هلو حبايب شونكم 
ام حواء ونونة وهندان تسلمون حبايب ويوم الكم وتفرحون بشوفة ضناكم وهم تلقحوه وتشوفون الصريخ ومتعرفون شتسوله هههههه
ام حواء حمدلله على سلامة زوجج ربي يسعدكم انشاء الله
هندان هوة شي طبيعي كل وحدة اول متحبل يكون المشيمة نازلة يم الرحم ومن يكبر الطفل تبدي تصعد وانتي اتقيدي
نونة حياتي كلنا بالحمل تصير عندنا مشاعر متناقضة مرة نفرح مرة نغص بالبجي من غيرة النرفزة والعصبية وانتي هم الله يساعدج وياه قراية بس ميخالف شدي حيلج عالاثنين وحاولي تنامين شوية وتقرين شوية وربي يرزقج النونو ومحصلة الشهادة وترتاحين ياقلبي
شوشو قلبي الله يبعد عنج كل عين وحاسد حياتي تمنيت اكدر افيدج بس شوية تحاليل الهورمونات معقدة وممارة عليه فماعندي خبرة بيها بلكي تجي ام حواء وتفيدج حبيبتي لاتنقهرين بالنسبة لزوجج كلشي واله علاجة وماكو شي ماله حل ولاتضوجين خلصي العرس بالخير وروحي للدكتورة وشوفي شتدليه لزوجج اتصور ايلاف هم عندها خوش معلومات على هالموضوع عذريني حبيبتي من التقصير وربي يفرحج 
ميوسة سلامتج ماعندج غير العافية مشكلة الضغط من يرتفع بلكي هسة رجع نزل ضلي قيسي كل شوية

هلو حبايب شونكم 
ام حواء ونونة وهندان تسلمون حبايب ويوم الكم وتفرحون بشوفة ضناكم وهم تلقحوه وتشوفون الصريخ ومتعرفون شتسوله هههههه
ام حواء حمدلله على سلامة زوجج ربي يسعدكم انشاء الله
هندان هوة شي طبيعي كل وحدة اول متحبل يكون المشيمة نازلة يم الرحم ومن يكبر الطفل تبدي تصعد وانتي اتقيدي
نونة حياتي كلنا بالحمل تصير عندنا مشاعر متناقضة مرة نفرح مرة نغص بالبجي من غيرة النرفزة والعصبية وانتي هم الله يساعدج وياه قراية بس ميخالف شدي حيلج عالاثنين وحاولي تنامين شوية وتقرين شوية وربي يرزقج النونو ومحصلة الشهادة وترتاحين ياقلبي
شوشو قلبي الله يبعد عنج كل عين وحاسد حياتي تمنيت اكدر افيدج بس شوية تحاليل الهورمونات معقدة وممارة عليه فماعندي خبرة بيها بلكي تجي ام حواء وتفيدج حبيبتي لاتنقهرين بالنسبة لزوجج كلشي واله علاجة وماكو شي ماله حل ولاتضوجين خلصي العرس بالخير وروحي للدكتورة وشوفي شتدليه لزوجج اتصور ايلاف هم عندها خوش معلومات على هالموضوع عذريني حبيبتي من التقصير وربي يفرحج 
ميوسة سلامتج ماعندج غير العافية مشكلة الضغط من يرتفع بلكي هسة رجع نزل ضلي قيسي كل شوية

انتي متأكدة سويتي الfsh ???

اخاف حللتي بس البرولاكتين؟؟؟

نصيحتي الج بطلي زعل على زوجج حتة لو هوة زعلج لان اكيد نفسيتة تعبانة هسة لان تعرفين احنة مجتمع ذكوري وهاي اامور مهما كان الرجال مثقف وواعي وياخذ بالاسبابب بس تحز بنفسيتة خلليج واكفة بجانبة ورجعي كلشي طبيعية كأنما ماصار شي علمودكم اثنيناتكم ولاتطلعين او تكولين نتيجة التحاليل لاي احد من اهلج اذا تكدرين لان هذا شي خاص اوجديلة حل انتي وزوجج بعيد عن اللي يعرفوكم واحنة هنا اذا تردين تقضفضين احنة موجودين واذا مافدناج ماراح نضرج لان تعرفين الناس اذا جانو معارف حجيهة يضر مايتفع خصوصا بهيج مواقف .. لاتقلقين ابد بس شجعي يروح طبيب وكليلة عادي وكلشي الة حل وكلة سهل وداعتج

اشكرج حبي لولة علهلدعوة الحلوة وعلى سؤالج عني ياربي يخلليج ويريح بالج ويحفظج من كل سوء

