هلو بنات شلونكم شخباركم مشتاقتلكم والله متقصرون بشي الله يوفقكم يارب حبي ايلاف الحمدلله عالسلامة
طبعا اني البارحة يلة رجعت لبيتي قيت لحد مخلص عرس اختي الحمدلله وجان بالي كله يم التحاليل بس اريد يجي يوم السبت واروح للدكتورة رحت اليوم ومجان عليهة ازدحام همزين فتنة اني وزوجي قرت تحاليل زوجي جان تصفن كالت موزين اول شي العدد كلش قليل والحركة هم وتشوه وكالت مااريد احجي اكثر لان مواختصاصي لازم تروح على دكتور مجاري بولية هو يفهمك كالت هسة تروحون على دكتور اعرفة وقريب عليكم جان تخابرة خطية وكلتلة رح يجوك وديربالك عليهم اما تحاليلي ماببيهة شي بس بقة اروحلهة يوم السبت سونار لان يصادف 13 من الدورة
رحنة للطبيب هوة سمير الجبوري اا ذا سامعين بي بنات كولولي شلونة المهم جان ازدحام والسكرتيرة ابد ماعدهة اسلوب وبس تصيح بعدي يلة كلتلة جايين من طرف دكتورة ريا كلهة اي دخليهم هية خابرتني الطبيب فحصة لزوجي وكلة روح سوي تحليل هرمون وسوناروارجعلي ومعجبني حجالة حجايتين وشايف نفسة رحنة سوينة تحليل هرمونات كالو اسبوع يلة يطلع ورحنة للسونار طلع زوجي عصبي دكتور السونار هم نفس الشي ماعندة اسلوب وميحجي كلشي وميجاوب طلع زوجي يصيح وكل شوية يكول ساعة السودة من رجعت للعراق على شنو شايفين روحهم عبالك ابلاش فايتين هوة بس انطا نتائج السونار وهاهية رجعنة للطبيب شافهة عالسريع ومحجة كلشي كتبلنة علاج وكلة ارجعلي من تطلع نتيجة الهرمونات وهاهية
رحنة جبنة العلاج صار تقريبا بورقة ونص هوة حبوب 3 مرات باليوم وابر شرب وحدة باليوم احنة من قرينة نتيجة السونار اني وزوجي مكتور بداية دوالي والله من شفت زوجي انقهر انعصر كلبي بنات عفية اريد اعرف كلشي عالتلقيح الصناعي شنو هذا والله يانور الهدى صدك اللي يروح للاطباء ينشلع كلبة وتلعب نفسة الله لايودي احد اني ليهسة راسي رح ينفجر وياريت بيهم خير كلمن يحجي شكل

شلوونكم بنات شخباركم اني بعدني بمأساتي ووجع الي بين رجلي وحقج تضحكين هندان لان اني هم اضحك على حالي اكول اذا اروح للدكتورة شكوللها انوبه هم يوجعني الشسمه والله عيب حتى استحي اكول لرجلي شبيه باجر ان شاء الله اروح للدكتورة واشوف مشتاقتلكم كلكم وعلخير عبنوته هندان عمري

ام حواء سلامتج حبي ومابيج غير العافيه

ميوسه وايلاف ودودو ولوله شلونكم شخباركم ان شاء الله الكل تمام

نور الهدى شخبارج عيوني

شوشو حبي لتخافين اني اخويه كالوله هنانه باربيل نفس الشي وسووها عليه ظلمه عساس دوالي والعدد قليل واذا تزوج ما يخلف وشوفيه شبع بجي وقهر وعساس عمليه وانطاه انوبه دخول مشفى وموعد للعمليه وصادف رحنه للسليمانيه وهناك راح لغير دكتور وسواله سونر وتحاليل كاله كلشي طبيعي هاي حاله عارض جانت عندك ورايحه وحتى دوالي مابيك تخيلي شلون الدكاترة يخبلون الواحد بس بس انطاه مقويات وفيتامينات وقوى العدد ان شاء الله بحيل الله يطلع ماكو شي والتلقيح صناعي سهل اسهل من الانابيب ياخذون من زوجج الماده ويوقوها ويحقنوها بمبايضج بوقت الاباضه وبعدين تكومين للبيت وتخدير موضعي وتبقين نايمه على ظهرج 20 يوم صديقتي سوتها وحبلت ان شاء الله ما تحتاجيها وطمنينا عليج

