هلوو بنات شلونكم ان شاء الله الكل بخير

هلو بنات شلوووونكم
حبي عهووودة سلامتج ويارب يروح الالتهاب وبعد لتخلين زوجج يقتربلج
حبي ام فطومة شلونج وشلونها الحلوة ؟؟ تشبهج لو تشبه زوجج ؟؟؟

حبي شوشو شلووونج هاي وين جنتي مختفية ؟؟؟

بنات اليوم عندي الم دورة ببطني وظهري ودائما احس برطوبة اعتقد المي دينزل والله خايفة ، البارحة سويت المنطقة بالشيرة تحضيرا لاي طارئ ود اكول لزوجي خلي احضر الجنطة ميقبل يكول بعد شهر حضريهااااا

هلو بنات شخباركم حبي ام فطومه شلونج شلون وضعج وشلون النونيه ان شاء الله ما معذبتج تسلمين حبي علسؤال
ايلاف حبي منورة ان شاء الله ما ظل شي وتكومين بلسلامه
شوشو طمنبنا شخبارج واخبار زوجج ان شاء الله تحسن

هلو بنات شلونكم تسلمولي عالسؤال ايلاف وام فطومة وعهودة وميوسة وباقي البنات شلونكم
ايلاف حبي طمنينا عليج شلون النونة مظل شي ياربي وتجين تبشرينة انتي وميوسة ان شاء الله
ميوسة حبي اني بعد الدورة اللي تاخرت علية واذتني الحمدلله راح الالم عهودة حبي زوجي خطية مستمر عالابر والله كريم ورحيم دعواتكم

هلو بنات شلونكم شخباركم اني بخير الحمدلله بس الوجع مدا يروح وكرهت الدكاترة راح اروح لتركيا يم اهلي لان اختي اجتي واروح اشوفها وارجع ويجوز ما ارجع اولد هناك يم امي دا احاول اقنع بزوجي
ميوسه حبي تسلمين علسؤال عمتي مثل ما هيه بس اني تغيرت هههههههه تعودت عليها وتحملت ودا اشتغل واطبخ اني وساكته بس دا انهار على شغلات ثانيه وابجي هواي بوحدي ما ادري احس نفسي ما مرتاحه ومو هاي الحياه الي ردتها من يجي يحاجيني زوجي يكول اكو هواي غيرج يتمنون حياتج وبيتج واكول مو كلشي كامل بهلحياه والحمدلله على كلشي
شوشو حبي الله يطيب زوجج ويصير احسن من قبل
ام حواء خطيه عمري هلتعب فوك تعب الحمل انوبه اجاج روحي للرعايه وشوفي هنا ينطون للطفل مي غريب علمود الغازات ونوميه على بطنها على رجليج علمود تطلع الغازات وشعجب مدا ترضعيها طبيعي لان هو الحليب الصناعي يسوي غازات

هلو بنات شلونكم يارب بخير بنات ميوسة عمري تسلمين حبي عهودة روحي بلكي تغيرين جو وعلى كولة زوجج دائما كولي الحمدلله لان اكيد انتي احسن من هواية ناس فاحمدي الله دائما حبي اني الييوم عندي وجع كلش قوي بنهاية بطني وبالمبيض الايسر همين والصبح نزل علية مي رحت للسونار لكيتة ازدحام كلش ورجعت شنو سبب هالوجع

حبي شوشو ما ادري يجوز كيس مي فوك المبيض بس بما انه نزل المي يعني نزل وهو عادي يصير ترى وينزل ويه الدورة لو يجوز وقت اباضه اذا افرازات بيضه لزجه روحي للدكتورة وطمنينا عنج وان شاء الله مابيج شي

هلو بنات شلونكم شنو اخباركم

حبيباتي ميوسة وشوشو شلونة الوضع يمكم والله حيل بالي عليكم الله يهدي الامور وان شاء الله بردا وسلاما على بغداد وعلى كل العراق بحق محمد وال محمد ،، حاولوا تقللون من الطلعات هاي الايام وخلوا ازواجكم اول ميفتحون عينهم من النوم الصبح يقرون اربع مرات اية الكرسي وان شاء الله ماكو الا الخير

حبي ام حواء شلون صارت فطوم ؟؟ يارب تكون بخير وشلونج انتي وية الحياة الجديدة؟؟؟ والله د اتذكر من اجيتي كتيلنا حامل محد جان متوقع تحملين بعد عدة

اختبارات حمل وماكو الحمدلله صارت كلها سوالف وذكريات حلوة

حبي ميوسة اذا ناوية تجيبين طبيعي هاي الابر الزيتية راح تعذبج يالة تولدين لان هاي الابر تلزك الطفل لززززك بس اذا عملية فهي راح تكون من صالحج لان تضمنين وصولج للتاسع ان شاء الله ياربي
حبي شوشو شلون صارت بطنج ؟؟ اطمئني ولتوهسين والله ماكو شي انتي اجتج الدورة لو بعدها ؟؟؟
زوجج شلون صار ؟؟ انصحج نصيحة كدام زوجج انسي العملية وانسي شي اسمة الاطفال لان اهم شي الحالة النفسية للرجل والله واذا يضل بهذا الارباك راح تتأذون اثنينكم ،،عيشوا حياتكم والله الاطفال يجوون عيشي كل لحظة وياه وتلحكين بعدين على الحمل والاطفال
حبي عهودة شلووونج اني اشجعج ترحين يم اهلج بس اسالي يصير تسافرين بهاي المرحلة من الحمل ؟؟؟ واذا سافرتي اخذي زوجج وياج لان خطية هم يريد يفرح بأبنة


