هلو حبايب اسفة مكدرت اقرة ردودكم ولاكدرت اشوف احوالكم واجاوبكم بالنسبة الي برهومي ثابرني موتني بس يريد شيل وفرفرة بالبيت والمشكلة ماكدر ارفضلة طلب ههههه وزوجي للاسف رجع من الدوما متخربط وصار هم عنده ضغط وبلش ياخذ دوة ضغط وبعد ماعلية ببرهومي لايشيلة ولاابد كولة اني فميتة تعب الحمدلله والشكر قبل جان مرات  يشيلي برهومي فاجي اسلم عليكم بس هسة لا ومن ينام يدوب الحك على شغلي حيل مشتاقتلكم اظافر برهومي طولت واخاف اكصها هههه هية ترة مكراضتة صغيرة كلش مال اطفال وهم بارحة اشترنالة مقص صغير مال اطفال واثنينا نخاف نكصها هههه انتو شونكم اخباركم ان شاء الله احاول اجيكم مرة لخ بس ماعرف شوكت
فجر زيودي يخبل فدوة كللللللش نازك عيونة تجنن ربي يحفظة

هلو بنات شلونكم يارب الكل بخير
شكوماكو شلون النونيات ان شاء الله الكل بخير
حبيبتي هنودة اني هم من رأي ميوسة خلي الاسم من تجي البنية وان شاء الله تكومين بالسلامة وتيجيج احلى عروس
باقي يالبنات شخباركم
بنات عفية اريد اسألكم الدورة صايرة عندي تقدم صارلها جم شهر تجي قبل وقتها وهالشهر جتي قبل موعدها بخمس ايام يعني ماعليها شي؟
سلامي اللكم حبايب

هلو بنات حبي شلونكم صدك بين هنوده من الاسبوع ال13 جنس الجنين اني على حسبه الدورة اليوم فتت بالثالث يعني الاسبوع 12 بس مدا افتهم ليش الشريط دا يسبق هو والسونر واذا تريدين اسم بنتج سميها على اسمي هههههه مو اميرة اسمي عهد

حبي ام حواء ما افتهمت هسة اني كالتلي الدكتورة اني اخر دورة الي 3 بشهر 12 كالت يعني الحمل صار 10 بشهر 12 يعني كل 10 بلشهر تفوتين بشهرج هسة اني اليوم 10 يعني فتت بالرابع وخلصت الثالث مو

هسه احسبلج مضبوط

هلوووو بنات حبي امورة اني بنهاية الثالث بين عندي جنس الجنين روحي باجر للسونار وبشرونة انتي وميوسة

حبيبتي لولة مشتاقيلج هواية شلونة برهومي الوكح؟؟ سلامة زوجج

حبي ام حواء شلونج وشنو اخبارج ؟؟
حبي نورة مثل مكالت ام حواء اذا تتخربط يعني الجسم يريد حمل وربي يسهلج ان شاء الله

حبي ميوسة بعدها الحركة مو قوية بس مجرد رفة اني اريد دفرات ماريد رفة بس بنتي متسمع كلام

هلو بنات شلونكم؟ يارب الكل بخير
النونوات شلونهم؟
حبي لولة عيونج الحلوةربي يحفظلج برهومي
اني اليوم لقحت زيودي وكلش نحس خبلني

حبي ام حواء اذا 13 اسبوع لعد شلون 10 بلشهر صار الحمل يعني اني شوكت حملت لان كتلج اخر دورة 3 بشهر 12 اسبوع الحمل جم يوم والله دخت يعني هسة امشي علشريط وعلسونر ومعليه بالدورة فهموني

هاااااااا هسة افتهمت جنت ناسيه اكو شهر 28 زين اني عبالي كل اربع اسابيع شهر احسبه خلاص راح امشي علشريط حتى ما ادوخ لان الشريط دا يطلع نفس السونر تسلمين حبي تعبتج ويايه فدوة اروحلج

هلو بنات شلونكم رحت سويت سونر ما بين جنس الجنين تكولي الدكتورة مو هسة يبين بالاسبوع 22 بس اعتقد هايه متفتهم لان السونر مالها مو واضح وسوتلي تحاليل وبعده الالتهاب وانوبه صاير رمل ولا كانه دا اشرب مي وحبوب وكتبتلي فيتامين غير الفولك اسيد منا لوقت الولاده ابقى اشرب منه

اليوم عيد الاستقلال باربيل والدنيا مكلوبه احتفالات طلع زوجي ويه اصدقائه ويكولي اخذي امي واطلعي وما طلعت لان نفسيتي تعبانه وضجت لان الالتهاب مدا يروح ولان ما يطلع وياي ولا اجا وياي علدكتورة ولا يهمه شنو كالتلي تعبت من هالحياه والله

اني مخنوكه مدري الحمل هيج سوة وبنات شو هسة بدا لعبان نفس عندي ووحام وصارلي تلث ايام مشتهيه بقلاوة واوصي زوجي وينسى ما يجيب تخيلو

هلو حبايب شلونكم حبي اميرة الله يساعدج مابيج غير العافية ديري بالج على نفسج ولاتظلين تحركين بدمج افرحي بفترة حملج والله يتمملج على خير ومن يجي النونو يملي عليج حياتج ان شاء الله انيهم صارلي كم يوم كلش مكتئبة احس بفراااغ وطبعا راسا اطلع السبب بزوجي باقي البنات شلونكم

اي والله صدك الفراغ هيج اسوي انتي شخبارج اشصار علعمليه شوكت ان شاء الله يسويها زوجج