هلو بنات شلونكم ميوسة الحمدلله عالسلامة حبي وديري بالج على صحتج عمري
دودو حبيبتي مشتاقين تسلمين عالسؤال
حبيبتي شوشو شلونج عمري ولا يظل بالج ان شاء الله الشغلة خفيفة بس انتي اهم شي روحي للدكتورة وشوفي شتكلج وان شاء الله خير والبنات اللي كالو صحيح واهم شي ديري بالج على نفسية رجلج وانسي الزعل وخلي هالشي بس بيناتكم يعني ماكو داعي الناس تعرف ومثل ماكلو البنات ترى هسه ماكو شي ما الا حل والحمدلله ربج كريم عندا كن فيكون وابد لا تشيلين هم حبي وباذن الله تروحين للدكتورة واطمنج
نونة الله يسهل حملج ياارب وتكومين بالسلامة
هندان حبيبتي الله يتمملج على خير وتشوفين ظناج بحظنج سالم معافى
حبيبتنا لولة شلونج وشلون برهومي الحلو الله يقويج على تربيته يارب
حبيبتي اميرة شلونج وشخبارج
ام حواء شلونج ان شاء الله بخير
ايلاف وينها يارب بخير وان شاء الله سوت العملية ونجحت ويارب تكوم بخير وسلامة وهسه هي يرادلها راحة ان شاء الله تجي واطمنا
باقي البنات شلونكم يارب الكل بخير

هلو بنات شخباركم مشتاقتلكم حبي نونا لضوجين ان شاء الله تشوفين امج عن قريب
ميوسه حمدلله على سلامتج همزين اطمنه عليج وان شاء الله مابيج غير العافيه
شوشو حبي لضوجين ومثل ما كالولج البنات سوي وصدك لتخافين علاج الزوج سهل هسة تنطيه الدكتورة منشطات ومقويات وبس الحمدلله انه اكو عدد احسن ما يكون لاسامح الله صفر مدام اكو نسبه معناتها بالحبوب والابر تصعد لتخافين ابد من هلناحيه وبكل الاحول الدكتورة هيه احسن من عندي راح توضحلج اكثر وان شاء الله ماكو شي يخوف
نور الهدى منورة حبي مشتاقتلج وام حواء هم ملتهيه بزوجها الله يساعدها الها وحشه
هندان شخبارج ان شاء الله مرتاحه
لولة عمري الج وحشه وشلون برهومي

اني اليوم همزين فتح مجمع طبي قريب على بيتنا اروحله مشي 100 متر بيه نسائيه وسونر وتحليل وصيدليه واني بقلق من وجع الرحم اليوم زوجي راح للموصل وانتهزت الفرصه ورحت لكيت كلش خوش دكتورة الحمدلله سوتلي سونر وكالت كلشي طبيعي وكتلها عن التحاميل المثبته انها متعبتني كالت ماكو داعي الها انتي لا عندج اسقاط قبل ولا مهدده بالاسقاط انتي حملج طبيعي وكتلها على الوجع كالت التهاب مجاري بوليه كتلها من ذيج المرة اكول للدكتورة وتكول ما الج علاج لانج حامل بس اشربي مي كالت مسويه تحليل ادرار كتلها لا كالت سوي وتعالي ولازم علاج اذا عندج هيج الالم وكتلها تعبت من فوتت الحمام كل خمس دقايق والله سويت التحليل وطلع التهاب كلش قوي واصل للكلى تصورو بنات طلع تلث موجبات الالتهاب مو موجب واحد وانطتني علاج اله 6 حبات باليوم بس حبوب ماتثار على الحامل مال اطفال وقاستلي الضغط وطلع مرتفع وكالت لازم توكفين الملح والدسم ودلتني على المستوصف الصبح اجي اسوي فايل بيه وتحاليل مال سكر كل فترة وابلاش الحمدلله ورخيصه الدكتورة وهمزين من بغداد كلش حبابه الحمدلله ارتاحيت الها راح استمر عليها ان شاء الله

هلو حبايب شونكم
نونة وهندان واميرة وام حواء ونور الهدى تسلمون حبايب عالسؤال والدعوات الحلوة ربي يحفظكم ويعوض صبركم خير ويرزقكم الذرية الصالحة برهومي الحمدلله احسن راحت صخونته جنت مكابلتة وكلساع اقيس حرارتة واحطلة تحماميل وكمدات دافية لان ورمت رجلة خطية يوم الكم وتنخبصون مثلي
اميرة حبيبتي همزين رحتي على هالطبيبة وانتي فعلا متحتاجين مثبتات وزين نطتج دوة للاتهاب لان اذا قوي لازم علاج لان لاسامح الله الرمل الهواية هم يسوي حصو بعدين التزمي بالدوة وشربي ماي ومبيج غير العافية
شوشو قلبي مثل مكالولج البنات انشالة الشغلة سهلة والها علاج سريع انشالة وانتي خلصي العرس وتونسي ووراها روحي للدكتورة شوفي شتنصحكم ويارب نسمع اخبار طيبة وحلوة
فعلا ام حواء دودو وايلاف ماكو ربي يطمنة عنهم

