مبرووووووووووووك ميوسه وان شاء الله تفرحين بيها عروس وصدك المنتدى كله بنات صار
حبي شوشو ان شاء الله يسويها ويكوم بلسلامه وتفرحين بالطفل الحلو مثلج
ام حواء سلامتج عمري ومابيج الا العافيه ان شاء الله تتحسنين علدواء
باقي البنات كلكم شلونكم ان شاء الله بخير دودو ولوله ونور الهدى وهندان وفجر ونونه ان شاء الله مانسيت وحده لان عندي صاير زهايمر مو طبيعي

حبي فجر ام زيودي حبابه شخبارج ما تعرفين دكتورة زينه باربيل بما انج ساكنه باربيل وكون تحجي عربي بس كون تفتهم هاي صار ثالث دكتورة واشرب حبوب والتهاب مدا يروح من حبلت لحد الان وتعبت نفسيا

والله حبيبتي جنت اعانيمثلج اجيت ﻻربيل حامل 5 شهور ورحت دكتورة وماعجبتني ونصحوني بدكتورة اسمها دكتورة غادة سعد الله الصقال وردة مال الله هي عربية متفهمة وماتنطي هواية ادوية وتنصح كلش ارتاحيت وياها والمفروض هي تولدني بس سافرت واني بشهري ووصت عليه بالمستشفى وماقصروا الحمدلله
حبيبتي روحيلها وان شاء الله تدعيلي واذا تحبين عندي رقم العيادة تحجزين ﻻن ازدحام عليها وتدللين

اني بالثامن صار عنجي التهاب مجاري بولية انطتني 5 حبايات والحمد لله راح
والتاسع بقيت اتواصل وياها عالنت ﻻن باقي يوم وادخل العاشر وماكو وﻻدة اخر يوم بالتاسع صارت الولادة واجهزيودي اول يوم بعيدالفطر شفتي ابني شكد نحس اﻻ بالعيد هههههه
ربي يكومج بالسلامة حبيبتي

هلوو بنات شلونكم
شكرا ام حواء واميرة عالرد ماقصرتو حبيباتي
حبيبتي ميوسة الف مبروك واهم شي الخلقة الكاملة وتكومين بالسلامة يارب وماكوووووو احلى من البنات وهدوم البنات الله يخليها الج يارب وتشوفيها احلى عروس

تسلمين حبي فجر ياريت والله رقمها وعنوانها واميلها اذا اكدر اتراسل وياها بما اروحلها بس اهم شي العنوان لان ما اندل هواي باربيل وجزيل الشكر الج حبيبتي والله هاي يمكن شربت بتلاثين حبايه وبعده الالتهاب ودا استغرب معقوله اكو هيج واريد اسئلج اذا السونر مالها ثلاثي لو لا لان الي رحتلهن شو عادي ومدا يبين الطفل

هلو حبي نور الهدى منورة عمري انتي شخبارج طمنينا عنج

هلو بيج اميرة حبي اني زينة الحمدلله انتي شخبارج

ميوسة الف مبروك البنوتة ربي يحفظها الج وتفرحين بشوفتها سالمة هسة كوليلي شون برهومي صارت خياراتة هواية اسوي الحجي متولي  وضغطج الحمدلله زين  الله يسلمها لدكتورة ريا كلما نفوت من يم عيادتها اكولة لبرهومي هاي خالة ريا الوردة هنا جيبتك وواشرلة على عيادة السونار اكولة وهنا جنت اباعك هههههه
نور الهدى حياتي سلامتج عادي مثل مكالو البنات هاي رحمج ديتهيء للحبل وانشالة تفرحين بالنونو باسرع وقت
ايلاف حبيبتي تسلمين شونها بنوتج يارب بخير 
فجر قلبي شونج الله يساعدج عاللقاح من هسة شايلة هم لبرهومي عاللقاح الجاي
اميرة تسلمين حياتي انتي شونج وحملج شونه
دودو مبروك الشقة الجديدة انشالة فاتحة خيرعليكم
شوشو شونج حبي شخبارج
ام حواء عادي كلما يكبر الطفل يقل النبض هاي اني هم سامعتها بالعكس علامة جيدة
باقي البنات شونكم 

