هلو بنات شلونكم شخباركم اعذروني مدا ادخل هواي والله شغل بيت وهوسه
المهم كلكم مشتاقتلكم اليوم رحت للمستوصف واخذت لقاح وحبوب فيتامين حديد وسويت تحاليل وكلشي طبيعي بس الطفل دا يطلع بالاسبوع العشرين المهم الحمدلله كالت كلشي طبيعي
شوشو حبي والله بالي يمج ان شاء الله يكوم بلسلامه زوجج وترتاحين
ام حواء حبي شلونج صحتج طمنيني
باقي البنات كلكم شلونكم وان شاء الله الكل بخير

هلو بنات شلونكم تسلمون حبايب ميوسة واميرة وايلاف عالسؤال اني كلش تعبانة ديصير عندي ارق مو طبيعي مانام الليل كلة بس افككر حتة زوجي خطية .وهسة مستمر عالدوة ومنا لاسبوع تبين واذا مصار تحسن نروح لغير طبيب واني كل شوية اسالة خف الورم هوة من يشوفني هيجي خطية يكولي اي يمكن خف شوية بس احسة بس يريد يهديني هلكد ماأسأل الحمدلله على كل حال ربي يسهل

هلو بنات تسلمين حبي ام حواء اني الحمدلله زينه
شوشو عمري ان شاء الله ازمه وتعدي وفترة وتعدي وعلى كوله ام حواء تصير سوالف
باقي البنات شو ماكو شنو القضيه

هلووو بنات شلونكم
بنات راح اموت من الالم عندي تقلصات قوية صار تلث ايام (اسم الله عليكم)
اليوم رحت للسونار وردت اسوي دوبلر بس الطبيبة ماقبلت كالت بالثامن اسويلج مو هسه
وكالت المشيمة عندج امامية والطفلة على المقعد وعندج تقلصات بالرحم

رجعت بلعت لومنال صرت شوية زينة بس هسه رجع عندي الالم والله يستر

انتوا شنو اخباركم؟؟

هلو بنات شلونكم شخباركم مشتاقتلكم حيل اني الحمدلله زينه بس هم اكو اوجاع اسفل بطني الله يستر ومريضه فلاونزا اسم الله عليكم بلاعيمي وخشمي موتني دا اشرب بس بندول ازرك

هلو حبايب شلونكم وحدة وحدة الحمدلله والشكر خف الورم عند زوجي واكو هواية فرق الحمدلله
ام حواء عمري شلونج حبي ايلاف واميرة سلامتكم ان شاء الله مابيكم غير العافية بقية البنات ماكو ميوسة ودودو ولولة ونور الهدى ونونة ماكو مختفين ان شاء الله الكل بخير

هلووو بنات شلونكم شنو اخباركم
حبي ام حواء وشوشو تسلموووون
اليوم كعدت الصبح بس قيء واسهال تكرمون والم بطن شديد وصداع وارتفاع درجة حرارة
ولحد الان مريضة نايمة اني والله ماخاف على روحي اخاف بس على الطفلة ربي يحفظها ان شاء الله

حبيبتي شوشو الحمدلله على سلامة زوجج هسه يتحسن بعد ان شاء الله
ام حواء بعد شكد وتدخلين بالتاسع ؟
حبي اميرة سلامتج

هلووووو بنات شلووونكم
حياتي شوشو الحمد لله والشكر اتحسن شويه زوجج وكولش فرحت من قريت التعليق مالتج
وان شاء الله عدت على خير وعن قريب نفرح باحلى خبر بحق محمد وال محمد ومتعرفين انتي شكد ببالي من ادعي واتذكرج وادعيلج

حياتي عهوده شلونج سلامتج وما عندج الا العافيه

هاي شنو شو اليوم الكل مرضى
واني هم راسي يوجعني مدري ليش وجيكت ضغطي مو كولش عالي تقريبا نورمال
وهم تعبانه كولش بالبيت مدا اكعد ارتاح ابد والله يسهل يا ربي