حبي اميرة سلامتج ومابيج غير العافية روحي للطبيبة وكوليلهة عادي مابيهة مستحى خاف عندج التهاب لاسامح الله ان شاء الله ماكو شي ياربي ..والله يسمع منج ياعمري المشكلة اني الطبيبة راسا سالتني قبل مايحلل زوجي اذا السائل مالته مائي لو ينزل مني مي هوابة ورة الجماع كتلهة اي هوايه كالت موزين لازم يحلل يعني طلعت سالفة السائل الخفيف صح وهوة من تزوجنة ليهسة هيجي السائل مالته ياربي خير ادعولي بنات حبي اميرة صديقتج وين سوت التلقيح الصناعي

ميوسة حبي عادي يقدم اسبوعين السونار اني ببداية الحمل جان مقدم اسبوع وبالنهاية قدم اسبوعين عادي جدا مدام كولشي طبيعي لاتخافين وبالنسبة للحركة بالعكس هاي علامة جيدة انه تحسين بيها من وكت غير معناه الطفل نشط بس بالنسبة للعملية هاي ماعرف الله يساعدج  بس ترة اني بحملي ببرهومي هم  جانت بطني توجعني بس بالنهاية فهم جانت تكولي الدكتورة هاي رحمج ديتوسع ان شاء الله خير
حبيبتي شوشو الله يفرحج هوة هنا الاطباء يرادلهم خلك هاي تعودتو برة عالنظام والاحترام فشفتوها غريبة هنا احنة تعودنا على هالبهذلة بس اني ماعرفة لسمير الجبوري بس هم بوكتها دكتورة ريا دزتني على طبيبة دوبلر جانت ممتازة ولبرهومي هم دلتنا على طبيب اطفال وردة مال الله هم استفادينة منه فمن رايي امشو على هالطبيب وبعد براحتكم قلبي اهم شي انتي اطمئنيتي انه تحاليلج سليمة ومثل مكالولج البنات شغلة الرجال اسهل من المرة بالعلاج تمشي الامور ان شاء الله 
دودو تسلمين حبيبتي وربي يفرح كلبج عاجلا ياوردة 
اميرة سلامتج حبيبتي يلة لعيون النونو كل الوجع يهون
باقي الحبايب شونهم

حبي شوشو ابد لاتخافين من الدوالي والله عمليتهة جدا سهلة ويجوز ميحتاج عملية اصلا احيانا يستجيب للعلاج وتزداد عنده نسبة الحيوانات المنوية ... ولايتباطأ بيهة لان اذا دوالي احتمال تزيد بمرور الوقت لان هية توسع بالاوردة اللي تزود دم للخصيتين بحيث يتجمع دم بالخصيتين تزيد درجة حرارتهة ومن تزيد درجة الحرارة عن 36 راح تقتل الحيوانات المنوية .. خللي يطول باله ..بس اني ماانصحج بالتلقيح الاصطناعي لان مايفرق هواي عن الجماع الطبيعي بمثل حاله زوجج بس يجيبون الحيوانات المنوية ويذبوهة بالرحم واعتمادا على عددهة وحركتهة ولان العدد والحركة حاليا مو شي وحتة لاتخسرين وكت وفلوس وجهد وتعرفين هاي الامور تاخذ وقت بين تحفيز للمبايض وبين زرق وبين انتظار للنتيجة فانصحج بالانابيب اضمن بهواي لان يدخلون الحيوان المنوي للبويضة مايعتمدون على عددهة وحركتهة ومايحتاجون عدد هواي ولاحركة نشيطة وبالعراق ارخص بهواي من برة همي ايدج بالانابيب من تجربة الاصطناعي مايفيد وانتي تقيمين وضعج بعد وياربي ماكو غير العافية والله اني اعرف هواااي بيهم دوالي وماشاء الله امورهم ماشية بعلاج او بعملية بسيطة جدا بالناظور يسويهة ويكوم ولا كأنما اكو اي شي صاير ويمكن ربج يفرجهة بالعلاج بس اسمعي حجايتي لايتهاون بعلاجهة لان كلما ترتفع درجة حرارة الخصية بسبب الدوالي راح يقتل حيونات منوية اكثر وانصحج اقري عليهة بالنت .. لاتخافين ولاتضوجين وهوة ربج ادرة بالصالح ينطي كلشي بوقتة وديري بالج على زوجج ازمة وتعدي والله ولاتضوجين مئات اذا مو الوف عدهم هاي الحالة بس اللم ساكتة وماتحجي والله

تسلمون بنات تسلمين حبي نونة ماقصرتي ربي يسهلج حملج هوة اليوم بدة بالعلاج وياريت يكلولة عملية ونخلص بس هو الطبيب مجاب طاري عملية هذا العلاج يستمر شهر رح انتظر شهر والله كريم ورح نروح لطبيب كرايبة زين بس بغير محافظة ونشوف شيكولة الله يسهل