ان شاء الله الاسبوع اليجي عالاربعاء اليوم حجزنة والله كريم

اليوم اني كولش مطفيه

وجع الظهر الحمد لله البارحه من نمت وكعدت راح
ورحت عندي موعد سويت تحاليل

طلع عندي التهاب قوي رغم اني ابدا ما احس بشي لا حركه بالبول ولا ريحه ولا افراز ولا اي شي غير شويه وجع ظهر ومرات بالكليه
وطلع الالتهاب زائدين وانطتني الدكتوره حبوب التهاب 3 كبسولات باليوم لمده خمس ايام وورا اسبوعين تعيد التحليل

كللتها وين الخطوره وشنو السبب
كالت 70 بالميه من الحوامل يصير عدهم هذا الالتهاب بسبب الطفل يضغط المثانه ومتلحك تنشف ومدري شنو وحجي طويل عريض
والخطر اذا ميتعالج يصعد للكليه

المهم يا ربي كون ورا العلاج يرووح

وطلع عندي كالعاده فقر دم كولش قوي
وكلتها حبوب الحديد اذتني وتركتها لان من اخذتها كامت تخدر ايدي ورجلي وجسمي يحكني وعبالك انفخت

كالت اوكي تركيها متناسبج علمود الثلاسيميا وهم نصحتني اكل خضار وسبيناخ وكولشي مفيد

وشافت نبض الطفله بالدوبلر
شو كل مره يطلع 160 دقه بالدقيقه

اليوم 130 صارت دمعتي بعيني وظليت اسالها
كالت عادي كل ما يكبر الطفل يقل النبض المهم مو اقل من 110 وهم قريت بالنت طلع عادي

اللي عدها معلومه على هالموضوع خلي تزودني ههههه

هسه نجي للضغط

قاست ضغطي كلتلي انتي مدايخه كلتلها اي شويه كالت ضغطج كولش كولش نازل
كلتلها اني اصلا كاطعه الملح تقريبا كالت لا اكلي طبيعي ومفيد

يعني خضم الحجي طلعت ضايجه من يمها ورحت اشتريت شويه خضار وبروكولي وسبيناخ

استغفر راح تطلع روحي عال 10 اسابيع المتبقيه

يا ربي يعديها على خير

هسه اتذكرت لوله شلون جانت ستريس بس تريد تجيب وتخلص

كلتلها للدكتوره اي شي تشوفين خطر عالجاهله حوليني يجيبوني
كالت لا ما بيج اي شي ولا الجاهله واتمنى تكملين 40 اسبوع وتجيبين
كلت بكلبي فال الله ولا فالج كولي 36 لو 37 هم ميخالف هههه شطالبتني تقبطيلي المده ههههه

حجيت هوايه مو ♥

هلوووووو بنات شلونكم

البارحة رحت للدكتورة واخذت سونار بالبداية النونو شلع كلبنا لان خال رجل على رجل عبالك كاعد على كرسي الملك وظلينا نحاول وهي تضغط على بطني حتى يتحرك وعرفنا الجنسسسسسسسسس

احزروا شنووووووووووووووووو















بنوووووووووووووووووتة

والحمد لله الوضع كله طبيعي وسويت تحليل الهيموكلوبين الحمد لله زايد شوية واطتني بعد مقويات حديد

والضغط طلع 13\8 الحمد لله زين بس طلعت عندي تقلصات كلش هواية اني احس الم بظهري ومرات يصير ببطني يروح ويجي اكول هذا من التعب وصدفة البارحة قبل مانوصل للدكتورة زوجي دايسوق الله ستر جراد يصتدم بسيارة فاخذت فزة معدلة وبطني كامت توجعني فمن سويت السونار كالت هاي شنو تقلصات قوية كتلها اي هسة فزيت وصارت

وبعدين طلعنا ورحنا ويه صديقة ومرته للمطعم وضربت بيتزا ورجعت لكيت النت ماكو لفيت راسي ونمت

هسة انتو شخباركم؟؟؟

ام حواء حياتي النبض كلش طبيعي لاتخافين

وعلى طاري التاسع اني الدكتورة كالت احنى نحاول ندخلج فد 7 ايام بالتاسع يلة اجيبج كتلها لالالالالالالالا اني ثاني يوم تجيبيني ماانتظر اكثر التوبة عليه كامت تضحك وكالت الله كريم

وصدك سلام كلش حااار للولة وزوجها

شوشو حبي انشاء الله يكوملج زوجج بالسلامة وترسون البيت جهال يارب

اميرة حبي هذا الشي من الحمل صايرة كلش حساسة وترة الالتهابات والامراض كلها عادي تطلع بالحمل فلاتغثين روحج

اهم شي سلامة النونو انشاء الله

حياتيييي ميووووسة مبروووك عمري فدوة للبنات ربي يفرحج بشوفتهة عمرييي صار المنتدى كلة بنوتات يوم الالييييييييي كولو امين

صدك ميوسة عمري شتعرفين على دكتور سمير اني خايفة شكد كتلة لزوجي نروح لطبيب احسن يكولي لا هذا وهاهية بنات اللي تعرف عنة زين لو لا تكولي

هلووو ام حواء حياتي ربي يسمع منج هاي احلى دعوووة والله صدك رح تصير عركة على برهومي يلة هم زين زيودي موجود همين ههههههههه بقت اميرة يلة نريد تعاادل

هلو بنات شلونكم؟
حبي ام حواء النبض طبيعي الحمدلله وهانت مابقى شي وتولدين بالسلامة وتفرحين بشوفتها يارب
ميوسة حبيبتي الف الف مبروك البنوتةربي يتمملج على خير ويفرحج بشوفتها واحنا خطابة احجزيها النا هههههههه
حبي اميرة عادي الضوجة بالحمل الهرمونات مخربطة استهدي بالله وربي يكومج بالسلامة

باقي البنات اخباركم؟
طبعاً اكتب وزيودي يريد يكتب وياي خبلني لحد ماخلصت