الوووفه حياتي ما عدج الا العافيه وان شاء الله النونيه الوكيحه ما عليها شي واخذي باراسيتول وسوائل دافيه ونامي وارتاحي وبالنسبه لسؤالج بعدني 13يوم بالثامن عالحساب المضبوط مال سونار
فباقيلي هوايه للتاسع والايام بطئيه

والدكتور ديلح انه اجيب قبل وكتي وكولش خايفه وعن قريب لازم اكطع الاسبرين همين
وبعدني ممفتمه السالفه ورا اسبوعين ان شاء الله عندي موعد واكعد افتهم منه لازم

بس رجلي مصمم انه اكمل وقتي واجيب طبيعي

ودتجيني اوجاع مثل الدوره وبس اتعب تبدي عليا وسالت بالموعد الفات كالولي هذا طلق كاذب يجي بشهر الثامن



ميوسه ماكو مختفيه ان شاء الله بخير هيه والنونيه

ونونه هم ماكو
دودو هم ماكو
هنادي هم ماكو
وبنات التجمع فردا فردا ماكو مدري شصاير

ان شاء الله الكل بخير يا ربي

هلوو بنات شلونكم حياتي ام حواء تسلميلي ربي يرزقج على كد نيتج ويخليكم الي طبعا هاي الايام وهذا الشهر صدك بطيييئ هههه اني هم كل يوم احسب لان بعد شهرين يلة زوجي يصير يحلل بس رح ابطل مااحسب لان من تظلين تحسسبين تصير اطوول حبي مظل شي ان شاء الله وتجي البنوتة بحيل الله بس مو تعوفيننننة رح اظل بس اني بالمنتدى لان البنات صايرين يختفووون مادري ليش حبي ايلاف سلامتج ريحي روحج وياريت تطمنينة عنج حتى ام حواء ليش تعبين روحج علاقل انتظري للتاسع وبعدين كمزي والله الحافظ

هلووووو بنات شلونكم
والله مشتاقتلكم هواي وانتو كل يوم على بالي بس مايصحلي اكعد عالنت دائما لان بعدني مامستقرة بين بيت اهلي وبين بيت عيالي ومن اكون بيت اهلي اساعد امي بالشغل والطبخ خطية لان ايدها وحدها وطبعا دائما اسوي من اكلات ام حواء وكلشي اسوي يطلع طيب عاشت ايدج وردتنا ام حواء شلونج شخبارج والله مشتاقتلج وادعيلج ربي يعدي هالايام على خير والحمدلله راح الكثير وظل القليل بحيل الله وان شاء الله كلها ايام وتشوفين بنتج بحظنج بس مو تنسنيا ورا ماتجيبين ههههههههههههه
حبيبتي ميوسة شلونج وشلون النونية والله مشتاقين
حبيبتي شوشو الف الف الف الحمدلله ياربي على سلامة زوجج والله العظيم انتي دوم على بالي وادعيلج وادعي لزوجج يكوم بالسلامة ويصير زين الله يحفظلج يا يارب وتبشرينا بحملج عن قريب
ايلاف عمري شلوونج سلامات حبي ديري بالج على صحتج وعالنونية ويارب ماتشوفين شر والله يعدي الايام وتكومين بالسلامة انتي والنونية
نونة عمري شني اخبارج اشو ماكو طمنينا عنج حياتي
اميرة حبي شلونج وعندج العافية والله كلش مزعجة الانفلونزا وخصوصا ويا الحمل حاولي تشربين عصير برتقال وماعندج غير العافية يارب
دودوووووووو حبيبتي وينج شخبارج شخبار الشقة الجديدة اشو انتي ماكو؟ عسى المانع خير
لولة حبيبتي شلونج وشلون برهومي الحلو مشتاقتلكم
هنودة حبي شخبارج وشخبار النونية يارب تكونون بخير طمنينا عنج
باقي البنات شلونكم والله الكل على بالي وما يمر يوم اذا مو اذكر الكل وادعيلكم واتمنالكم كل خير واني اعذروني لان مو يومية اكدر اطب للمنتدى واكتب بس صدكوني انتو دوووووووووم عالبال الله يحفظكم اليه ياااااااارب ويسمعني عنكم احلى اخبار
هاا صدوك اذكرت ام حواء سألتيني عن العراق وشلون شفته اني بالبداية جنت ظايجة بس هسه تعودت هو اول وتالي الواحد لازم يرجع لبلدا واكيد بالبداية صعبة بعدين يبدي يتعود عالوضع والمعيشة وان شاء الله الله يفرجها عالعراق وماتظل هيج