هلو بنات شلونكم اميرة حبي تسلمين تشتاقلج الجنة عمري نحنا الاشوق وفرحتيني لان لكيتي هذا المركز الصحي وقريب عليكم وخليج على هاي الدكتورة مبين عليها تفتهم وان شاء الله ترتاحين على ايدها وتشوفين الخير
حبيبتي ام حواء تسلمين اني بخير وأسال عنج شلونج شخبارج ان شاء الله بخير
لولة عمري الله يسمع منج ويسجيب دعوتج ويحفظلج برهوم الحلو
حبيبتي شوشو اني من البداية هيج رأي من رأي ام حواء والله اذا انتو مستعجلين عالاطفال فالافظل الكم اما تلقيح صناعي او اطفال انابيب وهسه صايرة بالعراق كلش سهلة ومو مكلفة مثل خارج العراق وانتو ماشاء الله نسبة نجاحكم بهاي العملية جدا عالي اذا انتو تريدون طريق مختصر للحمل وانتي هم سألي الدكتورة وشوفي شتكلج ولو نصيحة مني لا تعبين روحج ويا الاطباء وعلاجاتهم هاي اذا انتو تريدون هسه اطفال بس اذا تريدون علاج اوكي امشي وياهم وويا العلاج ان شاء الله تشوفون تحسن لان حالتكم جدا سهلة والله عنده كن فيكون وبأذن الله نسمع خبر حملج عن قريب وارجو ان مااكون ظايقتج بالكلام يعني يبقى كلامي مجرد رأي لا اكثر ولا اقل بس لان اني مليت من الاطباء ومن الادوية ومن المراجعات فأني داختصر عليج الطريق بالانابيب بس انتي هم اسالي دكتورتج واسالي عن حالتكم وشوفي ياهو الانسب الج وسوي وباذن الله حبيبتي نسمع عنج كل الاخبار الطيبة
باقي البنات شلونكم شخباركم ان شاء الله الكل زينين
حبيبتنا ايلاف طمنينا عنج عمري يارب تكونين بخير

هلو بنات شلونكم اليوم الحمدلله الوجع خفيف ومرتاحه الحمدلله والشكر وملتزمه بالعلاج
ام حواء عمري تسلمين علسؤال وطمنينه عليج ان شاء الله بخير
ولوله عمري تسلمين علسؤال ان شاء الله اسمع نصايحكم انتو خواتي
نور الهدى منورة شخبارج ان شاء الله بخير
وان شاء الله شوشو تكون نفسيتها احسن يارب وخوش نصيحه مال تلقيح صناعي اسرع للحمل وان شاء اكو علاج اسهل وما تضظر للتلقيح طموني عنكم بنات

هلو بنات شلووونكم والله مشتاقتلكم هواية

الحمدلله سويت العملية الاحد وجانت بسيطة حيل الحمدلله بس نزل مني دم بعد العملية والطبيبة كالت لكيت رحمج حيل مفتوح يعني سوينا العملية بوقتها والحمدلله

انتوا شنو اخباركم ؟؟؟

حياتي ام حواء الحمدلله على سلامة زوجج
حبي ميوسة الحمدلله على سلامتج
حبي لولة سلامة برهوم ان شاء الله صار احسن

حياتي شوشو شغلتكم كولش بسيطة وبسرعة تتعالج اني زوجي هم جان عندة التشوهات عالية حيل بس الطبيب مدار بال ومنطاه علاج
بس اني خليتة يبلع فلاجيل شريط حتى يقضي على الالتهاب وطلعت بالنت فيتامين اسنة سيلمنيوم هم خليتة يبلع
وحدة ورة الريوك والله نفس الشهر حملت
شلونج دودو حبيبتي شنو اخبارج؟؟

حبي نونة شلونج وية الحمل؟؟؟

حياتي هندان شلون صرتي ؟؟؟
حبي اميرة شلونج وية الوحام ؟؟؟؟

حبي نور الهدى شلونج شوكت تسوين العملية ان شاء الله ؟؟؟

هلو حبايب شونكم حبيبتي ايلاف الف الحمدلله على سلامتج همزين سويتيه وخلصتي وربي يثبتة ويجعلة من نصيبج ان شاء الله 
باقي البنات شونكم ان شاء الله الكل بالف خير

