هلو بنات شلونكم شخباركم مشتاقتلكم هسة اقرا الردود وارجع واعذروني علانقطاع عود تذكرون من كتلكم عمتي راحت لبيت اختها ثاني يوم من الصبح اجتي وكالت يله البسو راح نطلع وياهم سفرة للمصايف تلث ايام ونرجع اني كيفت شكد صارلي ما طالعه حضرت جنطتي ولبست وطلعنه وصلنه هناك طلعن بنات خاله رائد كلهن عيني جانن يحبنه ويردنه تلث خوات والاخ جان مصادق تلاثتهن وهنا شافني وكامن يحركن بكلبي اول شي كل شويه يبوسنه والله شنو احنا متربين سوة وانوبه عدهم جناين تلاثه اثنين واحد يحجي لله محترمات والثالثه عيني صارلها شهر ونص متزوجه الصغير عيني لعبت طوبه بيه كدامي تغمزله وتصوره ورجلها مثل الزمال وانوبه بقينه وياها وويه زوجها صديق رائد لان بكده بلسيارة والطريق كله تشاقه وتضحك ويه رائد واني احترك كلبي ورحنه هناك للمصايف واجرو بيت واسكتو طول هالايام اني ساكته ما اريد ابين اني اغار واسحب رجلي اعصب عليه يكول اني شعليه هنا يحبني وهو يكعد يغنيلهن بالليل لو يلعب وياهن طوبه تعرفون بعد سفرة مو بس وياهن ويه الكل اسكتو ما اكولكم ولا تكولولي طلعت من عيني وعمتي من يسكتن ترجع اذكرهن هذا رائد جبته الكم اخذو راحتكم عهد ما تغار واثقه بيه وهنا والله ما يستحن انوبه من رجعنه لبيتنا جلبت بالبنيه ورجلها الي تتحارش برائد ولكم كدام رجلها تصور رائد بموبايلها بلسيارة خبلتني وباتو عدنا يوم وراحو اليوم الله لا ينطيهم انهاريت بس اخذت موبايلها بدون ما تدري ومسحت الصور كلهن لكيتها حتى مقربه صورة كلش زوم مسويه وطاكتها على وجهه وما اكولكم على لبسهن ونزعن الحجابات وحركات واني ولا نزعته ولا اشاقيت ويه زلمهن لان اخلاقي ما تسمحلي ولا عيب بس هنا فد مرة وحلفت بعد ما اروح على كرايبهم

هسة قريت كتاتبكم حبي ام حواء تريدين اجي اسويلج شيرة مثل هذيج السريعه طريقتي ههههههههه ويارب تكومين بلسلامه وتفرحين بالنونيه
ميوسه الف مبروك الولد عمري ان شاء الله تفرحين بيه وتصير ولادتج سهله
دودو حبي شلونج اني جان عندي الجماع كل يوم ومرات مرتين وصار الحمل اهم شي تبقين نايمه وراه الجماع ساعه على ظهرج وان شاء الله يصير حمل
شوشو حبي سلامتج مابيج الا العافيه اوجاع المبيض دلاله على قوة الاباضه مو ضعفها
باقي البنات اعذروني شخباركم ان شاء الله الكل بخير

هلو حبايب شلونك شخباركم مشتاقون كومات كومات .. دودووووووووووووووو حبي وين هلغطة والله دوم افكر بيج ليش هيج تختفين هاي صايرة انتي اتعس مني هههههههههههههههههه الج وحشة عابتلج خللي تعرف اخبارج .. شوشو حبي لاتخافين كلشي اله حل وانشاله هية تطلع تشخيص غلط وتفض على خير .. ميوسة واميرة وام حواء وايلاف ويارب مناسية وحدة شلونكم حبيباتي .. يارب الكل يكونون بخير

