اي حبي الحمدلله علسلامه اهم شي تكتبين قصه شلون صارت الولاده شايله هم اكول بس لا اتوجع

حياتي الله يخليلج احلى تيما

واكيد ننتظر قصة ولادتج بفارغ الصبر

هلو حبايبي شونكم كلش مشتاقتلكم شخباركم وحدة وحدة تعذروني جدا مقصرة وياكم بس والله العتب على الوقت والحاسبة تفرمتت وكلشي بيها تغير وصار صعب فمداكدر افتح وافتح بس من التلفون وماكدر اعلقلكم حيل مشتاقتلكم حبيت اسلم عليكم

هلو بنات شلونكم شكرا الكم كلكم
بعدني بالمستشفى
تيما نور عيوني بيها ابو صفار وحاطيها بالجهاز وكلبي ممرود عليها تكسر الخاطر

حياتي ام حواء سلامتها للحلوة ان شاء الله يرجعوها الج كولشي مبيها شوكت تطلعون من المستشفى ؟؟؟؟

حبي لولة مشتاااااااقيلج نورتي المنتدى شلونة برهومي كوليلة خطيبتك اجتي للدنيا ههههه

باقي البنات شلونكم ؟؟ ميوسة وهنادي وشوشو ودودو مختفيااااااات

عمري سلامتها خطيه ان شاء الله مابيها الا العافيه واطلعين من المستشفى وتبشرينا بسلامتكم اهم شي انتي شلونج طمنينا عنج حبيبتي انتي

شلونج ميوسه شخبارج شنو حنكتيها يعني شسوي للتمر وشوكت الواحد ينطيه للطفل حتى ما يصير بيه ابو صفار وليش الطفل يصير بيه

حبيبتي ام حواء والله فرحانه بيج عبالك من تصير مناسبه بالبيت وهيجي اكو حركه وخبصه ههههههههه الحمدلله والشكر وبداية خير ياربي ومنتظره القصه والصور بفااااااااارغ الصبر مو تنسين عفيه وكولللللللش عجبني الدلع تيما يخبل مثل البنوته ان شاء الله
لوله حبي عاش من شافج وان شاء الله المانع خير يمعوده شكلج ما انتبهتي ام حواء جابتلنا تيما حلوه خطيبه برهومي هههههههه شونج وشون برهومي ياربي بخير ان شاء الله
ايلاف حبي شونج وميوسه ونونه واميره ونور وشوشو والبقيه شخباركم
بنات رحت اني كلتلكم بديت اراجع الدكتوره من ذاك الشهر واجتني الدوره بلا كولشي وهيه رادت مني سونار وتحاليل دم هورمونات ومدري شنو لاول مره ما يطلع عندي تكيس رااااااااايح التكيس والتحاليل هم طلعت كلها ما بيها شي ما عرفت افرح لو اضوج لان شنو السبب لعد ما يصير حمل
رحتلها يوم الخميس وكالتلي هالحجي ما عندي اي شي وخيرتني بين اختيارين قبل كولشي ننتطر هلشهر ونشوف الدوره تجي بوقتها او متجي ويصير حمل المهم
كالت هذا خربطة الدوره ما تمنع الحمل او التكيس ما يمنع الحمل بتاتا ممكن ياخره او سبب من اسباب يكون وهسه حتى تكيس انتي ما عندج لان بسبب مساعد السكر الجنت اخذه ذيجي الفتره كولها
اما انتظر وكالت راح تنطيني هورمونات بس تعتبر مانعه للحمل حتى تنتظم الدوره كولش وكانه مسوين فرمته للمبايض وهيه جانت مو كولش مشجعه هالفكره او انطتني عناوين وارقام دكاتره اثنين علمود تلقيح علمود طفل كلتلي ما تاخذ وقت واحسن الكم لان انتوا ما صاير عدكم ودتحاولون وماكو سبب لازم تبدون وياهم اذا مستعجلين على طفل وكلنا نتناقش اني وزوجي اذا نكدر هسه نبدي بسالفة التلقيح وغيره بس بكل الاحوال ننتظر هالشهر وزوجي يكول وره رمضان نبدي احسن ومدا اعرف شسوي هسه