هلو بنات شلونكم وشكرا عالسؤال
حبيبتيي ايلاف الف الحمدلله عالسلامة والله فرحتيني برجعتج بالسلامة وهذا الدم شي جدا طبيعي ومايخوف والف الحمدلله يارب سويتيها بالوقت المناسب والله يكومج بالسلامة عمري واني ما كلت راح اسوي عملية بس جنت د احجي لشوشو عالعملية انه اسرع بس ماطول طمنتينا على حالته فخلص ان شاء الله سهلة ويارب تلكه العلاج المناسب والله لا يحوجه لعملية ياااااارب هي وكلمن يريد

هلو بنات شلونكم ان شاء الله بخير ايلاف حبي حمدلله على السلامه والحمدلله اطمنا عليج والله يثبت طفلج يارب اني ماعندي وحام هههههههههه ما ادري ليش وضايجه حتى مدا تلعب نفسي

هلووووووووووووووووووووووو بنات شونكم مشتاقتلكم والله اعذروني الوكت يركض ركض وما لحكت اقره كولشي كاتبينه بس اهم شي كلكم بخير الي رجعه حبايب بس حبيت اطمنكم عالسريع مستعجله

هلو بنات شلونكم شلونج ام حواء حبي لتوهوسين ان شاء الله ماكو شي بس انتي ارتاحي دا تشتغلين هواي واطبخين هواي واكليجه انوبه شلون ما تريدين ظهرج يوجعج اكولج اني راح وجع اسفل بطني صار وجع اسفل اكثر بلشسمه ومدا اعرف ليش كمت احط مخده ابين رجلي حتى اكدر انام لان دا اتوجع اذا اطبك رجلي عندج فكرة ليش

هههههههههههههه طمنتيني هههههه يعني صدك مو سالفه كل يوم يوجعني مكان شنو هالحاله المهم انتي شلونج شخبارج

عمري ام حواء مابيج الا العافيه وعفيه الله يخليج لا توهوسين مو دايما يتحرك الطفل وانتي هسة مريضه نامي ارتاحي وادفي زين وان شاء الله ماكو الا الخير

هلو حبايب شونكم
ام حواء قلبي تسلمين عالسؤال عريس بنوتج هم يسلم عليج هههههه صاير يضحك ويميز اني امة ويحب ابوه اللوكي اكثر مني بس يشيلة يسكت اكولة روح خلي ابوك يفيدك شو يكدر يرضعك ويبدلك هدوهمك ويغيرلك حفاظةههههههه  الف الحمدللله والشكر اطمئنيتي عالبنوتة ويارب تشوفيها بحضنج تلعب وبالنسبة للقياسات كلش عادي اني بالسونار مجان يطلعولي القياسات بس من سويت دوبلر هم  القياسات جانت تتقدم وتتاخر موشرط كاملة فت عالحساب وهم وهوست وسالت الدكتورة وكالت عادي ماكو شي فلاتقلقين على هالشغلة وسلامتج من الانفلونزا خطية اشربي براستول  حتى لاتصخنين وشربي سوائل دافية واكو اقراص فوارة فيتامين سي هم امينة متضرج وتكدرين تاخذين اموكسيل هم ميضر للحامل وعادي روحة الحمام تزيد كلما يتقدم الحمل اني اخر ايام اصلا بعد كمت مانام كثر مرايحة هاي الطفل ديكبر ويضغط عالمثانةفتحتاجين تدررين كل شوية وماعندج غير العافية
دودو حياتي  الج وحشة والله شخبارج عساج بالف خير  ياوردة برهومي هم يسلم عليج ويبوسك شيساعدني هذا حيطلع فاسدومدلل هههههه
هندان حياتي سلامتج بالنسبة للسونار الافضل انة تسويه عند طبيبة سونار لان تكون اضبط من طبيبة النسائية وبالنسبة لطبيبتج احتمال متحتاجين ادوية  غير الفيتامينات مواحسنلج بس انتي راقبي وضع المشيمة لان اذا ظلت نازلة تحتاجين مثبت واذا صعدت متحتاجية وبالنسبة للدوة الي كلتي عليه هذا مضاد حيوي مال التهاب مجاري بولية الي يصير كلش طبيعي بالحمل سببة وجود بكتريا معينة بالادرارلاتخافين لاتضر الطفل ولاابد بالعلاج تروح انشالة وشربي ماي شكد متكدرين وعادي اي التهاب مجاري بولية اذا مطاب عالدوة يسووون زرع للبكتريا يشوفون يادوة يشتغل عليها لان كل بكتريا تكون حساسة لنوع معين من المضاد الحيوي ومقاومة لنوع اخر عرفتي حبيبتي
باقي الحبايب شونكم يارب الكل بالف خير