هلو حبايب شلونكم حبي دودو منورة عمري وتسلمين عالدعوة الحلوة ربي يرزقج ويرزقني بالقررريب العاجل ياربي وظلي تابعي نفسج حبي وبشرينة
عهودة هاي شنو عجبتيني الله يساعدج عمتج هاي شنو من بشر وزوجج همين كيف علشغلةهمين كلش غلطان
باقي البنات شلونكم

هلو بنات شلونكم .. يارب الكل يكن بخير وعافية ام حواء فعلا ميوسة اشو ماكو هلايام ؟؟؟ ام حواء سألتيني علثكل يعني مو ثكل بمعنى الثكل بس هوة احساس بعدم الراحة وفجأه بطني بدت تكبر يعني مو شوية شوية وبعد مااعرف .. بنات كلكم شلونكم

هلو بنات شلونكم

فعلا ام حواء ماكو صار يومين يارب تكون جابت طبيعي وبدون طلق اصطناعي

ميوسة ونونة ودودو شلونكم

هلو بنات شلونكم شخباركم كل كلامكم صحيح والسبب منه كيف علشقا مالتهن بس شكول زلم ما تصيرلهم جارة
المهم اني ظل بالي معقوله تكون ام حواء راحت تجيب ان شاء الله تكوم بلسلامه بلكي الله ترتاح

هلووووووووو بنات شلونكم والله مشتاقتلكم واعذروني صار فترة ما اطب للمنتدى لان احيانا اكون مشغولة وماعندي وقت وهاي صار فترة ماجان ديفتح عندي مع العلم ماناسيه الباسورد مالتي بس الحمدلله هسه يللا كدرت افتحه شكد انقهرت بالبداية عبالي مراح اكدر احجي وياكم بعد
شلونكم حبيباتي شخباركم طمنوني عنكم والله قريت كتاباتكم وشفت انه ام حواء ماكو هاي يومين خليتو بالي الله يسهل امرها يارب ويرزقها باحلى بنوتة ياااااااااارب بلكت تجي واطمنا عنها
باقي البنات شلونكم ميوسة حبيبتي صدوك طلع عندج ولد سبحان الله شفتي شلون حجي ذاك الرجال طلع صحيح الحمدلله شيجي من رب العالمين نعمة المهم يجي بصحة وسلامة الله يتمم حملج وتكومين بالسلامة انتي شلون صحتج طمنين عنج عمري
ونونة حبيبتي لا تشيلين هم اني بنتي موجودة وترهم لابنج اني اموت عالبنات وعلوا اول طفل الي يكون بنية فاخذي بنتي احسنلج من ابن ميوسة هذا الكلاوجي طلع ولد وناصب عالكل مسوي روحه بنية وفوكاها منطينه ظهره هههههههههههههههههه
دودو حبيبتي وين هالغيبة بس انتي احسن مني اني صارلي هواية ماطابه للمنتدى والله حبي داشعر بشعورج الله كريم حبيبتي الا ما الله يفرجها وعليج بسورة البقرة يويمة لمدة 40 يوم قبل كم يوم قريت عنها هوايه ناس استمرو عليها 40 يوم والله رزقهم وكلت اني هم راح ابلش اقرا بس هسه اني عليه الدورة بس اخلص ابدي بيها هم دورتي تاخرت هالمرة 3 اسابيع وقبلها بدورتين تقدمت عليه اسبوع يعني صايرة بكيفها تجي بس اني كلت بعد ماخلي بالي يمها هي براحتها شوكت تجي خلي تجي يعني مو الا تكون منتظمة لان تنتظم شهر شهرين وتخربط كم شهر يجوز هاي طبيعة جسمي ولازم اتعود عليها والله يرزق الجميع يارب ويفرحنا اني وانتي وشوشو وكل محروم
شوشو حبيبتي شلونج شخبارج شلون صحتج شوكت تعرفون نتيجة التحاليل الله يبشرج باحلى نتائج يارب وتجين وتبشرينا ولا يضيعلكم تعب يارب والله اكيد تعبتو بهاي الفترة بس باذن الله النتيجة تسوى هالتعب
عهووووودة شلونج وشلون النونو الله يعينج على بيت عيالج شنو من شي فلم هندي مو هيج ههههههههههههههههه كل مرة عدهم سالفة شكل بس شتسوين حاولي تتاقلمين وياهم اهم شي صحتج وصحة طفلج هسه شلون صرتي ان شاء الله احسن؟
ايلاف حبي شلونج وشلون الامورة شخبارج ويا الدوام والحر ان شاء الله مرتاحة يارب ديري بالج على نفسج عمري
هنودة ولولة شلونهم شخبارهم باقي البنات يارب الكل بخير