حياتي دودو شلونج والله مشتاقتلج كللللش
حبيبتي اول شي الف الحمد لله من تحاليلج والسونار سليم الحمد لله
واني رايي انه تاخذين ريست هاي الفترة وهو ماظل شي على رمضان حتى جسمج يرتاح من الادوية بس اخذي فولك اسيد
واتركيها يم ربج وكثري بهاي الفترة من الاستغفار واقري سورة البقرة وان شاء الله ربج يفرجها بدون اي شي
وحتى اذا ماصار بهاي الفترة انتي رح يكون جسمج مرتاح من الادوية
ومن رح تبلشين بالتلقيح ترى كومة ادوية ومنشطات رح تاخذين وترى هاي الادوية حيل اتعب اني ما اريد اخوفج بس لازم يكون جسمج مستعد مو فوكة فوكة
وان شاء الله تجين تبشرينا يارب بدون ادوية ولا اي شي
بس نريد جهودكم الجبارة هاي الفترة وشيلي من بالج موضوع الحمل كانما ماجلي لبعد رمضان
حيييييييييل هاي شكد حجيت خخخخخخخخخخ
حبي عهووودة تحنيك يعني تمرة تخليها بمي حتى لو استكان شوية تبدي تذب لونها وتعصريها بايدج
وتخلين اصبعج بهذا المي وطبعا تكون الايد نظيفة مو كامشين مية حاجة تجون تسووها!!!!
وتمسحين بيها لثة الطفل واللهاة والشفة هاي قبل لايرضع من حليب الام وتقرين وياها اي اية او سورة قرانية
وبعدها مباشرة ترضعين النونو وترى هاي سنة نبوية بس اكو هواية ما يعرفوها او ندثرت بالاحرى....
بس اني اختي تسويها لاطفالها وماشاء الله حتى اذا صار ابو صفار فكلش خفيف مو قوي وتظل بالعسل لطعة مرتين باليوم بلهاة الطفل وتصيرلة مناعة من كلشي
وبالنسبة ليش يصير الابو صفار شي علمي ما اعرف بس يكولون تغيير الجو عليه بس ليش ما اعرف والله
بس كتلج هذا الشي مجرب
وان شاء الله تولدين بالسلامة وتسويها لولي العهد موووو؟؟؟؟

هلو بنات شخباركم اي ميوسه اكيد راح اسويها المشكله اني خايفه هالايام هواي وكلش بالي مشغول بالولاده وشلون راح اتحمل وبالطفل الجديد الي جاي والمشكله عندي واحد يجر طول واحد عرض اخاف يدوخوني الله كريم
حبي دودو اني من رائ ميوسه انتظري هلشهرين يرتاح جسمج وصدكيني راح تحبلين بوحدج اذا تحاليلج كلها زينه وبعد كل جماع ابقي نايمه على ظهري ساعه والله يرزقكم ان شاء الله بالمولود الصالح ويرزق كل محرومه

باقي البنات شو مختفيات شعجب بنات اني دا احس هالايام اني مخنوكه وبس ابجي وحتى الطفل من يتحرك اضوج وهو يتحرك هواي طول النهار والليل ومدا اتحمل العيشه هنانه وكلما اريد احاجي زوجي من يجي عبالك شي يسد حلكي ما اكدر انطق ولا كلمه اريد اروح اعيش يم اهلي شنو رئيكم هو مدا يقبل دا افكر اخيره بيني وبين العيشه هنانه حتى اجبره يقبل اني تعبت من دور الخدامه الي عايشته وامه حيل تعبتني اكول هناك نسكن بتركيا قريب من اهلي حتى كلما اختنك اروح يم امي جم يوم وارجع ما اعرف شسوي لو اتحمل واسكت بس نفسيتي حيل تعبت وحيل تعبت من الشكوى حتى اهلي كلما اشتكي يكولولي انتي اختاريتيه اتحملي واسكتي ماعدنا مرة تطلك اني زوجي كلش زين بس دا افكر اطلك من الظروف ومن امه احس نفسي خدامه وبس والله شسوي فهموني