هلو بنات شلونكم ام برهومي منورة حبي خلي نشوفة لبرهومي فد يوم بالصوورة ربي يحفظة الج
حبي ام حواء ان شاء الله الاربعاء اليجي يسويهة ربي يكومة بالسلامة
بنات شو هندان ونونة ماكو ان شاء الله يكونون بخير وايلاف هم ماكو صدك بنات الحوامل جهزتو جهاز الطفل ششتريتو خاصة البنوتات شغلاتهم تخبل فدووة

هنووده صدوك ماكو ..؟؟

اني اجييييييييييت

فديت الي يسأل عليه هع هع هع

شلونكم ياحلوات ان شاء الله بخير

ميوسه مبروووووووووووووك النونيه ربي يكومج بالسلامه

حياتي شوشو ان شاء الله بعد عمليه زوجج تقريبا بحدود 6 اشهر لان تجدد الحيامن

يصير الحمل ان شاء الله

ام حوا شخبار الحركه مال نونيه

بالنسبه لجهاز النونيه اتمنى اجهز بس اخااااااااااااف

الوالده الله يطول بعمرها هي كاعده جهز

خطيه حتى تكولي من تدخلين التاسع يالله تشوفيهم

حبيبتي شوشو ربي يكومة بالف سلامة لزوجج وربي يقر عينج بالطفل الصالح ان شاء الله بس يصيرلي مجال انقل صور برهومي عالحاسبة واشوفكمياها
هندان احسن حبيبتي لاتشوفيها اني عمتي جهزتني قبل اسبوعين من العملية ومشفت هدوم برهومي الا من شلتة بحضني  
ميوسة حبيبتي انتي هم هيج لاتشترين ولاتكثرين الا قريب الولادة باذن الله ونصيحة الج من عمتي غراض بنوتج من تجيبيها بالسلامة ابد لاتنطيها لاحد كولها ضميها تكول موزين ينطون لغير طفل منها والملابس من تغسليها بفترة النفاس دخليها قبل المغرب يعني ميصير تكون جوة النجم هاي حجي عمتي وبعد الله اعلم

ام حواء حبيبتي هوة ترة فقر الدم يسوي هبوط بالضغط فاحنة لانريد صعود ولاهبوط قوي ديري بالج على صحتج واكلي كد مبيج طماطة ومعدنوس والف عافية

ام حواء حبيبتي هوة ترة فقر الدم يسوي هبوط بالضغط فاحنة لانريد صعود ولاهبوط قوي ديري بالج على صحتج واكلي كد مبيج طماطة ومعدنوس والف عافية

هلو حبايب شلونكم وحدة وحدة تسلمولي عالدعوات الحلوة ربي يسمع منكم ان شاء الله
هندان حبي اتصور هية اقصى فترة 6 شهور يعني ادعيلي قبلهة يصير الحمل ان شاء الله لان اعرف هوواية ماشاء الله راسا مطولو ورة العملية وصار عدهم ياربي اني هم

هلو بنات شلووونكم
حياتي ميوسة الف الف مبروووك والله فرحتلج والله انطاتج مثل متمنيتوا انتي وزوجج ربي يتمم عليكم الفرحة

حبي ام حواء سلامتج ،يلا هانت مبقالج شي ان شاء الله

بنات اني واختي حوامل ببنات وماما دتجهزلنا بس بعد ممقسمين الملابس بيني وبينها يعني مو زين تختلط الملابس؟؟؟؟؟؟؟

حبي شوشو ان شاء الله من اول شهر بعد العملية تحملين وترتاحين

حبي لولة شلونج وشلونة برهوم البطل؟؟؟
حياتي هنودة شلونها النونية وشلونة الحمل؟؟