يوووووووو هاي بعدج على كلبنا هههههههههههههههههه هسه قريت كلت اي يمكن جابت يا الله وطلعتي تبيعين ثكل علينا شنو هاي ام حواء انوب هاي نفاخه شنو ضحكتيني ههههههههههههههههههه يله استعدي للولاده وهيئي جسمج ما اعرف شون المهم اريد الكاج كاتبتلنا اني صرت ماما يعني مو قريبا ساصبح ام حبيبتي الله يكومج بالسلامه ياربي
شونكم بنات نور الهدى حبي واخيرا شفناج يله المهم بخير والله يصبرج حبي ما دام انتي ببغداد روحي لا تسكتين عن نفسج عيني وتخلين الوقت يمشي والله لو ببغداد اني كبل اسوي طفل انابيب واخلص ياربي الله يفرحج ويفرحنا اني وشوشو هم
ايلاف شونج حبي اني بخير شون وضعج هسه
نونه عيني شخبارج حبيبتي وميوسه شكو ماكووووووووووووووو عهد حبي خليها على الله لا تحركين بروحج ما يفييييييييييييييييد

ههههههههههههههه دودو ولا ازال كاعه على كلبكم وشكلي اكمل شهري

هلو ام حواء حبي هاي بعدج والله عبالي جبتي يله الحمدلله اطمنا عليج وكل تاخيره وبيها خيرة والله يكومج بلسلامه ان شاء الله وتفرحينا

هلوووووووو نور الهدى منورة حبي وين هاي الغيبه شفتي بالله شدا يسوون وهاي عود اختصرت اني ههههههههههه اني الحمدلله زينه والله كريم بلكي يغير الاحوال المهم انتي اخبارج ان شاء الله تمام

هلو بنات شلووونكم
حبيبتي ام حواء والله بالي يمج والله يسهلج ولادتج بحق محمد وال محمد ويفرحج ببنتج
اني مجربة شغلة النفاخة بس اني خلولي نفاخة شوية جبيرة ومجرورة بصوندة وبنهايتها ثقل يجر النفاخة
ومن وكعت رأسا طك مي الراس وطلع دم كووووومة وطلعوا الاطفال

اتوقع انتي مخليلج نفاخة صغيرونة علمود النونية متتأذى
مطول وكعت النفاخة ان شاء الله ولادتج قريبة ولتنسينا بالدعاء وربي يسهلج ان شاء الله
وحاولو تكثرون بالجماع هاي الايام وامشي هواية

هلو بنات شنو اخباركم
ليش مختفين ؟؟؟
بالي يم ام حواء اكو احد يعرف اخبارها؟؟؟؟ ياريت تطمنونة

هلو بنات شخباركم شكو ماكو اني جنت بكركوك واليوم رجعت اعذروني اهم شي اطمنا ام حواء على اخبارها والله بالي يمها

حبايب حبيت ابشركم قبل ساعتين ولدت وصارت عدنا فطوووووومه

بنات لا تنسون تصلون على محمد وال محمد
ومن اطلع من المستشفى اكتبلكم القصه بالتفصيل ان شاء الله

