول الصيدلي طمنج وهي الدكتورة هم بعد ادرى وماعندج غير العافية
ميوسة حبيبتي وينج ظل بالي يمج يمعودة انتي لان عندج ظغط حاولي لا تغثين روحج وباذن الله تجين واطمنينا وتحلون مشكلة خالتج
باقي البنات شلونكم

حبيييييييبتي هنوووووووودة الف الف مبروك الحمدلله والله اطمنتي وطمنيتنا شفتي مو كنالج ترى قياسات الاجهزة مو دائما صحيحة
وديري بالج عالنونية والله هم تتاذى من البجي والحالة النفسية الموزينة
وان شاء الله تعدي الايام على خير وسلامة وتشوفين البنوتة الحلوة تزين بيتج وحياتج يارب

هلو بنات شلونكم شخباركم الحمدلله هنوده اطمنتي الحمدلله والشكر وان شاء الله مابيها غير العافيه حبي لوله سلامته لبرهومي مابيه الا العافيه وان شاء الله تطمنين عليه
باقي البنات شلونكم ان شاء الله بخير ام حواء طمنيني عليج اشسويتي على نقص الحديد

نور الهدى تسلمين حبي علاهتمام والله دورت هواي بس مدا الكه ومدا افتهم اريد فد اعشاب ما تاثر عالحامل مدا الكه كاتبيها

مبروك حبيبتي هنودة على سلامة النونية
حبي ام حواء الله يساعدج والله مااعرف شنو اكولج بس ان شاء الله ربي يطمنج عليها

والله اني هم صايرة وهواسية لان يكولون الموبايل حيل مو زين واني مخلية موبايلين يمي وحيل خايفة

ميوسة مختفية يارب يكون المانع خير

هلوو بنات شلوونكم حبايببب وحدة وحدة
هههههههههههههههههههههه حبي دودو شلونج بس لازعلانة مني شو سألتي عالكل بس علية مسألتي ههههه اتشاقة حبي على راحتج شلونج اخبارج