هلووووووو بنات شلوووووونكم
هم زين شوية الدردشة رجعت لناشطها
حبي ام حواء شلونها النونة طمنينا عليها وماشاء الله ميوسة انطتنا العلاج

حبي دودو اني هم من رأي ميوسة كملي رمضان وباشري بعلاج التلقيح هو العلاج شهر وبالشهر ال بعدة يباشرون بالمنشطات والتلقيح

حبي ميوسة شلونج والله الج وحشة اكيد انتي تغلبيني لان انتي ان شاء الله عملية
اني انتظر ويجوز اكمل التاسع اذا الله راد واني يوم ٢٩/٦ ادخل بشهري
بس السونار ديزيدني بالاسابيع وماعرف على حساب منو امشي

حياتي عهودة شلونج وشلونة النونو حبي لتضوجين ولتفكرين بشي غير بس بالنونو الي رح تفرحين بي
وهنودة فعلا ماكو يجوز هسه جابت
وشوشو هم مختفيةةةة

مرحبا بنات . اني صديقه جديده وياكم في المنتدى .

اني حامل وبالاسبوع الاخير من الشهر التاسع . وهاي اول مره احمل بيها من خمسه وعشرين سنه زواج.
الحمد لله اللي رزقني بنععمة الحمل . والله لايحرم اي وحده من نعمة الامومه اللهم اميييين.

ادعولي بنات اولد طفلي بسهوله . لاني بصراحه كلش خايفه وما ادري شلون راح اجيب طفلي واني بهاي الحاله من الخوف .

هلا بيج روووووز بيناتنا وان شاء الله تكومين بلسلامه وساعه خفيفه عليج وتفرحين بطفلج
احجيلنا عن نفسج منين وشكد عمرج ووين عايشه وهلسوالف

هلو بنات شلونكم
بعدني لليوم بالمستشفى وبعدها بتي ابو صفار علساس نطلع اليوم ومالولي متطلعًوو صاعه عدها وخطيه صايره كركم ورجعوها للجهاز
اللي تسال سبب ابو صفار هوه انه اكو ماده ايمها ما ادري شنو هههه برولابلين اعتقد هيجي شي موجوده بالدم هاي الكبد يصفيها وتطلع من الجسم بس لان بتي اجتي قبل الموعد الكبد ميكدر يشتغل هلكد ويطرحها فتبقى بالجسم وتطلع على شكل لون اصفر فيحطون الجاهل بالجهاز البنفسجي وهذا الضوه يمتص هاي الماده
ومقل مكتلت ميوسه تمر بفيد عسل يفيد قنداغ يفيد بس هنا ممنوع
واهم شي رصاعه طبيعيه اني عندي حليب بس ما اعرف ارضع اليوم جبت مميه وكمت اسحب حليب بالجهاز واشربها احيها شبعت اكثر
سمعت ضوه الفلورسنت النيون هم يفيد وعلساس ٧ ثومات بخيط تفيد منو سامعه بهيجي شي

كومه كتبت غلط لان من الموبايل

هلو بنات شلونكم حبي الوفة تسلمين عالسؤال ام حواء عمري ان شاء الله مابيهة غير العافية وتطلعين وتنور بيتج وحياتج
بنات اني كلش ضايجة ونفسيتي تعباانة صار خمسة ايام الدورة متاخرة علية ومخليت شي مسويتة حتة تنزل وصدري موتني من الوجع وضااايجة حيل متاثرة نفسيتي داحس بيه شي صار شهرين من ورة هذا الم المبيض شسوي بنات عفية واذا ظلت هيجي منزلت اروح للطبيبة