هلو بنات شلونكم كلكم حبيباتي مشتاقتلكم والله يسلمكم اني لحد الان ما طبت اسم الله عليكم ومتعبتني بشغل البيت العينتين كل يوم تكلبه عليه وخبلتني ودا تنام بغرفتي والله دا انجلط الا متى يعني تعبتني حيل كل يوم تخبص البيت وانظفه جم مرة باليوم عبالك عدنا جهال وانوبه خشمي مقبط وبلاعيمي واكح علمود هيج والله مالي نفس حتى افوت للمنتدى ما اعرف شنو اكتبلكم اعذروني حاولت ما اشكي هوايه هههههههههه
المهم كل البنات بخير وان شاء الله الغايبه تكون اخبارها زينه

شوشو الحمدلله خف الورم من زوجج والله كلش فرحت ان شاء الله يطيب وترتاحين عمري انتي

هلو حبايب شلونكم حياتي نور الهدى منورة تسلميلي عمري عالدعوات ربي ينولج اللي ابالج ويرزقج ياطيبة ميوسة حبي تسلمين اني الحمدلله اسال عليج عمري .. حبي اميرة تسلمين ياوردة والله الله يساعدج يعني المفروض هي تساعدج مو انتي تنظفين وراها شنو طفلة هي خصوصا هلايام يرادلج راحة ام حواء عمري الله يكون بعونج ريحي روحج مظل بس القليل ان شاء الله باعي عليهة لبنوتج هسة ترتاحين هههههههههه شوفيهة شلون حلوة صايرة حياتي بصورة الشريط هههه باقي البنات شلووونكم

هلو بنات تسلمين حبي ميوسه هو اني ماشيه بهاي الخطه والله كريم بنات اني هم احس اعظامي راخيه كلت خاف نقص كالسيوم عندي لو لان مريضه لو عادي

هلو بنات شلوونكم وحدة وحدة حبي ميوسة تسلمين يارب الله يفرحني بالقريب العاجل ياااارب وكل البنات ياربي
وينكم البنات صدك هدوء صاير يلة تعالو كولولي شسوي غدة محتااارة

هلو حبي ميوسه شخبارج الوضع يمي الامن مستدب جزئيا والحمدلله كامت تنام بلغرفه الثانيه ماتت برد يمنه كمت اخلي السبلت مشتغل للصبح اموت برد اني عادي بس المهم تطلع ههههههه خبيثه اني مو ههههه
شوشو حبي شخبارج اني سويت تمن وفاصوليا يابسه كلش طيبه
باقي البنات شخباركم ام حواء طمنينا يمعوده كلنه حامل وياج بالحمل مالتج وننتظر تجي البنوته بصحه وسلامه على احر من الجمر الله يفرحج يارب ويفرجها عليج وتصير الايام الجايه سهله

ماكتلكم خطيه عديت زوجي وبلاعيمه فد مرة ويكح مثلي وامه تخبلت تكول ليش عديتيه اني شعليه ضاجت لان ينام بصفي لعد وين ينام ومخبوصه بيه ادويه وابر توديه واني صارلي اسبوع مريضه الله وكيلكم سلامتج ما كالتلي بس امي خطيه كل يوم تخابر تسئل عني فديتها