اللهم صل على محمد وال محمد
حياتي الف الف الف مبرووووك والله حيل فرحتيني الله يفرحج بيها ان شاء الله
احجيلي عنها شلونها وشكد وزنها وحلوة لو لا ورضعتيها ؟؟

اللهم صلي على محمد وال محمد حيااااااااتي الف مليوون مبروك صدك فرحتيني ربي يحفظها وتتربى بعزكم
والف الحمد لله ع سلامتج عمري اهم شي متنسينا بالدعاااء وطمنينا عليج اول باول

كللللللللللللوش الف الصلاة على محمد وال محمد والله تفاجأت قرة الاعين حبيبتي وياربي تكومين انتي وياهة بالف سلامة الف الحمد لله والشكر من فرحتي وشفتيهة على ايدج والله كلبي يمج وانشاله تشوفيهة عروسة هية واخوانهة وخواتهة بجاه محمد وال محمد

اللهم صل على محمد وال محمد الحمدلله والشكر مبروووووووووووووووك يابعد عمري والله بالي يمج كلش كلش فرحتينا الحمدلله والشكر يارب ارتاحيتي حبيبتي هواي تعبتي ديري بالج على نفسج وعلى فطومه فدوة اروحلها ولاسمها تتربى بعزكم ان شاء الله

اللهم صل على محمد وآل محمد
الف الف الف مبروووووووووووووووك ام حواء
الف الف الف الحمدلله عالسلامة ام فطومة الحلووووووووة شنو هالخبر الحلو والله الدنيا ماوسعتني من الفرحة واخيييييييييرا واخيرا حبيبتي شلتي ظناج بحظنج والله تعبتي وصبرتي والله انطاج حق صبرج والله مامصدكة ودا أحس بفرحتج واتمنى اني يمج واشاركج الفرحة واشيلها لفطومة وابوسها حبيبتي شكد انتظرناج الله يحفظها ياااااااااارب وتتربى بعزج وتشوفيها احلى عروس
وان شاء الله تكومين بالسلامة وتجين وتحجيلنا هسه ارتاحي شوية يرادلج راحة
عفية بوسيليها لفطوووووووومة حبيبتي كولليلها خالة مشتاقتلج الحمدلله اجيتي وزينتي دنيتنا بس والله تعبتي ماما بس معليج بالحجي انتي تسوين كل التعب الله يحفظها الج يااااااارب وتعوضج عن كل ذيج الايام
وياااااااااارب يوم اللي نفرح بولادة كل الحوامل الي بالمنتدى ايلاف وميوسة ونونة وعهد وهندان
ويارب يوم اللي نجي ونبشركم بحملنا اني ودودو وشوشو

اللهم صلي على محمد وال محمد واخيييييييييييييييييييييييييييييييييييييرا جابت ام فطومه مو ام حواء بعد حياااااااتي الف مبروك الحمد لله على سلامتج متتخيلين الفرحه والله منتزرتها البارحه عالفيس وشفت ام سامر على مطبخ عراقيات كاتبه ادعو وحده عدها ولاده وكلت ماكو غير ام حواء الحمدلله ياربي الله عوض صبرج وتعبتي هوايه وياربي ما ينسى احد حبيبتي ارتاحي مو تنسينا ولو ما عندج وكت هسه بس المهم انتي وفطومه بخير وعاشت الاسامي ام فطووووووووووووووووومه اوي والله اقشعلا جسمي بداية خير ان شاء الله حبي وياربي وحده وره اللخ تجي تبشرنا هنا بنات
شونكم البقيه شنو مشاعر الحوامل هههههههههههههههههه

هلوووروووو حبيباتي كلكم تسلمون عالمباركات ودعيتلكم كلكم الله شاهد وتيما تبوس ايديكم طبعا صار هذا دلعها تاي تدلعا تيما وناس اتومه
ومن اطلع للبيت ان شاء الله وافرغ اكتب القصه ويا الصور