حبي ميوسه تسلمين عمري بس اني الي متعب نفسيتي اكثر انه ما تقبل نطلع نفتر ولا تقبل اشتري شي وزوجي كل الفلوس يخليهن عدها وهيه تصرف علبيت كمت استحي اطلب شي منها وكلما احاجيه كولي لامي وكلما اكوللها خلي نطلع تكول شعدنا بس طبخ كل يوم تريد علمود هيج طكت روحي وكلما يصير عندي وجع اكوللها هيه ولا تهتم ولا تكول شبيج وارتاحي لو ابقى اون طول النهار ولا كانه هيه بس هيه تطلع بوحدها وتجي الله كريم راح اصبر والله يفرجها اني تعبت هواي بحياتي وام حواء تعرف يمكن بس هسة كملت بزواجي الحمدلله والشكر هاي قسمتي بالحياه شسوي بعد المهم تسلمين عمري على اهتمامج بموضوعي وما قصرتي عمري انتي

ام حواء حبي سلامتها ان شاء الله تكوم بلسلامه ولتخافين ما يخوف ابو صفار ان شاء الله اطيب واطلعين لبيتج ترتاحين ومابيج الا العافيه

شوشو حبي يجوز من الحاله النفسيه مدا تنزل الدورة المهم روحي للدكتورة احسن شي تسويلج سونر تشوف سبب الوجع بالمبايض ليش وان شاء الله ماكو شي ومابيج الا العافيه

تسلمين حبي اني صح صرت مستسلمه الها اذا اكعد من النوم الكاها متسوكه الي مقررة اطبخه الها ومغيرة ديكور البيت من وحدها الهول يعني فكمت اسكت بس هذا غلط هسة راح اتبع غير استراتيجيه هههههههه بس عفيه علميني شلون اخليه يجي يحجيلي هو كلشي ما يحجيلي يحجي بس لامه يفتحون مواضيع وطول هيه مانايمه لو ما موجوده هو ساكت وياي

هلو حبايب تسلمون قلبي دودو وايلاف عالترحيب ودود ان شاء الله تكون امورج افضل وافضل بعد برهوم يبوس ايدكم وسوي التلقيح شكو بيها حتى تختصرون الوقت ادري بام حواء جابت وباركتلها حياتي اي همزين جتي عروسة برهوم والله حيل فرحتلها يوم الكم حبايب
ام حواء بالنسبة للرضاعة الطبيعية حطي الحلمة بحلك البنوتة وقفصي عليها بالضبط نفس شكل المقص بس انتبهي لايطخ بخشمها
عودة شونج الله يساعدج على عمتج تحملي حبيبتي لخاطر الطفل
شوشو سلامتج ان شاء الله متشوفين شر

تعذروني اكتب باختصار وبسرعة لان برهوم ثبرني والله حيل مشتاقتلكم ربي شاهد

هلو بنات شلونكم
حبي ام حواء سلامة فطومة ان شاء الله ومنتظرين تكتبيلنا قصة ولادتج حتى نستفااااد
ميوسة ولولة وعهودة ونونة وشوشو ودودو شلوووونكم

بنات دا حس الحركة حيل حيل حيل جوة وحيل خايفة الطفلة نازلة باجر اروح للسونار واتاكد وان شاء الله ماكو شي

هلو بنات شلونكم كلكم لوله حبي منورة عمري وتسلمين الوفه ان شاء الله ماكو شي ام حواء ان شاء الله تطلع فطومه من المستشفى بلسلامه وتفرحينا بيها وطكيلها صور المهم انتي نفسيتج شلونها ان شاء الله مرتاحه طمنينا عنج
بنات اني بلنومه دا اتعذب دا يصير عندي وجع بالمنطقه الحساسه من اطبك رجلي ودا احط مخده بس مدا استفاد يعني ما يصير انام على ظهري وافتح رجلي هههههههههه دا اخاف انام على ظهري