دودو ونور الهدى ونونة وهنودة ماكو يارب يكونون بخيرررررر

بالنسبة الية رحت للطبيبة وانطتني تحاميل مال التهابات تلث تحاميل اسمهم جينو دكترين من اخليهم اكعد الصبح كومة ينزل مي حتى ينزل على رجلية
والسونار رجعني عشر ايام تقريبا يعني الطفلة عمرها دينقص وخلصت اجازتي وباجر لازم اداوم وحايرة شسوي مادري اريدها تجي للدنيا حتى ارتااااااح

مرحبا بنات شلونكم اني وصلت تركيا البارحه بعدني ما رحت ابيت اهلي بغير محافظه واني ابيت اهل زوجي باسطنبول بس كعدت الصبح نازل عليه مي هواي تخبلت رحت للمستشفى ومن الصبح ليهسة هناك مدا يعرفون مال شنو هدا المي سوولي سونر تلث مرات كلشي طبيعي وسولي فحص داخلي ماكو شي وسولي تحاليل دم وادرار وطبيعي وتخطيط للطفل هم طبيعي لقلب الطفل كالو تبقين نايمه اسبوع على ظهرج وترفعين رجلج اني احس ماكو شي وهدوله ما يفتهمون وماراح اكدر اروح لبيت اهلي لان سفر بلباخرة تلث ساعات

هلو عهودة حبيبتي الحمدلله على السلامة
احسن شي سويتي رحتي يم اهلج
ولتخافين من المي مدام ديطلع طبيعي بالسونار يعني ماكو شي يخوف يجوز من الالتهاب نزل عليج ارتاحي يوم يومين يم اهل زوجج وبعدين روحي لاهلج واشبعي منهممم

تسلمين حبي الوفه طمنتيني خفت تكون ولاده لا سامح الله وكلش نفسيتي تعبت وما يفتهمون هنا

هلو بنات شلونكم ان شاء الله الكل بخير حبي الوفة شلونج طبعا الوضع الله اليستر ووالله يحفظ ازواجنا واني علما يروح ويرجع للدوام ايدي على كلبي حبي والله اني هسة ويا ماجيب طاري اطفال حتى اني مدااخلي ابالي هالشي خليتهة على الله والله يرزقني ان شاء الله ماريد افكر اهم شي الله يخليلي زوجي ويعافي بجاه هاي الايام انتي شلونج والنونية شلونهة حبي طمنينه عليج
حبي عهودة الحمدلله عالسلامة ودير بالج على نفسج ترة السفر تعب ارتاحي وبعدين روحي لاهلج وان شاء الله بردا وسلاما باقي البنات شلووونكم شو مختفين

هلو بنات شلونكم شخباركم مشتاقتلكم كلكم اني وصلت اهلي بلسلامه والحمدلله بعد ما نزل شي ودا اشرب العلاج ومريحه نفسي
حبي ام حواء الله يعينج كلنه جاي علينه الدور هههههههههه وراح نتبهذل المهم صحه النونيه شلونها ان شاء الله بخير
شوشو حبي شخبارج الله يعافيلج زوجج ان شاء الله ويعدي هالايام على خير على كل العراقيين
باقي البنات شلونكم شو دخولكم قليل ومدا تكتبون شي طمنونا عنكم

هلو بنات شلونكم ان شاء الله الكل بخير حبي عهودة الحمدلله ع سلامتج وتسلمين عالدعوة الحلوة
حبي ام حواء شلونج الله يعينج على فطومة باقي البنات ماكو ايلاف ياريت تطمنة على صحتهة

مرحبا بنات شلونكم اني بخير الحمدلله ام تيما تنورين اربيل حبيبتي اني راح اولد يم اهلي وولادتي بلتاسع يعني ورة العيد تمنيت اني اشوفج واشوف فطومه يله بلكي الحك عليكم
شوشو حبي الله يسلمج المهم تكونين بخير واطمنينا عنج
باقي البنات وينكم والله مشتاقين للمتنه وسوالفنه مبوسه وهنوده وفجر ودودو ولوله والوفه ونور الهدى ان شاء الله الكل بخير

هلو بنات شلونكم ان شاء الله الكل بخير ميوسه حبي ان شاء الله تكومين بلسلامه
ام فطومه مشتاقتلج حيل
رحت اليوم سويت سونر وجيكت علطفل راجع الوضع طبيعي وكلشي تمام بس مشاكل ابيت اهلي عود اجيت اشوف اختي الي صارلي هواي ماشايفتها بس لكيتها متغيره حيل وياي بعد ما تزوجت اني وحتى ويه زوجي كلش خجلتني بس تصيح عليه كدامه وهو لابسته وكالبه خلقتها والبارحه عافنه ورجع لاسطنبول واني كلش خجلت وتعيرني بالهدايه الي جايبتهن للطفل مالي وتضوج من امي تجيبلي شي وبس تصيح علمود اشتغل بلبيت المهم متغيره حيل وتندمت اني اجيت ولا اريد ارجع لبيت زوجي باسطنبول علمود لا يكولون اختها هيج سوت وحتى زوجي حيل انقهر عليه وكال امشي نرجع لان ذبحت نفسي علجيه وامي خطيه حايرة بيناتنا وهيه حتى على امي واخواني تصيح كدام زوجي ما احترمتهم كلش خجلتني واني ضايجه حيل بس بقيت علمود امي

هلو بنات شلونكم شخباركم منورة دودوحبي اختي اكبر مني بسنه ومتزوجه من زمان وعدها اربع جهال مااعرف شبيها بس خلاص تعودت والله كريم انتي 
شخبارج والله يساعدج علخطار 
باقي البنات مختفين وينهم