حبيباتي ربي يخلليكم انشاله اني هلايام جاي اسوي افلام بدراستي الغباء صاعد والنعاس مو طبيعي وجاي اشتغل بالنتائج مالتي اللي هية اصلا تموت وتدوخ فاجيت اليوم اكول هااااي اني شمسوية حاطة ناس بمكان ناس وشغل 3 اسابيع كلله غلط لاعبة لعب ومخربطة كللش هواي ماادري شبية فشربت مكين كهوة كللت خللي اصحصح اليوم واكتشفت البلاوي الي مسويتهة .. فدوة ماكو علاج لحاله الغباء اللي نزلت علية والله جاي تضيع مني كومة وكت وجهد واني اصلا مضنوكة بوكت .. اما بالنسبة للوحام فيعني كالبة علحوامض اللي اني اصلا احبهة بس صايرة مثلا اكل خمس ليمونات كبار باليوم ولبن حامض واي فاكهة حامضة ومفجوعة علاكل بس مو كلشي اكل يعني اكل انواع معينة بس بكميات جبيرة واني ماحابة هاي الوضعية لان جاي اسمن وهسة مو وكت سمن يعني اني جان وزني قبل الحمل 65 وطولي 163 هسة باسبوع واحد صار 67 ونص ومن ابقة علهلمعدل كللش مو خوش بس عموما لحد الان الطفل زين بس اشو اكو افرازات خفيفة اليوم انشاله عادية مو؟

هلوووو بنات شلونكم حبايب يارب الكل بخير
حبيبتي شوشو الكلام اللي كالو البنات صحيح والحمدلله حالتكم مو صعبة والها حل وانتي بس ادعيلا وهسه تشوفين شلون راح يقتنع ومثل ماكالت نونة لا تكولون للناس شني هي العملية وان شاء الله موفقين يارب وماعدكم غير العافية وحبيبتي كلنا وياج بالدعاء وباذن الله عن قريب تبشرينا

بنات اني وزني صار ٧٤ بس مو هواية مبين علية لان ضايع وية الطول وبطني د احسها دتكبر وتطلع ليكدام مو مثل ذاك الحمل حتى البناطير صارت تضايقني ولهذا راح اخيط صداري لان ماكو على طولي بالسوك
والاكل اكل بس وجبتين باليوم لان ارجع متاخرة من الدوام
البارحة رحت لقحت واليوم ايدي دتموتني
ميوسة دتحسين بالحركة؟؟؟ اني اليوم ماكو حركة بس كل يوم د احس هواية ضربات كولش خفيفة مثل دكات الكلب

حبيبتي ام حواء ولا يهمج والله اصلا اني ناسيتها للرسالة ههههههههههههه وشكرا عالرد عمري والله ادري بيج مشغولة والله يقويج يارب وينطيج الصحة والعافية
حبيبتي ميوسة ربي يخليلج النونو اللي ابطنج وياااااااارب يوم اللي يحبي ويتحرك بالبيت حبيبي ياربي حرسه وعلمود البنات مرات يكولون نونية يمكن لان البيج انترس نونيات ماشاء الله فكمنا نخربط وسوينا الكل بنوتات وطبعا اني صارلي يوميين كاتلة روحي عالبنات وحتى قبل جم يوم دعيت ربي توم بنات هلكد مامشتهية بنات هسه اني احجي واكرط بسنوني هلكد مامشتهيتهم حبيباتي ماكو احلى من البنات ولبس البنوتات ودلعهم من همه وصغار والحمدلله والشكر شيجي من الله خير اذا ولد واذا بنية بس اهم شي الخلقة التمام والصحة والعافية وياااارب

