شلونكم بنات شخباركم مشتاقتلك الحمدلله خف الاوجاع عندي الداخليه ودا احس بالنونو والله من انام على ظهري انتو شخباركم

اي ونعمه بالله الله قادر على كلشي الله يحفظ الي بارحامنا بجاه كلمن عنده جاه
شلون باقي البنات شخبارهم

هلو حبايب شلونكم شخباركم وحدة وحدة

شلونكم شخباركم بنات اليوم عندي تقلصات ابطني والله يستر يمكن لان دا اعصب وتعبانه نفسيتي يجوز باجر اسافر لاهلي ادعولي تضبط

هلو حبايب شونكم ميوسة وايلاف وام حواء ونور الهدى وشوشوودودووفجر ونونة واميرة وهندان امتنى مانسيت احد
ايلاف حبي يتربون بعزكم فدوة للبنوتات  عادي خلي تختلط الملابس بس الهدوم الي تلبسها النوتة بالسلامة احتفظي بيها ولاتنطيها لاحد 
ميوسة ربي يحفظلج البنوتة اني هم من شهر السابع بلشت ابر الرئة وحلوة تواريخ وللعلم اني هم جبت ثاني يوم بالتاسع 
ام حواء اي الم الصدر بسبب الحليب

هلو حبيباتي شلونكم كلكم شلع بدون اسماء لان مشتاقتلكم كلكم بدون استثناء .. اسفة للانقطاع لان جنت امر بظروف نفسية كللش صعبة وجانت عندي شوية مشاكل للاسف ليهسة ماانحلت بس بديت اتكيف وياهة فماحبيت ادخل للمنتىد ى واني دمي ثكيل واضوجكم وياي .. ياربي الكل يكونون بخير بالي يمكم وحدة وحدة

حبي ام حواء  عادي لاتقلقين مدام امورج طبيعية لاتخافين بسبب حجم البطن واني هم جنت بطني بالعرض وهسة بالثامن انشالة تبدي تكبر اسرع من السابع برهوم يبوس ايدج هوة هم يطلع موسمين دياخذ بس بالطول يطلع طويل ممشوق خوش عريس موبالله هههههه
نونة حبيبتي سلامتج ان شاء الله تنحل كل امورجوماتشوفين الا الخير
باقي الحبايب شونهم

هلو بنات شلونكم
حبي ام حواء فدوة الج وللنونية لتنقهرين تتعوض ان شاء الله
طبعا اني حيل حيل انقهر اذا ينباك مني شي او يتداينون مني وميرجعوهن

هلو حبايب شلونكم وحدة وحدة حبي ام حواء فدوة الج وللبنوتة بس حقج تنقهرين اني من يمي انقهررت ربي يعوضج حبي
بنات دعواتكم باجر عملية زوجي ربي يكومة بالسلامة اليوم رحنة للطبيب وسوينة اخر الفحوصات وربي يسهل ان شاء الله

اشكرج حبيبتي لولة وربي لايراويكم مكروة كلكم .. طبعا ام حواء اني متت قهر من يمي لان متتخيلين شكد حاسة بيج لان صار بية نفس الموقف بسيناريو مختلف لان انتي خاف شفتيلج باكستاني بالصدفة احنة كاعدين بنص الاسيوين تحسين نفسج بنص حرامية يبوكون الكحل من العين مو بس بطريقة السرقة الواضحة لا تعاملاتهم وياج كلهة سرقة مبطنة حتة بالجامعة المشرف يبوك جهدج وينسبة لنفسة وياخذ شغلج ويخللي علي اسمة .. اني حتة الطبيب كاعد يبوكني وماكو شي اله سعر ثابت وحاله من البهذلة الله لايراويهة الاحد .. طبعا الله يساعدج اني صار بية وراح موبايلي وموبايل زوجي وموبايل ثالث بي خطي مالت العراق جنت اطلع منة ارقام ومن ذاك اليوم واحنة يومية فلم بحيث تصدكين مايمر اسبوع الا وانة احلم نفس الحلم انو حرامي طاب لبيتنة او حرامي تعرضلي بالشارع او اي حلم ثاني بس كون بي حرامي واكيد هذا الحلم سببة عدم الاحساس بالامان .. الله يبعد عنكم كل سوء يارب ويعوضج خير

هلو بنات حبي ام حواء تسميليلي ربي يكومج بالسلامة الحمد لله سوة العملية اليوم وطلعوبالليل كلة الطبيب فد يومين تجيني اجيكك وهسة سودة علية بدة يتاذة شوية وانطا ابر ربي لايدخل احد مستشفى