اي هوة هذا علاج الدوالي هيج ينطون علاج فترة وبعدين يشوفون اذا اكو استجابة يعني ميحتاج عملية واذا لا فيسوون عملية وورة العملية من اربعه الى ستتة اشهر يالله ترجع النسبة طبيعية لان الحيوانت المنونية مو مثل البيوض احنة شهر بشهر لان هاي البيوض موجودة وياج من تنولدين بس يحفزوهة تكبر اما توليد الحيوانات المنوية ياخذ وقت اطول لذلك اول متصيرلج فرصة وترتبين امورج وامكانياتج علانابيب سويهة لان اذا مستعجلة علطفل متأثر اني من سويتهة مااخذو ا ولا احتاجو حيوانت منوية اكثر من البيوض مثلا تصير عندج 12 بيضة فيحتاجون 12 حيوان منوي يدخلون كل واحد بداخل كل بيضة وتفض اما اذا انتو مامستعجلين فانتظري العلاجات وبعدين ربج يحلهة وانشاله خير ياربي واذا تحتاجين اي سؤال علعملية اني حاضرة

حبي نونة وين سويتي العملية انتي منو الدكتور وليش سويتي انابيب يعني شنو المشكلة جانت

حبي شوشو اني سالفتي مااعرف شنو جانت غريبة واني خارج العراق وسويتهة خارج العراق واني ماعرف شنو المشكلة الاطباء حارو وياي مايعرفون شنو السبب بس جان ربج مارايد يرزقنه بصورة طبيعية واني اجلت الحمل اببادية زواجي بحدود 3 سنوات فحاولت من حوالي سنتين ونص بس من سنة بالتحديد من شهر الثاني 2012 حاولت بصورة جدية الى ان ايست انو يصير بصورة طبيعية فسويت اصطناعي وويةالابر من سويت التلقيح الاصطناعي صارت عندي 12 بويضة مرة وحدة وزوجي نسبتة زينة ومع هذا مصار لذلك ماانصحج بيهة ابد وبقية الاشهر البيوض اللي تصير عندي اقل شي 3 من الكلوميد والله مرات 13 و12 و7 و6 بويضة بالشهر واعداد تضحك من ابسط علاج منشط حتة الطبيب جان يخاف يصير عندي توائم متعددة يعني اربعة وخمسة وهيج شي مثل ذول البالتلفزيون ههههههههه ومع هذا كلة مايصير حمل ومافاد فسويت انابيب يعني من زواجي ليهسة تقريبا خمس سنوات ونص فمن شفت الوكت اخذني بين تأجيل للحمل وبين محاولات غير جادة بدون علاج وبين محاولات جادة بعلاج وعدد هائل من البيوض بدون فائدة وتهيأه الاسباب ومع هذا عدم حصول حمل بدون وجود سبب واضح ساعة نكول سحر وساعه نكول عين (صرنة متخلفين كللش هههههه بس والله من احساسنة بالعجز ) وساعة نكول الله اله بيهة مصلحة ونقنع بنفسنة والوكت يمشي وراهة عبالك واحد ضربني راشدي وكاللي كافي تهاون بالمحاولات خللي العب باخر ورقة مادام رب العالمين مارايد طبيعي فسويت الانابيب واذا تريدين تساليني عن التفاصيل اني بخدمتج لاتخافين فرصة الانابيب للكل تقريبا متساوية لان يسوون تحفيز للبيوض ومايحتاجون كل العدد من الحيوانات المنوية اني اصلا اللي من زوجي ذبو اكثر 90 % من الحيوانات لان مااحتاجوهن وربج قسم الحمد لله

حبي نونة متقصرين والحمدلله رب العالمين رزقج يارب الله يتمملج على خير وتكومين بالسلامة

حياتي ميوسة شلونج تسميلي عمري متقصرين الله يفرح كلبج بشوفة ضناج ان شاء الله رح اكولة على هذا الطبيب بس نننتظر تطلع نتائج الهرمونات ويمكن نعوفة لهذا الطبيب حبي هوة زوجج شنو جان عندة اذا مو دوالي لعد شنو زين شنو نطا دوة وشنو نوع الجلسات والله يسمع منج عمري اني اخاف من الانابيب كلش ان شاء الله مااحتاجهة لان هواية شو خوفوني منهة