حياتي نور الهدى ان شاء الله ربي يفرحج بنونية قريبة

ميوسة اني جرعتين لان مملقحة بالخطوبة ولا بهذاك الحمل

اي ام حواء حيل افرح من احس بالنونية ومن اشوفها عاقلة حيل انقهر

مرحبا بنات شلونكم اني اجيت هههههه اسفه علتاخير شخباركم كلكم قريت هواي كاتبين وان شاء الله الكل بخير ماكدرت افوت هليومين لان زوجي تخبل وكسر اللاب توب واليوم خطيه ام زوجي جابتلنه واحد جديد بالباكيت اني كيفت لان هذاط جان تعبان
شكرا هنوده حبي علجواب ونفس الكلام كالته الي البارحه الدكتورة كالت اول تلقيح من يتحرك الطفل من افوت بالرابع بس بنات اني دخت بشغله الطفل بلسونر اكبر من عمره باسبوعين طالع تلث شهور وتلث ايام واني على حساب الدورة لازم هسة شهرين ونص ودخت فهموني اني اخر دورة جانت 3-12 يعني الحمل تقريبا صاير 10-12 مو لازم كل 10 بلشهر افوت بشهري ليش بلسونر دا يطلع اكبر وقاستلي وزني نازل 3 كيلوات بس الضغط والسكر وفقر الدم طبيعي بس سوتلي تحليل مال التهابات المجاري البوليه وبعدها موجبين مع اني دا اشرب مي وخلصت الحبوب كلها ورجعت سجلتلي حبوب وفوار واني صدك نفسيتي تعبت من الوجع الي اسفل بطني والله مدا اكدر اطبك رجلي طكت روحي وتالي وشنو سبب الالتهابات مدا ادري طولت عليكم بس هذا مال يومين هههههه ها وشفت الطفل ماشاء الله مبين رجليه وايديه وراسه ويتكلب يخبل يشبهني هههههههه

هههههههههههههه اي عسل اكيد بس لا يطلع على ابوه عصبي

زين بنات عفيه للي تعرف شسوي للالتهاب تفهمني وليش مدا يروح بلتحليل واني دا اشرب الدوة وخلصته وهسة كتبتلي من جديد عفيه للي تعرف تكتبلي اي وصفات طبيعيه اكوم اسويها عسى ولعلى يروح

هلو بنات شلونك حبي نونة ماقصرتي ياوردة ربي يكومج بالسلامة ويوفقج بدراستج يارب وربي يسمع منكم ميوسة ونور الهدى تسلمولي حبايب البارحة حجيت وية زوجي وسالتة شقررت كال رح اسويهة بنص الثالث واسويهة يم دكتور سمير كتلة ليش منشوف طبيب احسن كال لا هذا عجبني كتلة ميخالف بس سويهة وهاهية بعد بس ادعولي ميبرد ويسويهة والله نونة ادري بيهة بسيطة واريد يسويهة اليوم قبل باجر والحمدلله على كل حال بهاي ولابغير شي باقي البنات شلونكم

تسلمين حبي ميوسه وشوشو ان شاء الله ما يغير رئيه ويسويها وترتاحين وتحبلين بحيل الله
باقي البنات شلونكم شخباركم

هلووووووووو حبيباتي صار يومين مداخلة لذلك اتمنى تعذروني من الردود الفرددية لان راسي صاير طبلللللللل وكللش تعبانة .. شلونكم كلكم ياربي تكونون باحسن حال .. حبي شوشو الف الحمد لله والشكر من الله هدا وانشاله يارب تفرحينة عن قريب.. حبي ام حواي وكل البنا ياربي كلكم تكونون بخير .. ميوسة حبيبة اني عندي بس عنون واحد يعني من البداية بين والف الحمد لله والشكر اني كلتلكم من اول سونار انو هوة طلع عنون واحد والله يكملهة بالستر انشاله ويحفظلكم اجنتكم ويرزق الحبايب اللي منتظرات برحمتة ورزقة الواسع انشاله مابقة شي اني حاسة بدة العد التنازلي لنور الهدى ودودو وشوشو هسة يجونة مرة وحدة ويكتبون بتهاني الحوامل ونباركلهم

اني نفسيتي حيل تعبانه

عفيه ادعولي

تسلمين حبي ام حواء مشتاقتلج حيل
هندان حبي شبيج عمري احجيلنه ان شاء الله خير

هلوو حبي اميره نزلت موضوع بقسم اسئله الزائرات روحي شوفي هذا الي متعبني

بنات ذاك اليوم ماادري اني حلمانة ماادري صدك اكو وحدة سالت على ماليزيا وكالت منو من البنات بماليزيا واني مااذكر منو من البنات سألت لان قريت الموضوع وجنت اغفي فاللي حابة تعرف شي تدزلي رساله علخاص حتة تسأل براحتهة واسفة بس صدك مااذكر منو

هلو هلو عيني نسيتوا دودو بسيييييييييييييييييييييييييييطه زاعلتكم وما احجي وياكم بعد بس خل اسال عليكم هسه وبعدين ما احجي
شونكم عيني امهات المستقبل وحده وحده واللي ان شاء الله بالمستقبل نصير امهات شونكم لان صرنا هوايه ما شاء الله مو مال اذكركم شكو ماكووووووووووووووووووو

هلوو بنات شلونكم اخباااركم حياتي ام حواء الله يسمع منج