حبيبتي ام حواء اشكرج ياوردة والله اني كتبت فوك انو جانت عندي مشاكل خلتني ماالي واهس باي شي والحمد لله هسة تعودت عليهة وتكيفت وياهة بدون ان تنحل . طبعا الله يساعدج بس علخرعة لان تظلين من تطلعين ماماخذة راحتج واني تورطت بهلبلد عود اجيت لان الجامعة قوية وزينة بس اللي شفتة انو العيشة مرااااااااااار وية الاسيوين ويوم عيد اخلص منهم ومااشوفهم كمت من اشوف شكولهم اصير عصبية وانفعل وحدي خصوصا الصينيين يبوووووووو حرامية من الطراز الاول بس يبوكوج بيونيفورم وتنباكين بمزاجج وتطلعين من المحل تكولين هاي اني شسويييييت . النونو الحمد لله زين وجاي اتابع وية الطبيب وكلشي تمام بس المشكلة ديشوف اكو بقع دم بالسونار يم المشيمة لاتقبل تنزل ولاتقبل تروح فكاللي خاف الايام الجاية ينزل عليج شي فهاي من البقع اللي هية اصلا موجودة وانشاله خير ياربي.. حبيبتي شوشو مليون الحمد لله على سلامتة وانشاله هاي اخر شي مؤلم تمرون بي والباقي كلة خير وسعادة .. هوة سواهة ناظور لو جراحة؟؟ وانتي شنو طيحيله بالعسل يعني على الريك خلي ياكل 3 خواشيك اكو عسل بالعراق اذكر شيشة جبيرة يبيعوهة جانت شوية غالية على وكتي بس مفيدة لكلشي مو بس للعملية حتة يتجدد لحيوانات المنوية باسرع من المفروض يصير .. خللي تلحم ويصير زين ولازم تسوون كورسات مكثفة من الحملات العسكرية ههههه حتة تروح الحيوانات الميتة او المشوهة ويتججد نشاط الموجود لان شوية تحتاج وقت وانشاله تبشرينة باقرب فرصة يارب

هلو بنات شلونكم شخباركم هسة اني بتركيا يم اهلي والحمدلله مرتاحه
ام حواء حبي فدوة الج التلفون بس والله قهر من صدك والله يساعدج واني تدرين بيه ما اعصب بس دا يصير شي اكبر من طاقتي الحمدلله هسة يم امي مددلله الله يحفظها الي واليوم عيد الام الله يحفظ النا امهاتنا يارب
شوشو ان شاء الله يكوم بلسلامه وتتتخطون هلشي على خير
نونه الله يحل مشاكلج انشاء الله حبي
ايلاف شخبارج عمري شكو ماكو
باقي البنات شلونكم هنوده وفجر ونور الهدى ولوله وميوسه ان شاء الله ما نسيت احد

شكرا بنات الله يسلمكم حبي نونة جراحة مو ناظور ام حواء عمري هي تصير جرح فوك العضو يعني بنهاية البطن يم المثانة طبعا اني جنت متصورة تصير بالخصية بس طلعت لا وهي اصلا الهة ارع طرق يسووهة هوة شتغل من فوك ومن جهة اليسرة لان زوجي عندة دوالي طلع بس بالخصية اليسرة واذا بثنينهم حتة العملية تصير ضعف السعر طبعا هاي هسة زوجي ديكولي مجنت اعرف ومن طلع من العملية انطو مغذي وهي بنج عام طبعا والجرح يمكن شوية اصغر من اصبع حسب حجي الطبيب وخطية مديكدر ينام لان ميعرف ينام على ظهرة وميكدر يتكلب صفح والله عبالك اني مسوية العملية العصر صخن تخبلت خابرت الطبيب كلي عادي انطي براسيتول واني هلكااانة منايمة وبس واكفة على رجلي هسة يلة كعدت كلة يهون بس كون تنجح العملية لان كلة اكو نسبة قليلة يتجمع عدهم مي ورة العلمية ولازم نسوي عملية لخ اسم الله وهاي كل شي بعد شنو تريدين تعرفين ام حواء هههههه نونة حبي والله اني الحك ورا يلة ياكل خاشوكة عسل مخبلني ميحبة بلكوة ياكل وحدة بس وجايبتلة والله من هذا الاصلي مخصوص يدزولنيا

حبي شوشو الله يساعدج عمري ان شاء الله يكوم بلسلامه وترتاحون ومابيه غير العافيه وتفرحون بضناكم بجاه الواحد الاحد

هلو حبي ام حواء اي والله تونست ومرتاحه وخطيه امي ما مخليتني محتاجه شي وتعررفيين عاد تركيا والمناظر الحلوة شبعت صور وطلعات والحمدلله ما تاذيت بالطريق

اجا وصلني وراح لاهله بات يوم بس يمنه هو اني هم بقيت يم اهله بتركيا يومين وبعدين اجيت لمنطقه اهلي