حبي شوشو انتي مبدئيا انتظري هذا الشهر من بعد العلاج اذا صار تحسن وانشاله يصير يااااااارب حاولو طبيعي واذا لاسامح الله مصار فكدامج 3 خيارات الاول انو تنتظرين بلكي ورة فترة يصير تحسن لان مو دائما من اول شهر تقفز نسبة الحيوانات مرات ورة فترة بسيطة بس شوية اكثر من شهر والخيار الثاني انو تسوون انابيب والله ماتخوف بس انتي متخوفة هاي في حالةانو اذا مستعجلين علطفل حتة هوة من تصيرين حامل يتعالج براحتة وبدون شد وضغط على اعصابة والخيار الثالث في حالة اذا ثبت دوالي انو يسوي عمليتهة البسيطة جدا واللي اي طبيب جراح مجاري بولية يكدر يسويهة لان صارت ابسط من رفع اللوزتين واني اعرف هواي اشخاص من عائلتنة ومن معرفنة واصدقاء زوجي سووهة وماشاء الله كلهم تحسنت نسبتهم ورة فترة بسيطة وصار حمل مرة ومرتين عد زوجاتهم وبهاي الحالة تنتظرين علاقل اربعة الى ستتة اشهر بالغالب بهاي الفترة تقفز نسبة الحيوانات ويكدر يضغط على المنطقة عند الجماع بعد العملية وكل الخيارات جوة ايدج وسهله ومتاحةونسبتهة عالية النجاح والله بس اهدئي شوية والله بسيطة ومادام خليتو ايديكم على العله لاتنخافين من الحلول لان كلهة بسيطة وهذا خوفج ممكن يسببلج مشاكل لان اذا هربتي من الحل راح تتأذين .. اهدئي وانتظري هلشهر يعدي وانشاله يعدي على خير وتتحسن نسبة زوجج ووراهة اتخذي قرار

حبي هندان تسلمين الله يكومج بالسلامة هو اني دااراجع دكتورة نسائية بس هي حولتني على اختصاصي عقم خطية علمود زوجي
حبي نونة الله يريح كلبج عمري ان شاء الله ياربي يصير تحسن الله يسهل

هلوو حبي ام حوا الحمد لله بخير

البارحه رحت سويت تحاليل والحمد لله ماكو بكتريا

ارتاحيت صدك اريد اعرف السزنار ثلاثي الابعاد هو نفسه الدوبلر السونار الملون


حبي شوشو ان شاء الله ربج يفرجها باقرب وقت

صدك اريد اسم بنوته حلووووووووو

هلووو حياتي ميوسه منوووووووووره

اكول خاف حبوب ضغط مو زين هلكد على نونو

اوووويلي ميوسه ذكرتيني بالاشعه لملونه

اني سويتها مرتين الله لا يراوي وجعها لاحد يمممممممه تموووت

اوووووووووي ذكرتوني بالاشعة الملونة اني الحمد لله بس مرة وحدة سويتهة بس ليهسة زارفة كلبي ماجانت توجع بالنسبة الي بالقدر اللي دخلت بي مرعوبة وطلعت مرعوبة لان خفت لااكو انسداد بالانابيب والنوب ينفتح علية باب ماينسد واتذكر جان التكييف بالغرفة مالت الاشعة مجرش بحيث جمدت لان لازم الوحدة تبقة مكشفة يبووووووو الله لايراويهة الاحد

شكرا ميوسة حبيبتي على سؤالج احنة بخير برهومي يسلم عليج شنو كمتي تاخذين 4 الدوميت ووياها ميتوبرولول؟يلة احسن مومشكلة متضر اصلا الادوميت ممكن تاخذيه لل8 حبات المهم ضغطج ينزل وانشالة تكومين بالسلامة انتي وكل البنات

هلو حبيباتي شلوووووونكم مشتاقتلكم هواية والله
جنت يم اهلي والنت عدهم ضعيييييف حيل

حبيباتي ام حواء وميوسة وشوشو ودودو ونونة ونور الهدى واميرة وهنودة ولولة قريت كتاباتكم كلها ياربي ان شاء الله كلكم مرتاحين

وياربي تطمئنين على بنوتج ام حواء مع انه اني متاكدة مبيها شي
ميوسةحبي ديري بالج عاى روحج الضغط
حبي شوشو والله شغلتكم بسيطة ان شاء الله وشوفي الطبيب ال وصفتة ميوسة
وياربي ان شاء الله نونة مبيها شي

طبعا اني عيد ميلاد زواجي الاول كان بيوم عمليتي هذاك الاسبوع يعني ضاع علية الميلاد والطلعة

ان شاء الله نعوضها سنة الجاية